ប្រែសម្រួល៖តារា
គ្រូបង្វឹកក្រុមជម្រើសជាតិអង់គ្លេស លោក Gareth Southgate បាននិយាយថា ខ្សែប្រយុទ្ធរបស់ Brentford គឺកីឡាករ Ivan Toney នឹងទទួលបាននាទីខ្លះក្នុងការប្រកួតមិត្តភាពរបស់ពួកគេជាមួយនឹងក្រុមអ៊ីស្លង់នៅថ្ងៃសុក្រ (ថ្ងៃទី 7 ខែមិថុនា) ប៉ុន្តែការធ្វើឱ្យប្រធានក្រុម Harry Kane ត្រឡប់មកវិញដើម្បីបង្កើនល្បឿនមុនពេលការប្រកួតជើងឯកអឺរ៉ុបមានអាទិភាព។

ខ្សែប្រយុទ្ធរបស់ Bayern Munich កីឡាករ Kane បានជួបបញ្ហារបួសខ្នងរហូតដល់ចុងបញ្ចប់នៃរដូវកាលនេះ ហើយបានលេងត្រឹមតែ 30 នាទីចុងក្រោយនៃជ័យជម្នះ 3-0 របស់អង់គ្លេសលើក្រុម Bosnia និង Herzegovina កាលពីថ្ងៃចន្ទ ដោយស៊ុតបញ្ចូលទីគ្រាប់ទី 3 ពីចម្ងាយ។

លោក Southgate ដែលត្រូវកាត់បន្ថយក្រុមរបស់គាត់ដល់កីឡាករ២៦នាក់នៅថ្ងៃសុក្របាននិយាយថា៖ « Toney នឹងចូលរួមក្នុងការប្រកួតនៅថ្ងៃសុក្រ ប៉ុន្តែខ្ញុំត្រូវតែយក Harry Kane ឲ្យបានត្រឹមត្រូវ។
“ដូច្នេះពេលខ្លះ អាទិភាពនៃអ្វីដែលទាមទារ និងអ្វីដែលអ្នកចង់ឃើញផងដែរ អ្នកមិនអាចសម្រេចបាននូវគោលបំណងទាំងអស់នោះទេ។”

លោក Southgate បាននិយាយថាការប្រកួតនៅថ្ងៃសុក្រនៅ Wembley មានសារៈសំខាន់បន្ថែមទៀតព្រោះវាគឺជាការកម្តៅសាច់ដុំចុងក្រោយរបស់ពួកគេសម្រាប់ Euro 2024 ក្នុងប្រទេសអាល្លឺម៉ង់។
លោកបានបន្ថែមថា៖ «យើងចង់បង្កើតការប្រកួតនៅថ្ងៃចន្ទ ដោយរាងកាយវាជាការប្រកួតដ៏សំខាន់សម្រាប់កីឡាករ»។

“សូម្បីតែកីឡាករដែលបានលេងបាល់ច្រើនក៏គេនៅតែត្រូវការចង្វាក់នៃការលេងការប្រកួតដែរ.. ថ្ងៃសុក្រក្លាយជាលំហាត់ប្រាណដ៏សំខាន់សម្រាប់យើង”។

អង់គ្លេសបើកយុទ្ធនាការរបស់ខ្លួននៅថ្ងៃទី១៦ ខែមិថុនា ទល់នឹងស៊ែប៊ី ក្នុងពូល C៕
ប្រភព៖ Reuters