ប្រែសម្រួល៖សហការី
សិង្ហបុរី៖ ប្រធានាធិបតីអ៊ុយក្រែន លោក Volodomyr Zelenskyy បានជួបជាមួយប្រមុខរដ្ឋ និងសមាជិកសភាក្នុងប្រទេសសិង្ហបុរី កាលពីល្ងាចថ្ងៃសៅរ៍ ទី១ មិថុនា និងព្រឹកថ្ងៃអាទិត្យ ដោយស្វែងរកជំនួយផ្នែកសន្តិសុខ និងការគាំទ្រសម្រាប់កិច្ចប្រជុំកំពូលសន្តិភាព បន្ទាប់ពីបានមកដល់សម្រាប់ដំណើរទស្សនកិច្ចដ៏គួរឱ្យភ្ញាក់ផ្អើលក្នុងកិច្ចសន្ទនា Shangri-La ។
នៅលើវេទិកាប្រព័ន្ធផ្សព្វផ្សាយសង្គម X លោក Zelenskyy បាននិយាយថា គាត់បានជួបជាមួយប្រធានាធិបតីជាប់ឆ្នោតឥណ្ឌូនេស៊ី Prabowo Subianto ។ គណៈប្រតិភូមកពីសភាសហរដ្ឋអាមេរិកនិងប្រធានាធិបតីទីម័រខាងកើត លោក Jose Ramos-Horta ។
Zelenskiy បាននិយាយថា “វាមានសារៈសំខាន់ខ្លាំងណាស់សម្រាប់ពួកយើងដើម្បីចាប់ផ្តើមដំណើរការនៃការបង្កើតសន្តិភាពមួយ” ។ “រុស្ស៊ីមិនចង់បញ្ចប់សង្គ្រាមទេ ដូច្នេះយើងត្រូវតែធ្វើការជាមួយពិភពលោកទាំងមូលដើម្បីនាំសន្តិភាពឱ្យកាន់តែជិតស្និទ្ធ”។
គាត់បាននិយាយថា Ramos-Horta បានយល់ព្រមចូលរួមកិច្ចប្រជុំកំពូលដែលគ្រោងធ្វើនៅពាក់កណ្តាលខែមិថុនានៅប្រទេសស្វីស។ នៅក្នុងកិច្ចសន្ទនា Shangri-La កាលពីឆ្នាំមុន លោក Prabowo បានស្នើផែនការឥណ្ឌូនេស៊ីសម្រាប់ការបញ្ចប់សង្រ្គាមនៅអ៊ុយក្រែន។
នៅក្នុងសុន្ទរកថាទៅកាន់គណៈប្រតិភូកាលពីថ្ងៃអាទិត្យ រដ្ឋមន្ត្រីការពារជាតិចិន លោក Dong Jun បាននិយាយថា ប្រទេសរបស់លោកបានប្រុងប្រយ័ត្នមិនគាំទ្ររុស្ស៊ី ឬអ៊ុយក្រែនឡើយ។
លោកបានបន្តថា៖ «ចំពោះវិបត្តិអ៊ុយក្រែន ចិនបាននិងកំពុងជំរុញការចរចាសន្តិភាពដោយមានអាកប្បកិរិយាទទួលខុសត្រូវ។ “យើងមិនដែលបានផ្តល់អាវុធដល់ភាគីនៃជម្លោះនោះទេ។ យើងបានដាក់ការគ្រប់គ្រងយ៉ាងតឹងរ៉ឹងលើការនាំចេញវត្ថុប្រើប្រាស់ ហើយមិនដែលធ្វើអ្វីដើម្បីបំផ្ទុះភ្លើង។ យើងឈរយ៉ាងរឹងមាំនៅម្ខាងនៃសន្តិភាព និងការសន្ទនា”៕
ប្រភព៖ Reuters/ac
