ប្រែសម្រួល៖ ស-សម្បត្តិ
កាលពីថ្ងៃចន្ទលោក Mike Johnson ប្រធានសភាអាមេរិកបានបង្ហាញអំពីគម្រោងកែប្រែច្បាប់មូលនិធិសម្រាប់ការបោះឆ្នោតនៅសប្តាហ៍នេះចំនួនបួនដាច់ដោយឡែកៗពីគ្នាសម្រាប់អ៊ុយក្រែន អ៊ីស្រាអែល តៃវ៉ាន់ និងសន្តិសុខជាតិបន្ទាប់ពីអ៊ីរ៉ង់បានបង្កើនជម្លោះនៅមជ្ឈិមបូព៌ាក្នុងប៉ុន្មានថ្ងៃបន្តបន្ទាប់គ្នាដោយបើកការវាយប្រហារដោយផ្ទាល់ជាលើកដំបូងលើដំបូលផ្ទះអ៊ីស្រាអែល។
![](https://cambodiaflashnews.com/wp-content/uploads/2024/04/cropped-Header-Middle-footer.png)
សមាជិកសភាមកពីគណបក្សសាធារណរដ្ឋបានប្រមូលផ្តុំគ្នាធ្វើសន្និសីទមួយនៅវិមាន Capitol Hill ដើម្បីពិភាក្សាអំពីផែនទីចង្អុលផ្លូវសម្រាប់ការអនុម័តច្បាប់ផ្តល់មូលនិធិដែលជាប់គាំងអស់ពេលជាយូរមកហើយសម្រាប់ប្រទេសហែកហួរដោយសង្រ្គាម បើទោះបីជាលោក Johnson ប្រឈមមុខនឹងការគំរាមកំហែងពីតំណាងស្តាំនិយម Marjorie Taylor Greene (Ga.) ដើម្បីបណ្តេញគាត់ចេញក៏ដោយ។ លើជំនួយបន្ថែមទៀតរបស់សហរដ្ឋអាមេរិកសម្រាប់អ៊ុយក្រែន។
Johnson បាននិយាយចំអកថាកញ្ចប់ជំនួយរបស់សភាសម្រាប់អ៊ុយក្រែននឹងខុសពីកំណែរបស់ព្រឹទ្ធសភាដែលបានអនុម័តកាលពីខែកុម្ភៈហើយនឹងបែងចែក ៦០ ពាន់លានដុល្លារទៅឲ្យសម្ព័ន្ធមិត្តដែលហែកហួរដោយសង្រ្គាម។
លោកបានមានប្រសាសន៍ថា “ច្បាប់មូលដ្ឋាននឹងមានការច្នៃប្រឌិតមួយចំនួនរបស់យើងទាក់ទងនឹងការទទួលខុសត្រូវសម្រាប់ការផ្តល់មូលនិធិ និងវាស់ស្ទង់ថែមទៀត” ដោយលើកយក “ការបំផុសគំនិតជាប្រាក់កម្ចី” ជាឧទាហរណ៍សម្រាប់អ៊ុយក្រែន។
លោក Johnson បានសង្កត់ធ្ងន់ថា “សំខាន់ ៦៨% នៃកញ្ចប់នេះគឺជាការបំពេញបន្ថែមអាវុធរបស់យើង ដោយផ្ទាល់” លោកJohnson បានសង្កត់ធ្ងន់ថាអ៊ុយក្រែនគឺជា “ផ្នែកមួយដ៏លំបាកបំផុតសម្រាប់បញ្ហានេះ” ។
សមាជិកសភាមកពីគណបក្សសាធារណរដ្ឋភាគច្រើនបានចាកចេញពីកិច្ចប្រជុំដោយគាំទ្រផែនការនេះ ប៉ុន្តែមានភាពស្រពិចស្រពិលលើចំណុចជាក់លាក់មួយចំនួន ដូចជាព័ត៌មានលម្អិតនៃសេចក្តីព្រាងច្បាប់ទី ៤ ដែលគ្រោងនឹងដោះស្រាយបញ្ហាសន្តិសុខជាតិ ដោយហេតុថា សេចក្តីព្រាងច្បាប់ទាំងបួននោះមិនទាន់ត្រូវបានព្រាងនៅឡើយនោះទេ។
លោក Kevin Hern ដែលជាប្រធានគណៈកម្មាធិការសិក្សាពីសាធារណរដ្ឋដ៏មានឥទ្ធិពលបានប្រាប់អ្នកយកព័ត៌មានបន្ទាប់ពីចាកចេញពីសម័យប្រជុំបិទទ្វារបានអះអាងថា “ខ្ញុំគិតថាប្រធានសភាកំពុងធ្វើរឿងដ៏ត្រឹមត្រូវមួយ” ។
លោក Hern បានបន្ថែមថា៖ “មិនថាគាត់ធ្វើអ្វី ឬអ្នកណាដែលអំពាវនាវឲ្យមានចលនាអ្វីនោះទេប្រធានសភាត្រូវតែធ្វើរឿងដ៏ត្រឹមត្រូវមួយ’។ លោកបានបន្តថា៖ “លោកប្រធានសភាបាននិយាយថាសន្និបាទចាំបាច់ត្រូវតែបោះឆ្នោតលើច្បាប់នីមួយៗដាច់ដោយឡែកនៅក្នុងសេចក្តីព្រាងច្បាប់នីមួយៗ”។
លោក Don Bacon (R-Neb សមាជិកសភាមកពីគណបក្សសាធារណរដ្ឋបាននិយាយថា “ប្រសិនបើអ្នកបាត់បង់ការងាររបស់អ្នកខណៈពេលដែលធ្វើរឿងដ៏ត្រឹមត្រូវនោះវាជាវីរភាពដ៏ក្លាហានមួយ” ។
ក្រុងតេអេរ៉ង់បានបាញ់កាំជ្រួច និងយន្តហោះគ្មានមនុស្សបើកជាង ៣០០ គ្រឿងលើទឹកដីអ៊ីស្រាអែល ដែលមានតែ ៩៩% ប៉ុណ្ណោះដែលត្រូវបានស្ទាក់ចាប់តាមរយៈកិច្ចខិតខំប្រឹងប្រែងយោធារួមគ្នាពីអ៊ីស្រាអែល សហរដ្ឋអាមេរិក និងហ្ស៊កដានី ដែលត្រូវតែចាំបាច់បន្ថែមជាបន្ទាន់នូវជំនួយយោធាចំនួន ៩៥ ពាន់លានដុល្លារដែលបានអនុម័តរួចហើយនៅក្នុងព្រឹទ្ធសភាកាលពីខែកុម្ភៈសម្រាប់សម្ព័ន្ធមិត្តបរទេស។
តែមិនមែនគ្រប់គ្នាមានការពេញចិត្តលើការអនុម័តជំនួយយោធាដោយព្រឹទ្ធសភានោះទេ។
លោកស្រីGreene ដែលទំនងជាមានការជំទាស់នៅពេលដែលដើរចេញពីការប្រជុំនោះបានស្តីបន្ទោសលោកចនសុនចំពោះការទទួលយកសន្និសីទ GOP ដោយ “ខុសទិសដៅ” ហើយបានព្រមានថាក្នុងករណីនេះមនុស្សជាច្រើនមានការ “ខឹងសម្បា” ។
កាលពីខែមុនលោកស្រី Greene បានដាក់សំណើសុំដកតំណែង ប្រធានសភាខណៈដែលសភាបានបោះឆ្នោតចុងក្រោយរបស់ខ្លួនដើម្បីអនុម័តច្បាប់ចំណាយរបស់រដ្ឋាភិបាលសម្រាប់ឆ្នាំសារពើពន្ធឆ្នាំ ២០២៤ ប៉ុន្តែគេនៅមិនទាន់មានសិទ្ធិទទួលយកដំណោះស្រាយដើម្បីនាំយកសំណើនេះសម្រាប់ធ្វើការការបោះឆ្នោតសម្រចនោះទេ។
លោកស្រីចូលចិត្តនិយាយលេងសើចនៅពេលត្រូវបានអ្នកសារព័ត៌ចោទសួរកាលពីថ្ងៃចន្ទ។
លោកស្រីបាននិយាយថា “ខ្ញុំមិនទាន់សម្រេចចិត្តនៅឡើយទេព្រោះវាជាបញ្ហាធ្ងន់ធ្ងរណាស់”។
“ខ្ញុំគាំទ្រសម្លេងភាគច្រើនខ្ញុំក៏គោរពសហសេវិករបស់ខ្ញុំផងដែរការស្នើសុំឲ្យបញ្ឈប់ពីតំណែងគឺជាបញ្ហាដ៏ធ្ងន់ធ្ងរដែលគួរតែត្រូវបានដោះស្រាយដោយការទទួលខុសត្រូវ មិនមែនគ្រាន់តែជាឆន្ទៈប៉ុណ្ណោះទេ”។
លោក Johnson បានបើកកិច្ចប្រជុំឯកជនមួយជាមួយលោកស្រី Greene កាលពីសប្តាហ៍មុន ដើម្បីស្តាប់ពីកង្វល់មួយចំនួនរបស់គាត់ក្រោយមកបានជួបជាមួយអតីតប្រធានាធិបតី Donald Trump ដែលបានគាំទ្រប្រធានសភារបស់គាត់ដោយមិនចាំបាច់មានការជំរុញឲ្យគាត់បំពេញបន្ថែមលើជំនួយអ៊ុយក្រែន។
ប្រធានសភាធ្លាប់បានសម្រេចលើការចំណាយប្រាក់សម្រាប់ជំនួយយោធាអ៊ុយក្រែនមួយចំនួនជាមួយនឹងការរឹបអូសទ្រព្យសម្បត្តិរបស់ oligarchs រុស្ស៊ីតាមរយៈបង្កើតច្បាប់ដែលគេស្គាល់ថាជាច្បាប់ផ្តល់មូលនិធិសម្រាប់អ៊ុយក្រែន REPO for Ukrainians Act ដែលសមាជិកសភាបាននិយាយថាក៏នឹងស្ថិតនៅក្រោមការពិចារណារួមជាមួយនឹង “វិធានការបន្ថែមផ្សេងទៀតដើម្បីទប់ទល់នឹងសត្រូវរបស់យើង និង ពង្រឹងសន្តិសុខជាតិរបស់យើង” លោក Johnson បានសរសេរនៅលើ X.
សមាជិកខ្លះបានប្រាប់អ្នកសារព័ត៌មានថាច្បាប់ទីបួនទាក់ទងនឹងប្រព័ន្ធ TikTok បើទោះបីជាពួកគេមិនច្បាស់អំពីភាពខុសគ្នារវាងច្បាប់ TikTok ដែលបានអនុម័តដោយសភាកាលពីខែមុន។
តំណាងរាស្រ្ត Byron Donalds (R-Fla.) មកពីគណបក្សសាធារណរដ្ឋបានស្នើបង្កើតបទប្បញ្ញត្តិសន្តិសុខព្រំដែនមួយចំនួនអាចត្រូវបានដាក់បញ្ចូលទៅក្នុងច្បាប់ការពារអធិបតេយ្យភាពតាមរយៈការធ្វើវិសោធនកម្មទង្វើបែបនេះអាចធ្វើឲ្យបក្សប្រជាធិបតេយ្យមានការខកចិត្ត។
លោក Hern បាននិយាយថា ជំនួយបរទេសនឹងត្រូវបានដាក់បញ្ចូលនៅក្រោមច្បាប់មួយប្រសិនបើត្រូវបានអនុម័តនឹងតម្រូវឲ្យសភាជាន់ទាបភាគច្រើនបោះឆ្នោត។
ទោះបីជាវាជារឿងធម្មតាកាលពីមុនក៏ដោយក៏ សម័ប្រជុំសភាលើកទី ១១៨ បានអនុម័តច្បាប់ជាច្រើនរបស់ខ្លួនហើយថ្មីៗនេះបានបរាជ័យក្នុងការដាក់ច្បាប់ផ្តល់សិទ្ធិឡើងវិញជុំវិញការបង្កើនសមត្ថភាពចារកម្មប្រឆាំងនឹងការបញ្រ្ជៀតចូលចារកម្មបរទេសសម្រាប់របស់រដ្ឋាភិបាលសហព័ន្ធ។
សមាជិកសភា GOP អភិរក្សនិយម ដែលភាគច្រើនមានទំនាក់ទំនងជាមួយ House Freedom Caucus បានជំទាស់នឹងច្បាប់ដែលត្រូវបានពិចារណាតាមលំដាប់លំដោយ ដូចដែលគេដឹងរួចមកហើយ ប៉ុន្តែលោក Hern បានបន្ថែមថា លោករំពឹងថាសមាជិកសភាទាំងនោះនឹងគាំទ្រផែនការរបស់លោកប្រធានសភា។
តំណាង Andy Biggs (R-Ariz.) មកពីគណបក្សសាធារណរដ្ឋសមាជិកក្រុម Freedom Caucus បានប្រាប់អ្នកយកព័ត៌មានបន្ទាប់ពីកិច្ចប្រជុំសន្និសីទនេះ ខណៈពេលដែលមានការកត់សម្គាល់ថា៖ “នៅពេលណាដែលអ្នកបែងចែកច្បាប់ទៅតាមផ្នែកនិមួយៗដាច់ដោយឡែកពីគ្នា ខ្ញុំគិតថានោះជាយុទ្ធសាស្ត្រដ៏ល្អមួយ ”។
អ្នកនាំពាក្យសេតវិមាន Karine Jean-Pierre បានប្រាប់អ្នកយកព័ត៌មានក្នុងអំឡុងសន្និសីទសារព័ត៌មានកាលពីថ្ងៃចន្ទថា លោកប្រធានាធិបតី Biden នឹងប្រឆាំងនឹងច្បាប់ការពារអធិបតេយ្យភាពសម្រាប់ប្រទេសទាំងពីរ។
លោកស្រី Greene បានថ្លែងថា៖ “ការពិតអធិបតេយ្យភាពមិនអាចជួយអ៊ីស្រាអែលនិងអ៊ុយក្រែនបានទេ” ដោយបន្ថែមថាវាគ្រាន់តែជាការពន្យារពេលសម្រាប់ការផ្តល់ជំនួយ”។
លោក Biden មេដឹកនាំភាគច្រើននៃព្រឹទ្ធសភាលោក Chuck Schumer (D-NY) និងមេដឹកនាំភាគតិច Hakeem Jeffries (D-NY) សុទ្ធតែបានដាក់សម្ពាធឲ្យលោក Johnson អនុម័តច្បាប់ព្រឹទ្ធសភាចំនួន ៩៥ ពាន់លានដុល្លារជាជំនួសវិញ ដោយមានជំនួយយោធាសម្រាប់អ៊ុយក្រែន អ៊ីស្រាអែល និងតំបន់ឥណ្ឌូប៉ាស៊ីហ្វិក។
លោក Jeffries បាននិយាយកាលពីថ្ងៃចន្ទថា “យើងនឹងមិនឈានដល់ការសន្និដ្ឋានណាមួយលើដំណើរការនេះទេរហូតដល់យើងយល់ពីសារធាតុពិតរបស់វា” ។
លោក Marc Molinaro តំណាងរាស្រ្តមកពីគណបក្សសាធារណរដ្ឋញូវយ៉កបានប្រាប់អ្នកយកព័ត៌មានកាលពីល្ងាចថ្ងៃចន្ទថា “នេះគឺជាពេលវេលាដ៏សំខាន់សម្រាប់អាមេរិកដែលមិនអាចគេចចេញពីការទទួលខុសត្រូវរបស់ខ្លួនបានទេ” ។
“ប្រធានាធិបតីបានអនុញ្ញាតឲ្យយើងមើលទៅលើសភាពទន់ខ្សោយជាច្រើនដងនៅជុំវិញពិភពលោក ហើយមានសម្ព័ន្ធមិត្តដែលផ្ញើក្តីសង្ឃឹមនិងរង់ចាំយើងដោះស្រាយរឿងដ៏ចម្រូងចម្រាស់ទាំងនេះ”៕