ប្រែសម្រួល៖ ស-សម្បត្តិ
![](https://cambodiaflashnews.com/wp-content/uploads/2021/06/top-banner.gif)
ក្នុងរដូវរងានៅប្រទេសម៉ុងហ្គោលីមកទល់នwងពេលនេះមានសេចក្តីរាយការណ៏មកថាសត្វពាហនៈជាងពីរលានក្បាលបានងាប់នេះបើយោងតាមមន្ត្រីរដ្ឋាភិបាលបញ្ជាក់កាលពីថ្ងៃចន្ទ ទី២៦កុម្ភៈ ខណៈដែលប្រទេសនេះកំពុងស៊ូទ្រាំនឹងអាកាសធាតុត្រជាក់ខ្លាំងរួមទាំងព្យុះព្រិលបក់បោកយ៉ាងខ្លាំងផងដែរ។
វាមិនមែនជារឿងចម្លែកនោះទេសម្រាប់ម៉ុងហ្គោលីគឺជាប្រទេសដែលគ្របតណ្តប់ដោយព្យុះព្រិលមើលមិនឃើញដីបង្ហាញថាអាកាសធាតុស្ថិតនៅក្នុងសភាពធ្ងន់ធ្ងរចាប់ពីខែធ្នូដល់ខែមីនានៅពេលដែលសីតុណ្ហភាពកំពុងតែធ្លាក់ចុះរហូតដល់ដក ៥០ អង្សាសេនៅតាមតំបន់ខ្លះ។
អង្គការសហប្រជាជាតិ (UN) បានបង្ហាញនៅក្នុងរបាយការណ៍ថ្មីៗនេះថា រដូវរងានេះ មានសភាពធ្ងន់ធ្ងរជាងធម្មតាដែលសីតុណ្ហភាពបានធ្លាក់ទាបជាងធម្មតានិងមានព្យុះព្រិលវាយប្រហារយ៉ាងខ្លាំង។
លោក Gantulga Batsaikhan មន្រ្តីក្រសួងកសិកម្មបានថ្លែងថា គិតមកដល់ត្រឹមថ្ងៃចន្ទនេះ សត្វពាហនៈចំនួន ២.១ លានក្បាលបានងាប់ដោយសារការអត់ឃ្លាន និងការតស៊ូជាមួយនិងអាកាសធាតុ។
យោងតាមស្ថិតិផ្លូវការបានបង្ហាញថា ប្រទេសម៉ុងហ្គោលីមានសត្វបែបនេះចំនួន ៦៤.៧ លានក្បាល រួមទាំងចៀម ពពែ សេះ និងគោ នៅចុងឆ្នាំ ២០២៣ ។
អាកាសធាតុធ្លាក់ចុះខ្លាំងត្រូវបានគេកត់សម្គាល់ថាជា “dzud” ហើយជាធម្មតាបណ្តាលឲ្យមានការស្លាប់សត្វពាហនៈយ៉ាងច្រើនផងដែរ។
អង្គការសហប្រជាជាតិបាននិយាយថាការប្រែប្រួលអាកាសធាតុកំពុងបង្កើនប្រេកង់ និងអាំងតង់ស៊ីតេនៃ dzuds អាក្រក់ខ្លាំង។
ប្រទេសម៉ុងហ្គោលីបានជួបប្រទះនឹងជំងឺចំនួនប្រាំមួយនៅក្នុងទសវត្សរ៍កន្លងមកនេះ រួមទាំងរដូវរងាឆ្នាំ ២០២២ ដល់ឆ្នាំ ២០២៣ នៅពេលដែលសត្វពាហនៈចំនួន ៤.៤ លានក្បាលបានងាប់៕