ដោយ៖សុខុម
ស្ទឹងត្រែង៖សមត្ថកិច្ចនគរបាលខេត្តស្ទឹងត្រែងនៅថ្ងៃទី២៦កុម្ភ:២០២៤ បានប្រគល់រថយន្តសាំងយ៉ុងដឹកឈើចំនួន២គ្រឿង ទៅឱ្យជំនាញរដ្ឋបាលព្រៃឈើ ក្រោយបង្ក្រាបបានកាលពី៦ថ្ងៃកន្លងទៅ។
សូមបញ្ជាក់ថា កាលពីយប់ថ្ងៃទី២០កុម្ភៈ២០២៤ សមត្ថកិច្ចនគរបាលបង្ក្រាបបានរថយន្តដឹកឈើខុសច្បាប់ចំនួន២គ្រឿងនៅ
ភូមិណាអូង ឃុំអូរស្វាយស្រុកបុរីអូរស្វាយសែនជ័យ។
លោក សួន ម៉េងលី នាយសង្កាត់រដ្ឋបាលព្រៃឈើដុងក្រឡបានអោយដឹងថា ជំនាញបានទទួលវត្ថុតាងរថយន្តដឹកឈើចំនួន២គ្រឿង ពីនគរបាលខេត្តហើយនៅថ្ងៃទី២៦កុម្ភៈ២០២៤។មន្ត្រីជំនាញកំពុងកសាងសំណុំរឿងទៅតាមនីតិវិធី។
ឈើរឹបអូសបានគឺមានប្រភេទឈើប្រណិត(ធ្នង់)និងឈើអារប្រភេទលេខមួយ(កកោះ)សរុបចំនួន៤៤៦ដុំ ស្មើ ៨,១៤២ម៉ែត្រគុបរក្សាទុក
នៅខណ្ឌរដ្ឋាលព្រៃឈើខេត្តស្ទឹងត្រែង៕