ប្រែសម្រួល៖ ស-សម្បត្តិ
រឿងដ៏ហួសចិត្តមួយដែលនឹកស្មានមិនដល់នោះគឺមានស្រ្តីជាម្ដាយម្នាក់ឈ្មោះ Kristel Candelario បានទុកកូនស្រីរបស់ខ្លួនអាយុ១៦ខែចោល នៅក្នុងផ្ទះរួចទៅចូលរួមវិស្សមកាលអស់១០ថ្ងៃ បណ្តាលឲ្យក្មេងស្រី ដែលនៅម្នាក់ឯងនោះស្លាប់យ៉ាងវេទនាបំផុត។
![](https://cambodiaflashnews.com/wp-content/uploads/2021/06/top-banner.gif)
កាលពីថ្ងៃព្រហស្បតិ៍ នាង Kristel Candelario អាយុ ៣២ ឆ្នាំ នៅរដ្ឋ Ohio,សហរដ្ឋអាមេរិកបានទទួលស្គាល់ពីទោសកំហុសដ៏ធ្ងន់ធ្ងររបស់ខ្លួនក្នុងការប្រព្រឹត្តនូវអំពើដ៏ហួសចិត្តមួយដែលនឹកស្មានមិនដល់ដោយទុកក្មេងស្រីដែលជាកូនរបស់ខ្លួនអាយុ ១៦ ខែចោលឲ្យនៅក្នុងផ្ទះតែម្នាក់ឯងដោយមិនទទួលខុសត្រូវខណៈដែលនាងបានទៅចូលរួមវិស្សមកាលអស់ពេល ១០ ថ្ងៃ។
នាង Kristel Candelario បានបោះបង់ចោលកូនដែលទើបនឹងចេះដើរតេះតះឈ្មោះ Jailyn នៅក្នុងផ្ទះនៅសង្កាត់ Cleveland តែម្នាក់ឯងកាលពីខែមិថុនាឆ្នាំមុនដើម្បីនាងអាចជិះយន្តហោះដើរលេង នៅក្នុងរដូវវិស្សមកាលទៅកាន់រដ្ឋ Detroit ដោយមិនខ្វាយខ្វល់អំពីអាយុជីវិតរបស់កូនស្រីខ្លួននោះទេ។
បន្ទាប់ពី១០ថ្ងៃក្រោយមកនាងបានត្រឡប់មកផ្ទះវិញក៏ប្រទះឃើញកូនស្លាប់នៅក្នុងធុងបាស់ក៏ហៅទូរសព្ទទៅ៩១១ ដើម្បីជួយសង្រ្គោះគ្រូពេទ្យបានប្រាប់នាងថាក្មេងស្រីនេះបានស្លាប់នៅនឹងកន្លែងកើតហេតុទៅហើយ ។
គេសង្កេតឃើញនាងមានប៊ិក Pack-N-Play និងភួយដ៏កខ្វក់មួយរួមទាំង ខោក្នុងពោរពេញទៅដោយទឹកនោម និងលាមក”។
កាលពីថ្ងៃព្រហស្បតិ៍នាង Candelario បានសារភាពពីទោសកំហុសដ៏ធ្ងន់ធ្ងរដែលខ្លួនបានប្រព្រឹត្តបង្កឲ្យមានគ្រោះថ្នាក់ដល់ជីវិតកូន ដែលតុលាការបានបញ្ចូលបទល្មើសចំនួនពីរបន្ថែមទៀតនៅក្នុងសំណុំរឿងនេះហើយបានចោទប្រកាន់នាងពីបទធ្វេសប្រហែសនិងរំលោភលើច្បាប់អន្តរជាតិនិងជាតិស្តីពីសិទ្ធិកុមារ។
បន្ទាប់ពីម្តាយក្មេងស្រីទទួលសារភាពនូវទោសកំហុសដ៏ធ្ងន់ធ្ងររបស់ខ្លួនរួចមក លោក O’Malley រដ្ឋអាជ្ញាខោនធី Cuyahoga បានថ្លែងថា “នេះគឺជាករណីដ៏ហួសចិត្តមួយដែលខ្ញុំនឹកស្មានមិនដល់ហើយវាធ្វើឲ្យដក់ជាប់ក្នុងអារម្មណ៏ខ្ញុំជាច្រើនឆ្នាំទៅមុខទៀត” ។
លោករដ្ឋអាជ្ញា O’Malley បានបន្ថែមថា “ក្នុងនាមខ្ញុំជារដ្ឋអាជ្ញាកាន់សំណុំរឿងនេះវាគឺជាភារកិច្ចរបស់ខ្ញុំឈរជាតំណាងឲ្យកុមារីរងគ្រោះ ហើយថ្ងៃនេះខ្ញុំបាននិយាយជំនួសឲ្យកុមារីរងគ្រោះ Jailyn អាយុ ១៦ ខែដែលនាងនៅក្នុងពេលនេះមិនបាននៅជាមួយយើងទៀតទេដោយសារតែចិត្តអាត្មានិយមរបស់ម្តាយនាងបានធ្វើ” កុមារី O’Malley រងគ្រោះដល់អាយុជីវិតលោកបានបន្ថែមយ៉ាងដូច្នេះ។
“ការជំរះក្តីនៅក្នុងថ្ងៃនេះ គឺជាជំហានដំបូងដើម្បីជួយរកយុត្តិធម៌ជូនកុមារីរងគ្រោះ Jailyn” ។
លោក Patrick Milligan មេធាវីការពារក្តីឲ្យ Candelario បានប្រាប់សារព័ត៌មាន Cleveland.com ថា នៅមានហេតុផលដែលជា “បញ្ហាអាចនាំឲ្យមានការបន្ធូរបន្ថយទោស” មួយចំនួនដែលលោកនឹងលើកឡើងនៅក្នុងសវនាការពេញអង្គកាត់ទោសនាង្ Candelario ដែលជាកូនក្តីរបស់លោកនៅខែក្រោយដោយប្រាប់ថាម្តាយទទួលរងនូវបញ្ហាសុខភាពផ្លូវចិត្តតែគាត់មិនទាន់អាចរ៉ាយរាប់បញ្ជាក់ឲ្យបានច្បាស់លាស់នៅឡើយទេ៕