ដោយ៖សុខុម
ស្ទឹងត្រែង៖មានមេឈ្មួញធំៗប្រចាំស្រុកសៀមប៉ាងខេត្តស្ទឹងត្រែងគប់គិតជាមួយសមត្ថកិច្ចមួយចំនួនប្រមូលទិញវល្លិរមៀតពីគ្រប់ទិសទីក្នុងតំបន់ស្រុកសៀមប៉ាងដើម្បីយកទៅលក់បន្តឲ្យឈ្មួញនៅក្នុងប្រទេសឡាវអស់រយៈពេលជាច្រើនខែទើបសមត្ថកិច្ចធ្វើការចុះបង្ក្រាបបានមួយចំនួន។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងនៅថ្ងៃទី២២កុម្ភៈ ២០២៤ ថាមន្រ្តីបរិស្ថានការពារឧទ្យានជាតិវរជ័យសហការជាមួយមន្រ្តីដែនជម្រកសត្វព្រៃសៀម
ប៉ាងបង្រ្កាបបានវល្លិរមៀតជិត៤តោនហើយយកមករក្សាទុកនៅកន្លែងសមត្ថកិច្ចនិងកំពុងស្វែងរកមេឈ្មួញនៅក្នុងស្រុកសៀមប៉ាងដើម្បីចាត់វិធានការតាមផ្លូវច្បាប់។
មន្ត្រីបរិស្ថានបានឲ្យដឹងថា បទល្មើសដឹកជញ្ជូនវល្លិរមៀតឈ្មួញច្រកតាមការុងដឹកតាមគោយន្តសមត្ថកិច្ចបង្ក្រាបបានកាលពីយប់ថ្ងៃទី ២០ខែកុម្ភៈឆ្នាំ២០២៤ នៅក្រោយភូមិសាម៉ ឃុំសេកុង ស្រុកសៀមប៉ាង ខេត្តស្ទឹងត្រែង។
ពេលសមត្ថកិច្ចចុះទៅបង្កាបនោះពុំមានអ្នកចេញមុខទទួលខុសត្រូវឡើយ។
ដោយសារភូមិសាស្ត្រជួបការលំបាកតម្រូវឲ្យដឹកជញ្ជូនចេញពីព្រៃតាមគោយន្តនិងបន្តឆ្លងតាមផ្លូវទឹកទើបតែយកមកដល់ស្នាក់ការបរិស្ថាន។
បើតាមការបញ្ជាក់ពីមន្ត្រីបានឲ្យដឹងថា វល្លិរមៀតដែលបង្ក្រាបមានចំនួន៦៥ការុង ប្រហែលជិត៤០០០គីឡូក្រាម។
សូមបញ្ជាក់ថា កាលពីកន្លងទៅថ្មីនេះ កម្លាំងសមត្ថកិច្ចនគរបាលបង្ក្រាបបាននិងឃាត់ខ្លួនជនសង្ស័យពីរនាក់ដឹកវល្លិរមៀតតាមរថយន្តសាំយ៉ុងចំនួន២គ្រឿងផងដែរ៕