ដោយ : បន្ទាយ
បន្ទាយមានជ័យ:ក្មេងប្រុសម្នាក់ត្រូវពស់ស្រកាចាស់ចឹកនៅវេលាម៉ោង៨និង៣០នាទីយប់ថ្ងៃទី១៨ខែកុម្ភៈ ឆ្នាំ២០២៤ ខណ:ពេលដើរទៅបូមទឹកដាក់ស្រែនៅចំណុចវាលគោកឪឡោក ស្ថឹតក្នុងភូមិគោកកី ឃុំតាផូ ស្រុកស្វាយចេក ខេត្តបន្ទាយមានជ័យ ។
នគរបាលស្រុកស្វាយចេកបានឲ្យដឹងថា: ក្មេងប្រុសរងគ្រោះឈ្មោះ រឿន សុអេង អាយុ១៥ឆ្នាំ នៅភូមិគោកកី ឃុំតាផូ ស្រុកស្វាយចេក ខេត្តបន្ទាយមានជ័យ ។
មុនពេលកើតហេតុក្មេងប្រុសនេះបានទៅបូមទឹកដាក់ស្រែ នៅចំណុចខាងលើ ក៏ពស់ស្រកាចាស់ចឹកកជើងស្តាំរងរបួសធ្ងន់ធ្ងរ ពេលជាន់ប៉ះចំវា។
គ្រូពេទ្យនៅមន្ទីរពេទ្យបង្អែកស្វាយចេកអោយដឹងថា : ដោយសារក្រុមគ្រួសារនិងគ្រូពេទ្យជួយសង្រ្គោះដឹកមកកាន់មន្ទីរពេទ្យទាន់ពេលនិងស្គាល់ប្រភេទពស់ ទើបគ្រូពេទ្យជួយសង្គ្រោះជីវិតដ៏ប្រផុតប្រផើយលើក្មេងប្រុសនេះ៕