ប្រែសម្រួល៖ ស-សម្បត្តិ
យោងតាមប៉ូលិសអាមេរិកបានឲ្យដឹងថាកាលពីថ្ងៃសុក្រមានបុរសម្នាក់បានបាញ់សម្លាប់ស្ត្រីម្នាក់ដែលជាម្តាយដ៏ជាទីស្រឡាញ់របស់កូនៗចំក្បាលនៅមុនពេលយកកាំភ្លើងមកបាញ់សម្លាប់ខ្លួនឯងតាមក្រោយដែលប៉ូលិសហៅថាជាការធ្វើអត្តឃាតនៅទីក្រុង Brooklyn ។
មន្ត្រីប៉ូលិសបានឆ្លើយតបនឹងការហៅទូរសព្ទ ៩១១ នៅវេលាម៉ោង ៤ និង ៤៥ នាទីនារសៀលថ្ងៃ សុក្រ។ ប៉ូលិសបាននិយាយថាកាលពីថ្ងៃសុក្រនៅឯផ្ទះល្វែងជាន់ទី ១ នៅលើផ្លូវ Logan ក្បែរផ្លូវ Etna ក្នុង Cypress Hills បានរកឃើញសាកសពរបស់ស្រ្តីឈ្មោះ Luz Espinal អាយុ ៤៣ ឆ្នាំនិងបុរសម្នាក់អាយុ ៤០ ឆ្នាំសាកសពរបស់អ្នកទាំងពីរមានស្នាមរបួសដោយគ្រាប់កាំភ្លើងចំលើក្បាលរបស់ពួកគេ។ សមត្ថកិច្ចបាននិយាយថាមានកាំភ្លើងមួយដើមត្រូវបានគេរកឃើញនៅក្បែរអ្នកស្លាប់។
នៅរសៀលថ្ងៃសៅរ៍អ្នកនាំពាក្យទីផ្នាក់ងារ NYPD បាននិយាយថា “មើលទៅទំនងដូចជាឃាតកម្មឬក៏ជាការធ្វើអត្តឃាត” ដោយបានកត់សំគាល់ថាការធ្វើកោសល្យវិច័យនឹងត្រូវតែធ្វើឡើង។
អ្នកនាំពាក្យរូបនេះបាននិយាយថា អត្តសញ្ញាណខ្មាន់កាំភ្លើងកំពុងត្រូវបានរក្សាទុកដោយរង់ចាំការជូនដំណឹងដល់ក្រុមគ្រួសារ។
Espinal គឺជាអតីតជំនួយការផ្នែកថែទាំផ្ទះ និងជាម្តាយរបស់កូនប្រុសពីរនាក់ និងក្មេងស្រីអាយុ ៧ ឆ្នាំម្នាក់ ដែលរស់នៅក្នុងផ្ទះល្វែងជាន់ទី ១ ដែលជាកន្លែងមានការបង្ហូរឈាមបានកើតឡើង នេះបើយោងតាមសម្តីរបស់អ្នកជិតខាងជនរងគ្រោះដែលស្នាក់នៅក្នុងអគារដ៏ទំនើបនេះ។
ពួកគេបានអះអាងថា Espinal ថ្មីៗនេះបានចាប់ផ្តើមណាត់ជួបបុរសម្នាក់ដែលជាមនុស្ស ” តឹងតែងខ្លាំងណាស់” បុរសនោះបានលប់ប្រព័ន្ធផ្សព្វផ្សាយសង្គមរបស់នាងចោលទាំងអស់។
លោក Santos Araujo ដែលជាអគ្គនាយករបស់នាងបានទួញសោកថា “វាពិតជាធើ្វឲ្យខ្ញុំមានការសោកស្ដាយខ្លាំងណាស់យើងទាំងអស់គ្នាដូចជាគ្រួសារតែមួយនៅក្នុងអគារនេះ” គាត់បាននិយាយថា Espinal គឺជា “ស្ត្រីរួសរាយណាស់” ប៉ុន្តែបុរសនោះ “ហាក់ដូចជាឈ្លើយដែលប្រឆាំងនឹងសង្គមខ្ញុំមិនដែលចូលចិត្តបុរសនោះទេវាជាសត្វចម្លែកមិនរួសរាយរាក់ទាក់គឺវាចម្លែកខ្លាំងណាស់”។
Araujo បាននិយាយថា Espinal បានទុកកូនស្រីរបស់គាត់ឲ្យនៅសាលារៀនកាលពីថ្ងៃសុក្រ ហើយប្អូនស្រីរបស់ Espinal បានទូរសព្ទមកគាត់ពីសាធារណរដ្ឋដូមីនីកែន សួរថាតើគាត់មានបានទៅមើល Espina] ទេព្រោះនាងដាច់ការ “ទាក់ទង” ជាមួយនឹងគាត់។
ទាំង Araujo និងប្រពន្ធរបស់គាត់ដែលបានគោះទ្វារខាងមុខផ្ទះល្វែងរបស់ Espinal មិនអាចរកឃើញស្ត្រីនោះទេប៉ុន្តែឆ្កែរបស់នាងអាចត្រូវបានគេឮវាស្រែកនៅខាងក្នុងផ្ទះ។
“ខ្ញុំប្រាប់ប្រពន្ធខ្ញុំថា មានអ្វីមិនស្រួលទេដឹងពេលនោះប្រពន្ធខ្ញុំប្រាប់ខ្ញុំថាមកខាងនេះគាត់ក៏មកមើលតាមបង្អួចនោះហើយដែលធ្វើឲ្យគាត់បានដឹងពីស្ថានភាពរបស់នាង។ វាជាការសោកស្តាយខ្លាំងណាស់។ ពួកគេបានទូរសព្ទទៅប៉ូលីស” លោក Araujo បានបញ្ជាក់យ៉ាងដូច្នេះ។
លោកបានបន្ថែមថា គូស្នេហ៍មួយគូនេះ បានរួមរស់ជាមួយគ្នាទើបតែបានប៉ុន្មានខែប៉ុណ្ណោះ ដោយលោកបានកត់សម្គាល់ថា “ស្ត្រីរួសរាយនេះ” ដែលធ្លាប់ច្រៀងខារ៉ាអូខេនៅក្នុងផ្ទះល្វែងរបស់នាងគឺមិនដូចគ្នានិងអ្នកដទៃនោះទេ។
“នាងមានប្រជាប្រិយភាពខ្លាំងណាស់បន្ទាប់ពីនាងបានជួបបុរសម្នាក់នេះ នាងបានផ្លាស់ប្តូរច្រើន” កំពូលតារាដែលបានកត់សម្គាល់ឃើញ Espinal ដែលជាធម្មតាចូលចិត្តលេងភ្លេង បានឈប់ធ្វើដូច្នេះកាលពីខែធ្នូ។
កាលពីថ្ងៃសៅរ៍ អ្នកស្រុកក៏បានធ្វើពិធីរំលឹកនូវអនុស្សាវរីយ៍របស់នាងដ៏តូចមួយនៅក្បែរផ្ទះល្វែងរបស់ជនរងគ្រោះដោយមានដុតភ្លើងទៀននៅទីនោះ៕
ប្រភព: NYC