ដោយ : បន្ទាយ
បន្ទាយមានជ័យ៖សាលាស្រុកមង្គលបុរីនិងសាលាក្រុងសិរីសោភ័ណក៏នឹងត្រូវកសាងអគាររដ្ឋបាលថ្មីតាមស្តង់ដារក្រសួងមហាផ្ទៃនិងរាជរដ្ឋាភិបាលជំនួសអគារចាស់ ទោះបីជានៅប្រើការបាន តែវាចាស់ដែលបានកសាងអំឡុងទសវត្សរ៍ទី៩០ ហើយដែលត្រូវវាយចោល។
នេះ បើតាមការថ្លែងរបស់លោក អ៊ុំ រាត្រី អភិបាល ខេត្តបន្ទាយមានជ័យ និងក្រុមការងាររបស់កាលពីថ្មីៗក្នុងខែកុម្ភៈ ២០២៤ នេះ ខណៈបានចុះសិក្សា គម្រោង សាងសង់ អគាររដ្ឋបាល ក្រុង ស្រុក ចំនួន ២ ដូចខាងលើ ។
អគារថ្មីទាំងនោះនឹងជួយអោយមន្ត្រីរដ្ឋបាលស្រុកមានការិយាល័យធ្វើការសមរម្យ បានប្រសើរឡើង ហើយសង្ឃឹមថានឹងជួយបម្រើសេវារដ្ឋបាលជូនប្រជាពលរដ្ឋនិងសាធារណជនអោយរហ័ស រលូនបន្ថែមទៀត ។
សូមបញ្ជាក់ថា ស្រុកទី ១/ស្រុកមង្គលបូរី ទី ២/ក្រុង សិរីសោភ័ណ ត្រូវបានសាងសង់អគាររដ្ឋបាលថ្មី មានទំហំ ១៣ម៉ែត្រ គុណ២៨ម៉ែត្រ ហើយបើអោយត្រូវសំណុំរបស់វា អគាររដ្ឋបាលសាលាស្រុក ក្រុងថ្មីតាមស្តង់ដារខ្មែរនិងជំនួយបច្ចេកទេសពីដៃគូអភិវឌ្ឍន៍បរទេសខាងប្រទេសប្រជាធិបតេយ្យនោះ រួមមាន៣អគារដោយឡែកពីគ្នា៖ទី១-អគារសាលាស្រុក ដែលក្នុងនោះមានការិយាល័យធ្វើការរបស់អភិបាល អភិបាលរង ការិយាល័យចំណុះ៤ និងបញ្ជរសេវានានា។ទី២- អគារសាលប្រជុំ ។ទី៣-អគារច្រកចេញ-ចូលតែមួយនិងបន្ទប់ការិយាល័យប្រជាពលរដ្ឋ ដែលផ្តល់សេវារដ្ឋបាលដល់សាធារណជន ។
កន្លងមក អគារទាំងនោះ ទៅតាមលក្ខណ:អំណោយផលនៃផ្ទៃដី ទីតាំងបានសាងសង់មួយជាន់ផ្ទាល់ដីនិង២ជាន់ ធ្វើពីបេតុងប្រក់ក្បឿងក្បាច់ ពណ៌ត្នោត ឬលឿង ៕