ដោយ: ព្រះអង្គខ្មៅ
![](https://cambodiaflashnews.com/wp-content/uploads/2021/06/top-banner.gif)
បាត់ដំបង÷ រដ្ឋបាលខេត្តបាត់ដំបងបានរកឃើញបេក្ខជនសិស្សជ័យលាភី ឆ្នើមលើវិញ្ញាសាតែងនិពន្ធ ស្មូតកំណាព្យ និងវិញ្ញាសាអានអត្ថបទ ត្រៀមចូលរួមប្រឡងប្រណាំងជ្រើសរើសជ័យលាភីថ្នាក់ជាតិពានរង្វាន់ សម្ដេចតេជោ ហ៊ុនសែន អបអរសាទរទិវាជាតិអំណានលើកទី៩។
ឆ្លងកាត់តាមការពិនិត្យដាក់ពិន្ទុយ៉ាងសុក្រឹតចុងក្រោយនេះរដ្ឋបាលខេត្ត បាត់ដំបង ដែលមានមន្ទីរអប់រំ យុវជន និងកីឡា ខេត្តជាសេនាធិការបានជ្រើសរើសរកឃើញសិស្សានុសិស្សចំនួន ៣នាក់ជាប់ចំណាត់ថ្នាក់ជ័យលាភីលេខ ១ លើវិញ្ញាសាចំនួន ៣ ផ្សេងគ្នា គឺវិញ្ញាសាតែងនិពន្ធ វិញ្ញាសាស្មូតកំណាព្យ និងវិញ្ញាសារអានអត្ថបទ ។
ជ័យលាភីឆ្នើមលេខ១ ថ្នាក់ខេត្ត ទាំង ៣ នាក់ ៣វិញ្ញាសា ខាងលើ ទី ១ ចំពោះជ័យលាភី វិញ្ញាសាតែងនិពន្ធបានទៅលើសិស្សឈ្មោះរឿត មន្នីរតនា មកពី វិទ្យាល័យអន្លង់វិល, ទី ២ ជ័យលាភីវិញ្ញាសាស្មូតកំណាព្យ បានទៅលើសិស្សឈ្មោះសូរ លីតា មកពី អនុវិទ្យាល័យសំពៅលូន និងទី ៣ ចំពោះជ័យលាភីវិញ្ញាសាអានអត្ថបទ បានទៅលើសិស្សឈ្មោះទៀវ សុធាវី មកពីសាលាបឋមសិក្សាបេងទ្រេត។
សិស្សជាប់ជ័យលាភីឆ្នើមចំណាត់ថ្នាក់លេខ ១ ទាំង ៣វិញ្ញាសាថ្នាក់ខេត្ត ខាងលើនេះកំពុងត្រៀមខ្លួនចូលរួមប្រឡងប្រណាំងជ្រើសរើសជ័យលាភី ថ្នាក់ជាតិ ពានរង្វាន់សម្ដេចតេជោ ហ៊ុនសែន ដើម្បីអបអរសាទរទិវាជាតិ អំណានលើកទី៩ ថ្ងៃទី ១១ ខែមីនា ឆ្នាំ ២០២៤ ក្រោមប្រធានបទ “ អំណានជាមូលដ្ឋានគ្រឹះសម្រាប់ទាំងអស់គា្នក្នុងជីវិត ” ៕