ប្រែសម្រួល៖ស-សម្បត្តិ
![](https://cambodiaflashnews.com/wp-content/uploads/2021/06/top-banner.gif)
ស្ត្រីជាម្ដាយនៅរដ្ឋ Missouri បានយកទារកអាយុមួយខែរបស់នាងទៅដុតក្នុឡរហូតដល់ស្លាប់ក្រោយមកបានសារភាពប្រាប់ប៉ូលិសថា នាងបានច្រឡំចង្ក្រាននោះថាជាអង្រឹងដូចនៅក្នុងរឿងកុន។
ប៉ូលីសបានរាយការណ៏អំពីកន្លែងកើតហេតុនៅក្នុងគេហដ្ឋាននៃទីក្រុង Kansas City ថាវាជារឿង “គួរឲ្យរន្ធត់” កាលពីថ្ងៃសុក្រ បន្ទាប់ពីសាកសព្វកុមារដែលជាវត្ថុតាងនៃការប្រព្រឹត្តរបស់ស្ត្រីជាម្តាយ ឈ្មោះMariah Thomas ដែលត្រូវបានគេរកឃើញនោះគឺថាកុមារនោះត្រូវបានឆេះរោលរាលនិងបាត់ដង្ហើមឈឹង នេះបើយោងតាមកាសែត The Guardian ។
នាង Thomas បានប្រាប់អាជ្ញាធរថានាង “កំពុងដាក់កូនរបស់នាងឲ្យគេងតែចៃដន្យក៏វង្វេងច្រឡំយកកូនដាក់នៅក្នុងឡជំនួសឲ្យអង្រឹងដូចក្នុងរៀងកុនយ៉ាងអ៊ីចឹង” នេះបើយោងតាម Fox 4 ។
លោក Jean Peters Baker ព្រះរាជអាជ្ញាខោនធី Jackson បាននិយាយថា “ករណីនេះត្រូវតែថ្លឹងថ្លែងចំពោះតម្លៃតបស្នងនៃការធ្វើឲ្យបាត់បង់ជីវិតកុមារម្នាក់នេះ” ។
លោកបានថ្លែងថា៖ “ យើងជឿជាក់លើប្រព័ន្ធយុត្តិធម៌ព្រហ្មទណ្ឌក្នុងការឆ្លើយតបយ៉ាងសមរម្យចំពោះទង្វើដ៏អាក្រក់មួយនេះ” ។
នៅទីបំផុតនាង Thomas ត្រូវបានតុលាការចោទប្រកាន់ពីបទបង្កគ្រោះថ្នាក់ដល់សុខុមាលភាពរបស់កុមារ និងការស្លាប់របស់កុមារ។
គួរបញ្ជាក់ដែរថា កាលពីខែមុន ក៏មានទារកទើបចេះដើរតេះតះម្នាក់ត្រូវបានគេប្រទះឃើញស្លាប់នៅក្នុងផ្ទះរបស់អនុសេនីយ៍ទោប៉ូលិសដែលជាឪពុកចិញ្ចឹមហើយឥឡូវកំពុងជាប់គុកពីបទរំលោភកុមារ។
ម្តាយកុមាររងគ្រោះបានទូរសព្ទទៅលេខ 911 បន្ទាប់ពីកុមាររងគ្រោះត្រូវបានជួយសង្គ្រោះផ្នែកវេជ្ជសាស្ត្រនៅមន្ទីរពេទ្យបូស្តុន។ ក្មេងរងគ្រោះត្រូវបានគេប្រកាសថាបានស្លាប់នៅក្នុងមន្ទីរពេទ្យ។
កុមារត្រូវបានរកឃើញនៅក្នុងផ្ទះរបស់អតីតអនុសេនីយ៍ទោ James Feeley ប៉ូលីស Winthrop ដែលត្រូវបានចាប់ខ្លួនកាលពីខែធ្នូឆ្នាំមុន៕