ដោយ៖សហការី
![](https://cambodiaflashnews.com/wp-content/uploads/2021/06/top-banner.gif)
ស្ត្រីនៅរដ្ឋផ្លរីដាម្នាក់ត្រូវតុលាការចោទប្រកាន់ពីបទមនុស្សឃាតគិតទុកជាមុនលើអតីតស្វាមីដែលជានាយកប្រតិបត្តិក្រុមហ៊ុន Microsoft របស់នាងក្រោយពីបានបំបែកបាក់គ្នាដោយសារតែនាងមានស្នេហាលួចលាក់ជាមួយគ្រូបង្វឹក ដោយបានចោទអតីតស្វាមីរបស់នាងថាបានលួចមើលទ្រព្យសម្បត្តិរបស់គ្រួសារនាង។
ឯកសារនេះត្រូវបានដកស្រង់យ៉ាងលម្អិតចេញពីការសួរចម្លើយរបស់ប៉ូលិសដែលបានធ្វើឡើងជាមួយនាង Shanna Gardner-Fernandez នៅប៉ុន្មានសប្តាហ៍បន្ទាប់ពី Jared Bridegan ត្រូវបានគេលួចបាញ់ស្លាប់ ធ្វើឲ្យកូនស្រីអាយុ ២ ឆ្នាំរបស់គាត់មានការភ័យរន្ធត់យ៉ាងខ្លាំង។
Gardner-Fernandez ដែលត្រូវបានចាប់ខ្លួន ១៨ ខែក្រោយមក ហើយឥឡូវនេះកំពុងប្រឈមមុខនឹងការកាត់ទោសប្រហារជីវិតប្រសិនបើត្រូវបានរកឃើញថាមានទោសក្នុងសំណុំរឿងឃាតកម្មនេះត្រូវបានរកឃើញថានាងមានពិរុទ្ធភាពពិតប្រាកដមែន។ នាងបានប្រាប់អ្នកស៊ើបអង្កេតក្នុងលក្ខណ:ស្ងៀមស្ងាត់ហើយយ៉ាងត្រជាក់ចិត្តនៅខែមីនា ឆ្នាំ ២០២២ ថានាងចង់ឲ្យករណីនេះត្រូវបានដោះស្រាយ ដើម្បីនាងអាចរស់នៅបន្តទៀតបាន។
នាងបានរៀបរាប់ប្រាប់ប៉ូលិសថា នាងបានរៀបការជាមួយ Bridegan បន្ទាប់ពីបានណាត់ជួបគ្នាពីរខែ ដោយសារនាង “ អស់សង្ឃឹម” ខ្លាំងពេក ហើយនាងមានអារម្មណ៍ធ្លាក់ទឹកចិត្តយ៉ាងខ្លាំងនៅក្នុងពេលនោះ។
យោងតាមឯកសាររបស់តុលាការថា៖ “នាងបាននិយាយថាបើរំលឹករឿងកាលពីមុនធ្វើឲ្យនាងឆ្ងល់ថាតើ Jared មានចេតនាអាក្រក់ក្រោយដឹងថាគ្រួសារនាងមានទ្រព្យធនមហាសាល ឬយ៉ាងណា “ ។
នាងពណ៌នាអំពីអតីតស្វាមី ដែលបានស្លាប់ក្រោមស្នាដៃនាងទៅកាន់ប៉ូលិសថាអតីតស្វាមីរបស់នាងជាអ្នកហួងហែង និងគ្រប់គ្រងលើនាងធ្វើឲ្យនាងមានអារម្មណ៍ក្តៅក្រហាយហើយបានវង្វេងវង្វាន់ក្នុងចិត្តនៅក្រោយពេលដែលពួកគេបានរៀបការហើយមានការឈ្លោះប្រកែកគ្នាម្តងៗ។
នាង Gardner-Fernandez បានធ្លាប់ជួបគ្រូបង្ហាត់ផ្ទាល់ខ្លួនរបស់នាងនៅឯ YMCA ក្បែរផ្ទះរបស់ពួកគេនៅ Jacksonville Beach ។
នាងបាន “បាននិយាយថា នាងបានជួបគាត់នៅឯកន្លែងហាត់ប្រាណហើយបានធ្វើឲ្យនាងមានអារម្មណ៍ល្អជាមួយគាត់គឺមានអារម្មណ៍ខ្លាំងចំពោះគ្រូបង្វឹកជាងប្តីរបស់នាង។ នាងបានបន្តថា ‘នេះគឺជាការចាប់ផ្តើមនៃទីបញ្ចប់”។
Gardner-Fernandez បានពណ៌នា Bridgeman ថាយកនាង “ប្រើប្រាស់ជាឧបករណ៍ដ៏មានតម្លៃ” សម្រាប់គាត់តាមរយ:រៀបការរបស់ពួកគេហើយបាននិយាយថាគាត់ “គ្រាន់តែចង់ដើរលេងជាមួយនាង ឬលេងជាមួយប្រដាប់ភេទរបស់នាងដូចគេលេងប្រដាប់ក្មេងលេង’ ។
ឯកសារនោះបញ្ជាក់ថា៖ “ អតីតស្វាមីនាងមិនអនុញ្ញាតឲ្យនាងមានមិត្តភក្តិនោះទេ”ហើយបានណែនាំនាងពីរបៀបដែលនាងគួរស្លៀកពាក់ក្នុងការបង្ហាញខ្លួននៅចំពោះមុខសាធារណជន”នាងក៏បានស្នើប៉ូលិសអនុញ្ញាតឲ្យនាងបង្ហាញនូវសម្លៀកបំពាក់ដែល Bridgeman ចង់ឲ្យនាងស្លៀក។
បើទោះបីជាមានជម្លោះក៏ដោយក៏នាង Gardner-Fernandez បាននិយាយថាអតីតស្វាមីរបស់នាងគាត់មិនដែលបំពានលើរូបនាងឬប្រើហិង្សាមកលើនាងនោះទេ “គឺគាត់គ្រាន់តែ “ស្រែក” ឲ្យនាងខ្លាំងៗនៅពេលដែលនាងនិយាយថានាងអាចពឹងលើដៃរបស់នាងបាន។
គូស្វាមីភរិយាដែលមានកូនពីរនាក់ជាមួយគ្នាបានបែកបាក់គ្នានៅឆ្នាំ ២០១៥ ដែលជាដើមហេតុបង្កឲ្យមានសង្រ្គាមលើការគ្រប់គ្រងទ្រព្យសម្បត្តិនិងធនធាន។
Gardner-Fernandez បានប្រាប់ប៉ូលិសថាផ្ទះដែលពួកគេបានចែករំលែកត្រូវបានទិញតាមរយៈមូលនិធិTrust ដែលទាក់ទងនឹងគ្រួសាររបស់នាង ប៉ុន្តែ Bridegan បានទាមទារពាក់កណ្តាលនៃតម្លៃរបស់វាបន្ទាប់ពីការលែងលះរបស់ពួកគេ។
ទីបំផុតនាងក៏បានរៀបការជាមួយបុរសម្នាក់ទៀតឈ្មោះ Mario Saldana-Fernandez នៅក្នុងឆ្នាំ ២០១៨។ គាត់គឺជាបុរសដែលនាងធ្លាប់បានជួបនៅកន្លែងហាត់ប្រាណ CrossFit នៃឆ្នេរ Jacksonville ។
Gardner-Fernandez បានប្រាប់ប៉ូលិសថា ពួកគេលួចមានចងចំណងស្នេហ៍ជាមួយគ្នាបន្ទាប់ពីបានណាត់ជួបគ្នាក្នុងរយៈពេលខ្លី ហើយអាពាហ៍ពិពាហ៍នេះត្រូវបានជំរុញយ៉ាងខ្លាំងហើយគឺជាបំណងប្រាថ្នារបស់ Mario Saldana ក្នុងការជួយនាងនិងកូនៗរបស់នាង។
យោងតាមឯកសារបានឲ្យដឹងថា៖ “ នាងបានបញ្ជាក់ថាពួកគេមិនស្គាល់គ្នាច្បាស់ទេនៅក្នុងពេលដែលពួកគេបានរៀបការនោះ។
Saldana-Fernandez ក៏ត្រូវបានចោទប្រកាន់ផងដែរពីបទឃាតកម្មគិតទុកជាមុនក្នុងការស្លាប់របស់ Bridegan ដោយរដ្ឋអាជ្ញាបានចោទថាគាត់បានវាយអ្នកជួលក្នុងអគារមួយក្នុងចំណោមអគារជួល Jacksonville ដែលគាត់ជួលដើម្បីយកកន្លែងពួនបាញ់ប្រហារលើជនរងគ្រោះ។
នាង Shanna បានប្រាប់ប៉ូលិសឲ្យទប់អារម្មណ៏ឲ្យត្រជាក់ចិត្តនៅមុនពេលសួរចម្លើយពួកគេទាំងពីរនាក់។
នាងបានប្រាប់អ្នកស៊ើបអង្កេតថា “សំណាងល្អ Mario” “គាត់ដូចជាសត្វក្អែកមួយក្បាល”។
សរុបសេចក្តីមក Shanna Gardner-Fernandez បានទទួលស្គាល់ថា ការស្លាប់របស់ Bridegan នឹងបានបន្ធូរបន្ថយភាពតានតឹងមួយចំនួនដែលពួកគេតែងតែឈ្លោះគ្នាឥតឈប់ឈរក៏ប៉ុន្តែនាងបានបដិសេធថារូបនាងមិនមានពាក់ព័ន្ធក្នុងតួនាទីណាមួយនៅក្នុងការស្លាប់របស់អតីតស្វាមីនោះទេ។
“Gardner បានរៀបរាប់ថា ‘រឿងក្នុងពេលនេះទាំងអស់គឺវាចម្លែកពេកហើយសម្រាប់រូបនាង’ ដោយសារតែនាងទើបតែបានសម្រេចចិត្ត ‘បែកចេញពីអតីតប្តីរបស់នាង’ ដែលធ្លាប់តែធ្វើឲ្យនាងខកចិត្តហើយការបែកគ្នានេះគឺគ្រាន់តែដើម្បីកែលំអបរិយាកាសឲ្យបានល្អក្នងស្ថានភាពមួយតែប៉ុណ្ណោះទេ”។
“ នាងបាននិយាយក្នុងគ្រាដែលនាងមានការខឹងសម្បាថា នាងបានគិតថាតើការធ្វើបែបនេះនឹងមានភាពងាយស្រួលប៉ុនណា ប៉ុន្តែនៅទីបំផុតនាងបានប្រាថ្នាមិនឲ្យមានរឿងដល់គាត់ឡើយ”។
Gardner-Fernandez ដែលថ្មីៗនេះបានរក្សាទុកអតីតមេធាវីរបស់នាងគឺលោក Casey Anthony លោក Jose Baez ហើយបានលើកឡើងថានាងមិនមានជាប់ពិរុទ្ធភាពក្នុងសំណុំរឿងឃាតកម្មនេះទេ៕