ដោយ៖ គង់ហេង
កំពង់ចាម៖ រដ្ឋបាលស្រុកបាធាយ ដោយមានការសម្របសម្រួលពីលោក ថៃ សម្ភស្ស ជាព្រះរាជអាជ្ញារងអមសាលាដំបូង ខេត្តកំពង់ចាមបានសម្រេចធ្វើការដកហូតម៉ូតូចំនួន ៣០ គ្រឿង ក្នុងចំណោមម៉ូតូសរុបចំនួន ៦៦ គ្រឿងចេញពីផ្ទះបញ្ចាំចំនួន ពីរ កន្លែងមករក្សាទុកនៅអធិការដ្ឋាននគរបាលស្រុកនៅថ្ងៃទី ៦ កុម្ភៈនេះ។ដោយឡែកម្ចាស់ផ្ទះទាំងពីរនាក់ហៅមកធ្វើការអប់រំ និងធ្វើកិច្ចសន្យា។
លោក ព្រុំ វណ្ណា អភិបាលរងស្រុកបាធាយដែលបានចូលរួមក្នុងប្រតិបត្តិការខាងលើ បានបញ្ជាក់ថា៖ ផ្ទះទាំងពីរ ដែលបើកកន្លែងបញ្ចាំម៉ូតូមានឈ្មោះ វង្ស ឆេងស្រស់ មានម៉ូតូចំនួន ១៩ គ្រឿងសមត្ថកិច្ចដកហូតម៉ូតូអត់មានឯកសារចំនួនពីរគ្រឿង និងម្នាក់ទៀតឈ្មោះ វង្ស ឆេងលុយ មានម៉ូតូបញ្ចាំចំនួន ៤៧ គ្រឿង សមត្ថកិច្ច ដកហូតម៉ូតូអត់មានឯកសារចំនួន ២៨ គ្រឿង ដែលមានទីតាំងស្ថិតក្នុងភូមិ ឃុំសម្បូរ ស្រុកបាធាយ ៕
