ប្រែសម្រួល៖ ស្រីស្រស់
ស្រ្តីឈ្មោះ Schardin ត្រូវបានចាប់ខ្លួនកាលពីថ្ងៃព្រហស្បតិ៍ក្រោយពីត្រូវបានចោទប្រកាន់ពីបទរួមភេទជាមួយក្មេងប្រុសអាយុ ១៥ ឆ្នាំពីរនាក់ដែលជាបទល្មើសកម្រិតទីបី និងទីបួន។
បើយោងតាមពាក្យបណ្តឹងចោទប្រកាន់លើរូបនាង Allison Leigh Schardin ដែលត្រូវបានចាប់ខ្លួនបន្ទាប់ពីនាងត្រូវបានគេចោទប្រកាន់ថា បានរួមភេទជាមួយក្មេងប្រុសអាយុ ១៥ ឆ្នាំពីរនាក់នៅក្នុងពេលតែមួយនៅឯសណ្ឋាគារកាលពីយប់ថ្ងៃទី ១៤ ខែមករា បានឲ្យដឹងថា នាង Allison Leigh Schardin អាយុ ៣៨ ឆ្នាំមកពី Blaine បាន “ស្នាក់នៅ” ជាមួយគ្រួសាររបស់នាងក្នុងសណ្ឋាគារមួយក្នុងសង្កាត់ Roseville ហើយក៏ជាកន្លែងដែលក្រុមក្មេងប្រុសមកពីរដ្ឋ Colorado កំពុងស្នាក់នៅសម្រាប់ការប្រកួតវាយកូនគោលលើទឹកកក នេះ ។
សារព័ត៌មាន Star Tribune បានរាយការណ៏ថា នាង Schardin បានចាប់ផ្តើមនិយាយជាមួយក្មេងជំទង់ទាំងពីរនាក់ដែលជាសមាជិកក្រុមវាយកូនគោលលើទឹកកក នៅក្នុងអាងទឹកក្តៅក្នុងសណ្ឋាគារមួយកាលពីយប់ថ្ងៃទី ១៤ ខែមករា ហើយបានប្រាប់ពួកគេថានាង និងស្វាមីកំពុងមានបញ្ហាក្នុងការរៀបអាពាហ៍ពិពាហ៍។
បន្ទាប់ពីក្មេងប្រុសទាំងនោះត្រឡប់ទៅបន្ទប់របស់ពួកគេវិញ នាងបានផ្ញើ Snapchat មួយឲ្យទៅពួកគេថា នាងទើបតែមានជម្លោះជាមួយប្តី ហើយចង់មកលេងបន្ទប់ក្មេងជំទង់ទាំងពីរនាក់។
នៅក្នុងបន្ទប់របស់ក្មេងប្រុស នាង Allison Leigh Schardin បានសួរក្មេងប្រុសអាយុប៉ុន្មាន ហើយប្រាប់ពួកគេថាពួកគេនៅក្មេងគ្រប់គ្រាន់សមជាកូនរបស់នាង នេះបើយោងតាមសារព័ត៌មាន Pioneer Press ។
នាងបានចាប់ផ្តើមនិយាយអំពី “ការរួមភេទជាមួយនឹងឧបករណ៏” ដោយសួរពួកគេថាតើពួកគេធ្លាប់បានរួមភេទហើយឬនៅក្រោយមកនាងក៏បានចូលទៅដេកជាមួយក្មេងប្រុសទាំងពីរនាក់នោះ។
នាង Schadin ក្រោយមកក៏បានចាប់ផ្តើមធ្វើសកម្មភាពផ្លូវភេទជាមួយក្មេងជំទង់ពីរនាក់នោះ។
ក្មេងប្រុសទាំងពីរបាននិយាយថា ពួកគេមានអារម្មណ៏ថារងនូវសម្ពាធនៅទីបំផុតពួកគេក៏បានប្រាប់ឲ្យនាងចាកចេញពីបន្ទប់របស់ពួកគេ។
ប៉ូលិសបាននិយាយថា ក្រោយមកនាងបានបង្ហាញខ្លួននៅកន្លែងវាយកូនគោលមួយហើយក៏បានផ្ញើសារទៅកាន់ក្មេងប្រុសទាំងពីរនាក់ បន្ទាប់ពីពួកគេត្រឡប់ទៅផ្ទះវិញនៅរដ្ឋ Colorado ។
នាងបានសារភាពថាបានថើប និងរួមភេទជាមួយក្មេងប្រុសទាំងពីរនាក់នោះ។ នាងក៏បានសារភាពដែរថា នាងបានសុំស្រោមអនាម័យឲ្យពួកគេក៏ប៉ុន្តែនាងបានអះអាងថានាងនឹងមិនបានប្រើវានោះទេ។
នាង Schardin ត្រូវបានប៉ូលិសចាប់ខ្លួនកាលពីថ្ងៃព្រហស្បតិ៍ហើយគ្រោងនឹងបញ្ជូនទៅតុលាការនៅថ្ងៃចន្ទខាងមុខនេះ៕