ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
នៅក្នុងសប្តាហ៍មុនការបោះឆ្នោតបឋមបើយោងតាមការស្ទង់មតិថ្មីមួយនៅរដ្ឋ South Carolina បានបង្ហាញឲ្យឃើញថា លោក Donald Trump អតីតប្រធានាធិបតីបានបំបាក់គូប្រជែង Nikki Haley ដោយនាំមុខ ២៦%គឺបានផ្តួលអតីតអភិបាលរដ្ឋ South Carolina រូបនេះយ៉ាងចាស់ដៃ។
ការស្ទង់មតិរបស់សាកលវិទ្យាល័យ Washington Post/ Monmouth បង្ហាញថា ៥៨% នៃអ្នកបោះឆ្នោតរដ្ឋ South Carolina គាំទ្រលោក Trump បើធៀបនឹង Haleyទទួលបានត្រឹមតែ ៣២%។
អតីតអភិបាលក្រុងរូបនេះកំពុងខិតខំព្យាយាមធ្វើយុទ្ធនាការនៅទូទាំងរដ្ឋ Palmetto ក្នុងការប្រជែងទល់នឹងលោក Trump នៅក្នុងការបោះឆ្នោតបឋមនៅថ្ងៃទី ២៤ ខែកុម្ភៈខាងមុខនេះ។
Haleyក្នុងវ័យអាយុ ៥១ ឆ្នាំបានអះអាងថានាងនៅមានពេលវេលាដើម្បីបង្វែរតួលេខបោះឆ្នោតពីទាបមកខ្ពស់ហើយថាយុទ្ធនាការរបស់នាងគឺ “ទើបតែចាប់ផ្តើម”នោះទេ ។
ទោះជាយ៉ាងណាក៏ដោយ គម្លាតរវាងលោក TrumpនិងHaley មាន ២៦% ដែលជាការឆ្លុះបញ្ចាំងមួយចេញពីការស្ទង់មតិដែលបានធ្វើឡើងនៅក្នុងខែកញ្ញា នៅពេលដែលបេក្ខជនកាន់តែច្រើនឡើងបានឈរឈ្មោះនៅក្នុងការប្រកួតប្រជែងនេះ។ ចាប់ទាំងពីពេលនោះមក លោក Trump មាន ៤៦% នៅក្នុងដៃរួចទៅហើយចំណែក Haley វិញគឺមានត្រឹមតែ ១៨% ប៉ុណ្ណោះទេ ។
ការស្ទង់មតិនាពេលថ្មីៗនេះក៏ស្រដៀងគ្នាទៅនឹងទិន្នន័យស្ទង់មតិផ្សេងទៀតដែលចេញផ្សាយដោយ American Promise និង Tyson Group ដែល Haley មានគម្លាតដល់ទៅ ២៧% ពិន្ទុនៅតែរត់តាមពីក្រោយលោក Trump (GOP) ដែលជាអ្នកនាំមុខ។
ការស្ទង់មតិកាលពីថ្ងៃព្រហស្បតិ៍ក៏បង្ហាញថាអ្នកបោះឆ្នោតមានភាពរំភើបជាមួយនិងទំនុកចិត្តកាន់តែខ្លាំងមកលើលោកTrump ។
យោងទៅតាមការស្ទង់មតិ បានឲ្យដឹងថា បុរសវ័យ ៧៧ ឆ្នាំរូបនេះ ចូលចិត្តកីឡា ៦៦% បើធៀបទៅនឹង Haleyមានត្រឹម ៤៥% ។
បើយោងតាម អេ.ភី Haley បាននិយាយថានាងមានពេលដើម្បីបង្វែរចំនួនបោះឆ្នោតពីទាបមកខ្ពស់ជាងនេះ ហើយថាយុទ្ធនាការរបស់នាងគឺ “ទើបតែចាប់ផ្តើម” ទេ។
អ្នកគាំទ្រលើ Haley បានធ្លាក់ចុះ ១៤% ចាប់តាំងពីខែកញ្ញា បើទោះបីជាមានការបង្កើនយុទ្ធនាការរបស់នាងនៅក្នុងរដ្ឋនានា។
៧៩ ភាគរយនៃអ្នកបោះឆ្នោតដែលបានស្ទង់មតិជឿជាក់ថាលោក Trump អាចយកឈ្នះប្រធានាធិបតី Biden ក្នុងការផ្គូផ្គងមុខគ្នានៅក្នុងការបោះឆ្នោតសាកល ខណៈដែល ៦២% គិតដូចគ្នាចំពោះ Haley ។
នៅលើគោលនយោបាយ អ្នកបោះឆ្នោតបាននិយាយថា ពួកគេជឿជាក់លើលោក Trump កាន់តែច្រើនលើគ្រប់បញ្ហាទាំងអស់ដែលបានបង្ហាញនៅលើរបៀបវារ:បោះឆ្នោត រួមទាំងបញ្ហាអន្តោប្រវេសន៍ សេដ្ឋកិច្ច គោលនយោបាយការបរទេស និងការរំលូតកូនជាដើម។
ភាគច្រើននៃអ្នកបោះឆ្នោតក្នុងចំនួន (៥០%) ក៏បាននិយាយថាពួកគេគាំទ្រការសម្រេចចិត្តរបស់ព្រឹទ្ធសភា Tim Scott (R-SC) ដើម្បីគាំទ្រលោក Trump ជាងលោកស្រី Haley ។ ចំណែក ២៤% ភាគរយបាននិយាយថាអតីតបេក្ខជនឆ្នាំ ២០២៤ គួរតែជា Haley ខណៈដែល ១៦% បាននិយាយថាគាត់មិនគួរគាំទ្រនរណាម្នាក់នោះទេ។
តាមការស្ទង់មតិដែលបានធ្វើឡើងនៅចន្លោះថ្ងៃទី ២៦ ដល់ថ្ងៃទី ៣០ ខែមករា តាមរយៈទូរសព្ទ និងរួមបញ្ចូលគំរូនៃអ្នកចុះឈ្មោះបោះឆ្នោតរដ្ឋក្នុងរដ្ឋ South Carolina ចំនួន ១,០៤៥ គឺមានកំហុសត្រឹមតែ ៣.៩% ទេ។
រដ្ឋ South Carolina នឹងក្លាយជាចំណុចស្នូលមួយសម្រាប់លោកស្រី Haley ដែលកំពុងតែពឹងផ្អែកលើកំណត់ត្រារបស់គាត់ជាអភិបាលពីរអាណត្តិកន្លងមករបស់ខ្លួន ដើម្បីបង្កើនឥទ្ធិពលជាមួយអ្នកបោះឆ្នោត។ លោកស្រីបានទទូចថា កង្វះការគាំទ្ររបស់លោកស្រីពីមន្ត្រីជាប់ឆ្នោតក្នុងរដ្ឋគឺដោយសារឆន្ទៈរបស់លោកស្រីក្នុងការរក្សាឲ្យពួកគេទទួលខុសត្រូវតាមរយៈសំឡេងឆ្នោត និងវិធានការផ្សេងៗទៀត។
Haley ក៏បានបង្កើនការវាយប្រហារជាពាក្យសំដីរបស់នាងទៅលើស្ថានភាពផ្លូវចិត្តរបស់លោក Trump ដោយថ្មីៗនេះបាននិយាយថាគាត់ “បានបដិសេធ” លទ្ធផលបោះឆ្នោតចាប់តាំងពីឆ្នាំ ២០១៦ ហើយជាញឹកញាប់ហាក់ដូចជា “យល់ច្រលំ” លើស្ថានការណ៍នយោបាយ ៕
ប្រភព៖ New York Post