ដោយ៖សុខុម
![](https://cambodiaflashnews.com/wp-content/uploads/2021/06/top-banner.gif)
បាត់ដំបង÷ រថភ្លើងដឹកភ្ញៀវបុករថយន្តដឹកដីឆ្លងកាត់ផ្លូវខ្វះការប្រុងប្រយ័ត្នបណ្តាលឲ្យរបួសធ្ងន់ម្នាក់ក្នុងស្រុកសង្កែ។
សាក្សីនិយាយថា÷ ករណីគ្រោះថ្នាក់នេះបានកើតឡើងនៅវេលាម៉ោងប្រមាណជាង ៣រសៀល ថ្ងៃទី០១ ខែកុម្ភ: ឆ្នាំ២០២៤ នៅត្រង់ចំណុចភូមិស្វាយជាតិ ឃុំរាំងកេសី ស្រុកសង្កែ ខេត្តបាត់ដំបង។
ប្រភពខាងលើបន្តថា÷ មុនពេលកើតហេតុគេឃើញរថយន្តប្រភេទដឹកដីមួយគ្រឿង បើកបរក្នុងទិសដៅពីលិច ទៅកើត លុះដល់ចំណុចគ្រោះថ្នាក់ស្រាប់តែពើបប្រទះជាមួយនឹងរថភ្លើងដែលធ្វើដំណើរក្នុងទិសដៅពីជើងទៅត្បូងហើយបានបុករះពេញទំហឹងតែម្តងបណ្តាលឲ្យប៉ើងរថយន្តអែបកៀនផ្លូវ និងនាំឲ្យរបួសធ្ងន់អ្នកបើកបររថយន្តម្នាក់ត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ។
ជនរងគ្រោះអ្នកបើកបររថយន្តមានឈ្មោះដុង ឧត្តម ភេទប្រុស អាយុជាង ៣០ឆ្នាំ រស់នៅភូមិរាំងក្រោល ឃុំរាំងកេសី ស្រុកសង្កែ ខេត្តបាត់ដំបង រីឯអ្នកបររថភ្លើងមិនទាន់ស្គាល់អត្តសញ្ញាណ៕