ប្រែសម្រួល៖ ស-សម្បត្តិ
![](https://cambodiaflashnews.com/wp-content/uploads/2021/06/top-banner.gif)
លោកជំទាវទី១របស់អតីតនាយករដ្ឋមន្ត្រីប៉ាគីស្ថាន Imran Khan ដែលត្រូវបានតុលាការកាត់ទោសឲ្យជាប់ជាប់ពន្ធនាគារកាលពីថ្ងៃពុធ ៣១ មករា អស់រយៈពេល ១៤ ឆ្នាំពីបទប្រព្រឹត្តអំពើពុករលួយ ត្រូវបានតុលាករកាត់ទោសឲ្យជាប់ឃុំនៅក្នុងផ្ទះបន្ទាប់ពីតុលាការសម្រេចយកលំនៅឋានរបស់ពួកគេជាផ្លូវការធ្វើជា “អនុពន្ធនាគារ” ។
លោកស្រី Bushra Bibi ដែលជាអ្នកដឹកនាំមួយក្នុងសាសនាមូស្លីមបានប្រគល់ខ្លួននាងទៅអាជ្ញាធរកាលពីថ្ងៃពុធភ្លាមៗបន្ទាប់ពីអ្នកទាំងពីរត្រូវបានកាត់ទោសដាច់ដោយឡែកពីគ្នានៅក្នុងករណីដែលពាក់ព័ន្ធនឹងការលក់អំណោយបរទេសដែលទទួលបានខណៈពេលដែលគាត់នៅជានាយករដ្ឋមន្ត្រី។ លោក Khan ដែលត្រូវបានកាត់ទោសឲ្យជាប់ពន្ធនាគាររយៈពេល ១០ ឆ្នាំកាលពីថ្ងៃអង្គារក្នុងករណីដាច់ដោយឡែកមួយបន្ទាប់ពីត្រូវបានរកឃើញថាមានពិរុទ្ធពីការធ្វើឲ្យលេចធ្លាយអាថ៌កំបាំងរបស់រដ្ឋហើយគាត់នៅតែស្ថិតនៅក្នុងពន្ធនាគារ Adiala ក្នុង Rawalpindi ដែលជាកន្លែងសវនាការរបស់តុលាការ។
អតីតកីឡាករវាយកូនបាល់អន្តរជាតិ និងក្រុមអ្នកច្បាប់របស់គាត់បានថ្កោលទោសលើការកាត់ទោស និងការចោទប្រកាន់ជាច្រើនផ្សេងទៀត ដែលថាជាការគ្រោងទុកដោយក្រុមមេដឹកនាំយោធា ដើម្បីរារាំងគាត់ពីការវិលត្រឡប់មកកាន់អំណាចក្នុងការបោះឆ្នោតនៅសប្តាហ៍ក្រោយ។
កាលពីថ្មីៗនេះ រដ្ឋាភិបាលបាននិយាយថា Bibi ត្រូវបានបញ្ជូនចេញពីពីពន្ធនាគារ Adialaទៅឃុំឃាំងនៅក្នុងផ្ទះរបស់នាងនៅឯជាយក្រុង Islamabad ។
បទបញ្ជាដែល AFP បានឃើញបាននិយាយថា “ប្រធានស្នងការដែនដីរដ្ឋធានី Islamabad មានសេចក្តីសោមនស្សរីករាយក្នុងការប្រកាសទីលំនៅរបស់ទណ្ឌិត Bushra Bibiទុកជាអនុពន្ធនាគារ ដោយសម្រេចអនុវត្តនៅថ្ងៃទី ៣១ ខែមករា ឆ្នាំ ២០២៤ រហូតដល់មានការបញ្ជាជាថ្មី” ។
ផ្ទះលោកខាន់ នៅបឹងហ្គាឡូមានបរិវេណដ៏ធំមួយដែលហ៊ុមព័ទ្ធដោយជញ្ជាំងបេតុងខ្ពស់ស្ថិតនៅក្នុងតំបន់ Bani Gala ដែលជារដ្ឋធានីដ៏អស្ចារ្យមួយ។
ប្រទេសប៉ាគីស្ថាននិងមានការបោះឆ្នោតនៅថ្ងៃទី ៨ ខែកុម្ភៈលោក Khan ត្រូវបានរារាំងមិនឲ្យឈរឈ្មោះ ហើយគណបក្ស Pakistan Tehreek-e-Insaf (PTI) របស់លោកកំពុងទទួលរងនូវការបង្ក្រាបយ៉ាងខ្លាំង។
អ្នកគាំទ្ររាប់ពាន់នាក់ត្រូវបានឃុំខ្លួន នៅពេលដែលកុបកម្មបានផ្ទុះឡើងបន្ទាប់ពីការចាប់ខ្លួនដំបូងរបស់លោក Khan កាលពីឆ្នាំមុន ដោយមានមនុស្សប្រហែល ១០០ នាក់កំពុងរង់ចាំការកាត់ក្តីជាសម្ងាត់ដោយតុលាការយោធា។
Bibi គឺជាមនុស្សមានឥទ្ធិពលដែលបានរៀបការជាមួយ Khan ក្នុងឆ្នាំ ២០១៨ នៅប៉ុន្មានខែមុនពេលដែលគាត់ត្រូវបានជ្រើសរើសជានាយករដ្ឋមន្ត្រីទាំងរឿងអាស្រូវនិងធ្វើឲ្យប្រទេសជាតិមានការព្រួយបារម្ភ។
លោក Khan រៀននៅ Oxford ល្បីឈ្មោះថាជាអ្នកលេងសៀកក្នុងអំឡុងពេលទទួលបានបរិញ្ញាបត្រលេងកីឡា cricket របស់គាត់ ជាញឹកញាប់គាតថតរូបបង្ហាញភាពសង្ហា និងជាតារាបង្ហាញម៉ូដក្នុងសង្គម។
អាពាហ៍ពិពាហ៍ដំបូងរបស់គាត់ធ្វើឡើងជាមួយលោកស្រី Jemima Goldsmith ជាកូនស្រីរបស់មហាសេដ្ឋីអង់គ្លេសត្រូវបានបញ្ចប់ដោយការលែងលះ។បន្ទាប់មកគាត់បានរៀបការជាមួយលោកស្រី Reham Nayyar ដែលជាអ្នកយកព័ត៌មានសម្រាប់ទូរទស្សន៍ដែលរូបភាពអនុស្សាវរីយ៍ថើបគ្នាបន្ទាប់ពីមួយឆ្នាំក្រោយមកពួកគេក៏បានលែងលះគ្នា។
Bibi ដែលជាភរិយាទី ៣ របស់គាត់កម្របង្ហាញមុខជាសាធារណៈណាស់ ហើយពាក់មួកបិទមុខពេលនាងធ្វើដំណើរ៕
ប្រភព៖ AFP/rc