ប្រែសម្រួល៖ ស-សម្បត្តិ
![](https://cambodiaflashnews.com/wp-content/uploads/2021/06/top-banner.gif)
Su Wenqiang អាយុ ៣២ ឆ្នាំ ដែលកាន់លិខិតឆ្លងដែនបញ្ជាក់ថាគាត់មកពីខេត្ត Fujian ប្រទេសចិនរងនឹងការចោទប្រកាន់សរុបចំនួន ៩ ករណីផ្សេងទៀត កាលពីថ្ងៃចន្ទទី ២៩ មករា បុរសម្នាក់នេះកំពុងស្ថិតនៅក្រោមការស៊ើបអង្កេតបន្ថែមលើសំណុំរឿងលាងលុយរាប់ពាន់លានដុល្លាចំនួន ៧ ករណីក្នុងចំនួនទឹកប្រាក់ប្រហែល ៤៧៧,០០០ ដុល្លារសិង្ហបុរី ស្មើនឹង ៣៥៥,៧៧០ ដុល្លារអាមេរិកបូករួមទាំងអំពើខុសច្បាប់ក្នុងការបង់ថ្លៃជួលផ្ទះជំនួសឲ្យមនុស្ស ៥ រូប និងបានទិញទំនិញប្រណីតៗជាច្រើនថែមទៀតផង។
![](https://cambodiaflashnews.com/wp-content/uploads/2024/01/0000-17-300x170.png)
Su Wenqiang ក៏ត្រូវបានចោទប្រកាន់ផងដែរពីបទកាន់កាប់សំបុត្រអាពាហ៍ពិពាហ៍ក្លែងក្លាយពីប្រទេសចិន ដែលគាត់មានបំណងប្រើក្នុងការសុំទិដ្ឋាការឆ្លងដែន។
ការចោទប្រកាន់ចំនួន៧ករណីលាងលុយដែលជាប្រាក់ចំណូលខុសច្បាប់បានពីសេវាលេងល្បែងអនឡាញខុសច្បាប់ដែលមានប្រភពចេញពីប្រទេសហ្វីលីពីនដើម្បីប្រើប្រាស់ក្នុងការទិញដូចជា
កាបូបប្រណីតចំនួនប្រាំពីរ គ្រឿងអលង្ការដែលបានទិញក្នុងតម្លៃ ២៦,០៦៥.៣០ ដុល្លារសិង្ហបុរីក្នុង ចន្លោះខែវិច្ឆិកា ឆ្នាំ ២០២១ ដល់ខែធ្នូ ឆ្នាំ ២០២១។
ការទិញទំនិញប្រណីតដែលមិនបានបញ្ជាក់ចំនួន ១៧ មុខក្នុងតម្លៃ ៧២,១៥២ ដុល្លារសិង្ហបុរី ចន្លោះខែមករា ឆ្នាំ ២០២១២ ដល់ខែឧសភា ២០២៣មានដូចជាKweichow Moutai ៣០ ដប និង ស្រា ១៨ឆ្នាំ១២ ដប ” ស្រាMacallan Scotch Whiskey” ១៨,៦០០ ដុល្លារសិង្ហបុរីនៅ ចន្លោះខែធ្នូ ឆ្នាំ ២០២១ ដល់ខែសីហា ឆ្នាំ ២០២៣ ។
![](https://cambodiaflashnews.com/wp-content/uploads/2024/01/9999-16-300x171.png)
ការជួលផ្ទះប្រចាំខែ និងប្រាក់កក់ធានាសុវត្ថិភាពផ្ទះនិងដីមួយកន្លែងនៅផ្លូវ Lewis ចំនួន ២៧៦,០០០ដុល្លារសិង្ហបុរី សម្រាប់រយៈពេលចន្លោះខែវិច្ឆិកា ឆ្នាំ ២០២២ ដល់ខែសីហា ឆ្នាំ ២០២៣។
ការជួលប្រចាំខែសម្រាប់អាផាតមិនខុនដូនៅ Orchard By-The-Park ចំនួន ៣៥៨៧៧ដុល្លារសិង្ហបុរីនៅ ចន្លោះខែតុលា ឆ្នាំ ២០២១ ដល់ខែធ្នូ ឆ្នាំ ២០២១ការជួលប្រចាំខែសម្រាប់អាផាតមិនខុនដូនៅ Orchard By-The-Parkចំនួន ៤៨,០០០ ដុល្លារសិង្ហបុរីសម្រាប់រយៈពេលដាច់ដោយឡែកពីគ្នារវាងខែមករាឆ្នាំ ២០២២ដល់ខែមេសា ឆ្នាំ ២០២២។
ការចោទប្រកាន់ទាំង៧ករណីនេះគឺមិនរួមបញ្ចូលការចោទប្រកាន់ចំនួនពីរករណីដែលមានស្រាប់កាលពីមុននោះទេ។ ក្រោយមកគាត់ត្រូវបានរកឃើញថាមានលុយ ៦០១,៧០៦ ដុល្លារសិង្ហបុរី ស្មើនឹង៤៤១,០០០ ដុល្លារអាមេរិក ដែលយ៉ាងហោចណាស់មួយផ្នែកបានមកពីបទល្មើសល្បែងស៊ីសងអនឡាញ ហើយយកប្រាក់៥០០,០០០ ដុល្លារសិង្ហបុរី ដើម្បីទិញរថយន្ត Mercedes Benz AMG C63S ក្នុងខែមករា ឆ្នាំ ២០២២។
![](https://cambodiaflashnews.com/wp-content/uploads/2024/01/1111-15-300x170.png)
យោងតាមសវនាការតុលាការកន្លងមក លោក Su ត្រូវបានចាប់ខ្លួននៅថ្ងៃទី ១៥ ខែសីហា បន្ទាប់ពីការឆ្មក់ចូលរបស់ប៉ូលិសនៅទូទាំងកោះ ដែលមានពាក់ព័ន្ធនឹងបទល្មើសលាងលុយកខ្វក់នេះ។
មន្ត្រីស៊ើបអង្កេតលើករណីរបស់ Su បានឲ្យដឹងថា Su ត្រូវបានអាជ្ញាធរចិនតាមរកចាប់ខ្លួនខណ:ដែលកំពុងធ្វើការជានាយកប្រតិបត្តិនៅក្នុងអាជីវកម្មឆ្នោតអនឡាញដែលប្រតិបត្តិការពីប្រទេសហ្វីលីពីន និងកម្ពុជា។
Su មានលិខិតឆ្លងដែនពីប្រទេសចិន កម្ពុជា និងវ៉ានូអាទូ។ មេធាវីរបស់គាត់ពីមុនបាននិយាយថាគាត់មានកូនតូចៗពីរនាក់ហើយថាគាត់បានបញ្ជូនទៅប្រទេសសិង្ហបុរីដោយមានបំណងរស់នៅទីនេះជាអចិន្ត្រៃយ៍និងទទួលបានការអប់រំនៅទីនេះ។
Su ត្រូវបានចាប់ឃុំខ្លួនតាំងពីថ្ងៃទី ១៥ សីហា ឆ្នាំ២០២៣ ចំណែកសំណើសុំនៅក្រៅឃុំកន្លងមកត្រូវបានតុលាការបដិសេធ។ គាត់នឹងត្រូវបញ្ជូនខ្លួនមកកាន់តុលាការវិញដើម្បីបន្តសវនាការនៅមុនការជំនុំជម្រះពេញអង្គដើម្បីកំណត់ទោសនៅខែក្នុងកុម្ភៈ៕
ប្រភព៖ CNA/ll(ac)