ប្រែសម្រួល៖ ស-សម្បត្តិ
![](https://cambodiaflashnews.com/wp-content/uploads/2021/06/top-banner.gif)
ដែនជម្រកសត្វភេនឃ្វីនដែលជាអធិរាជនៃពពួកសត្វនៅតំបន់អង់តាក់ទិកដែលគេមិនធ្លាប់ស្គាល់ពីមុនត្រូវបានគេប្រទះឃើញនៅក្នុងរូបភាពផ្កាយរណបថ្មីមួយ។
សត្វភេនឃ្វីនដែលត្រូវបានគេចាត់ទុកថាជាអធិរាជនៃពពួកសត្វនៅតំបន់អង់តាក់ទិក “ត្រូវបានរងការគំរាមកំហែង” ជិតផុតពូជ វាគឺជាសត្វភេនឃ្វីនដ៏ធំបំផុតរបស់ពិភពលោកដែលគេចាត់ទុកថាជាអធិរាជនៃពពួកសត្វនៅតំបន់អង់តាក់ទិក។ ការចិញ្ចឹមកូនរបស់វានៅក្នុងរដូវរងានៅតំបន់អង់តាក់ទិកនៅលើផ្ទាំងទឹកកកដែលកកពីលើសមុទ្រ។ ប៉ុន្តែប្រសិនបើទឹកកករលាយនៅមុនពេលកូនវាចេះរត់នោះភាគច្រើនអាចបណ្តាលឲ្យកូនវាស្លាប់។
យ៉ាងហោចណាស់មានសត្វភេនឃ្វីនមួយចំនួនកំពុងផ្លាស់ប្តូរទីជម្រករបស់វា ខណៈដែលមានការប្រែប្រួលអាកាសធាតុធ្វើឲ្យសមុទ្រទឹកកករលាយដែលជាការគំរាមកំហែងដល់កន្លែងពួកវាបង្កាត់ពូជនេះបើយោងតាមការស្រាវជ្រាវដែលទើបនឹងចេញផ្សាយកាលពីថ្ងៃពុធ ទី២៤ មករា។
អ្នកស្រាវជ្រាវនៅ British Antarctic Survey លោក Peter Fretwell បាននិយាយថា ដែនជម្រកសត្វភេនឃ្វីនមួយនៅជិតឆ្នេរ Halley ហាក់ដូចជាត្រូវបានផ្លាស់ទីចម្ងាយប្រហែល ៣០ គីឡូម៉ែត្រទៅកាន់ភាគខាងកើត។ លោកបានបន្តថា ស្ថានភាពរស់នៅរបស់ពួកវាគឺមិនស្ថិតស្ថេរចាប់តាំងពីឆ្នាំ ២០១៦ មកបានធ្វើឲ្យទីតាំងដែលជាជម្រកចាស់របស់វារងគ្រោះថ្នាក់។
គាត់បាននិយាយថា “សត្វភេនឃ្វីនជាអធិរាជនៃពពួកសត្វបានព្យាយាមស្វែងរកទឹកកកសមុទ្រដែលមានស្ថេរភាពបន្ថែមទៀតសម្រាប់ការស់រានមានជីវិតរបស់កូនៗវា” ។
Fretwell បាននិយាយថា ដែនជម្រកដែលទើបនឹងប្រទះឃើញថ្មីចំនួន ៤ ទីតាំងទំនងជាមានអាយុកាលច្រើនឆ្នាំហើយ ប៉ុន្តែអ្នកវិទ្យាសាស្ត្រមិនបានប្រទះឃើញពួកគេពីមុនមកនោះទេ។ គាត់បាននិយាយថា ពួកវាភាគច្រើនរស់នៅជាក្រុមតូចៗហើយមានគូរបស់វាបើតាមមើលទៅគឺតិចជាង ១,០០០ គូ។ អ្នកវិទ្យាសាស្ត្របច្ចុប្បន្នបានរកឃើញដែនជម្រកសត្វភេនឃ្វីនចំនួន ៦៦ ទីតាំង ។
Fretwell បាននិយាយថា ទីតាំងដែលបានរកឃើញថ្មីមានការប្រែប្រួលខ្លាំងបើតាមការប៉ាន់ប្រមាណឃើញថាមានចំនួនសរុបនៅពេលបច្ចុប្បន្ននេះតិចជាង ៣០០,០០០ គូ អ្នកវិទ្យាសាស្ត្របានយល់ពីទីតាំងដែលសត្វភេនឃ្វីនអាចផ្លាស់ទីរស់នៅ។
អ្នកស្រាវជ្រាវសត្វភេនឃ្វីននៅស្ថាប័ន Woods Hole Oceanographic Institution លោក Daniel Zitterbart ដែលមិនបានចូលរួមនៅក្នុងការសិក្សាបាននិយាយថា គេនៅមិនទាន់ដឹងច្បាស់ទេថាតើទីតាំងណាមួយដែលត្រូវបានគេកំណត់អត្តសញ្ញាណថ្មីថាអាចបែកចេញពីជម្រកធំៗផ្សេងទៀតនោះទេ។
ប៉ុន្តែគេបានដឹងច្បាស់ណាស់ថា កន្លែងបង្កាត់ពូជគឺស្ថិតនៅក្នុងតំបន់សមុទ្រទឺកកហើយពិភពលោក បច្ចប្បន្នកាន់តែក្តៅខ្លាំងឡើងនេះមានន័យថា “សត្វភេនឃ្វីននឹងមានចលនាផ្លាស់ទីជម្រក” កាន់តែច្រើនឡើងថែមទៀត៕
ប្រភព៖ AP/fh