ប្រែសម្រួល៖ស-សម្បត្តិ
តៃប៉ិ៖ នៅថ្ងៃសៅរ៍ ទី២៧ មករានេះ ក្រសួងការពារជាតិក្រុងតៃប៉ិបានប្រកាសថាខ្លួនប្រទះឃើញយន្តហោះយោធាចិន ៣៣ គ្រឿងហោះចូលដែនអាកាសរបស់ខ្លួនក្នុងរយៈពេល ២៤ ម៉ោង ដែលជាការបង្ហាញកម្លាំងដ៏ធំបំផុតនៅជុំវិញកោះមួយនេះក្រោយពេលរៀបចំការបោះឆ្នោតរួច។
ចិនបានទាមទារចាប់យកតៃវ៉ាន់ជាផ្នែកមួយនៃទឹកដីរបស់ខ្លួន ហើយក៏មិនដែលបោះបង់ចោលការប្រើកម្លាំងដើម្បីរឹបអូសយកកោះដែលគ្រប់គ្រងដោយខ្លួនឯងមកនៅក្រោមការគ្រប់គ្រងរបស់ខ្លួននោះទេ។
នៅមុនការស្ទង់មតិកាលពីថ្ងៃទី ១៣ ខែមករារបស់កោះតៃវ៉ាន់ ទីក្រុងប៉េកាំងបានព្រមានអ្នកបោះឆ្នោតថា បេក្ខជនប្រធានាធិបតី Lai Ching-te ដែលជាអនុប្រធានាធិបតីបច្ចុប្បន្ន ដែលប្រទេសចិនបានហៅថាជា “អ្នកបំបែកខ្លួនដ៏គ្រោះថ្នាក់” និងនាំមកនូវ “សង្រ្គាមដ៏បង្ហូរឈាម” ប្រសិនបើបេក្ខជនប្រធានាធិបតី Lai Ching-te ត្រូវបានជ្រើសរើសជាមេដឹកនាំតៃវ៉ាន់នោះ។
Lai នៅតែឈ្នះការបោះឆ្នោតសម្រាប់អាណត្តិទី ៣ ដែលមិនធ្លាប់មានពីមុនមកសម្រាប់គណបក្សវឌ្ឍនភាពប្រជាធិបតេយ្យ ដែលបានច្រានចោលការទាមទារទឹកដីរបស់ចិនជាយូរមកហើយ។
នៅថ្ងៃសៅរ៍ ខ្លួនបាននិយាយនៅក្នុងសេចក្តីថ្លែងការណ៍មួយថានៅក្នុងរយៈពេល ២៤ ម៉ោងរហូតដល់ម៉ោង ៦ ព្រឹកម៉ោងក្នុងស្រុក ក្រសួងការពារជាតិបានប្រទះឃើញយន្តហោះយោធាចិនចំនួន ៣៣ គ្រឿង និងនាវាកងទ័ពជើងទឹកចំនួន ៧ ដែលកំពុងប្រតិបត្តិការនៅជុំវិញកោះតៃវ៉ាន់។
ហើយយន្តហោះ១៣គ្រឿងបានឆ្លងកាត់ច្រកសមុទ្រតៃវ៉ាន់។
កងកម្លាំងប្រដាប់អាវុធរបស់តៃវ៉ាន់បាន “តាមដានស្ថានការណ៍នេះ និងប្រើប្រាស់យន្តហោះល្បាតតាមអាកាសរួមជាមួយនិងកងនាវាកងទ័ពជើងទឹក និងដំឡើងប្រព័ន្ធមីស៊ីលនៅតាមឆ្នេរសមុទ្រ ដើម្បីឆ្លើយតបទៅនឹងសកម្មភាពទាំងនេះ”។
ប៉េងប៉ោងចិនជំនួនពីរក៏ត្រូវបានគេប្រទះឃើញឆ្លងកាត់ច្រកសមុទ្រតៃវ៉ាន់ផងដែរ។
ការបង្ហាញសាច់ដុំនេះបានកើតឡើងបន្ទាប់ពីដំណើរទស្សនកិច្ចរបស់សមាជិកសភាអាមេរិកពីរនាក់ទៅកាន់ទីក្រុងតៃប៉ិ ដើម្បីជួបជាមួយប្រធានាធិបតីជាប់ឆ្នោត Lai និងមិត្តរួមតំណែងរបស់គាត់ Hsiao Bi-khim ដែលត្រូវបានរិះគន់ដោយទីក្រុងប៉េកាំងថាជា “អ្នកចង់បង្កើតរដ្ឋឯករាជ្យ”។
លោក Lai ធ្លាប់បាននិយាយក្រៅអំពីបញ្ហានេះថាជាបន្ទាត់ក្រហមសម្រាប់ប្រទេសចិន ដែលហៅខ្លួនគាត់ថាជា “អ្នកបង្កើតឯករាជ្យរបស់តៃវ៉ាន់” ។
ប៉ុន្តែលោកបានសម្របសម្រួលគោលជំហររបស់លោកថែមទាំងបានប្តេជ្ញាថានឹងដើរតាមមាគ៌ារបស់ប្រធានាធិបតី Tsai Ing-wen ក្នុងការរក្សាស្ថានភាពឲ្យនៅដដែលហើយបន្តពង្រឹងសមត្ថភាពការពាររបស់ខ្លួន។
ក្នុងពេលពីរថ្ងៃបន្ទាប់ពីការបោះឆ្នោត ប្រទេសប៉ាស៊ីហ្វិក Nauru បានប្រកាសថាខ្លួនកំពុងប្តូរទំនាក់ទំនងការទូតរបស់ខ្លួនពីទីក្រុងតៃប៉ិទៅកាន់ក្រុងប៉េកាំងវិញ ដោយកាត់បន្ថយបញ្ជីសម្ព័ន្ធមិត្តខ្លីៗរបស់តៃវ៉ាន់មកត្រឹមដប់ពីរមុខតែប៉ុណ្ណោះ។
ឥស្សរជនម្នាក់ក្នុងចំណោមពួកគេគឺលោក Tuvalu ឥឡូវនេះកំពុងត្រូវបានតាមឃ្លាំមើលយ៉ាងដិតដល់ ខណៈដែលនាយករដ្ឋមន្ត្រីដែលគាំទ្រតៃវ៉ាន់ទើបតែបាត់បង់កៅអីសភានោះ នេះបើយោងតាមលទ្ធផលបោះឆ្នោតដែលចេញផ្សាយនៅថ្ងៃសៅរ៍៕
ប្រភព៖ AFP/gs