ប្រែសម្រួល៖ ស-សម្បត្តិ

សេអ៊ូល៖ អ្នកការទូតកំពូលរបស់កូរ៉េខាងជើង បាននិយាយថា ប្រទេសរបស់លោកស្រី «ត្រៀមខ្លួនជាស្រេច ដើម្បីស្វាគមន៍» ប្រធានាធិបតីរុស្ស៊ី លោក វ្ល៉ាឌីមៀ ពូទីន តាមប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃអាទិត្យ ទី២១ មករា ក្នុងសញ្ញាចុងក្រោយបំផុត នៃទំនាក់ទំនងកាន់តែស៊ីជម្រៅ រវាងរដ្ឋផ្តាច់ការទាំងពីរ។

សម្ព័ន្ធមិត្តប្រពៃណីរុស្ស៊ី និងកូរ៉េខាងជើងនាពេលថ្មីៗនេះ បានបង្កើនទំនាក់ទំនង ដោយមេដឹកនាំក្រុងព្យុងយ៉ាង លោក គីម ជុងអ៊ុន បានធ្វើដំណើរទៅក្រៅប្រទេសដ៏កម្រមួយ ដើម្បីជួបជាមួយលោក ពូទីន នៅតំបន់ចុងបូព៌ារបស់រុស្ស៊ី កាលពីខែកញ្ញាឆ្នាំមុន។

លោកខាងលិចបានចោទប្រកាន់ទីក្រុងមូស្គូ និងក្រុងព្យុងយ៉ាងថាបានធ្វើការរួមគ្នាដើម្បីគាំទ្រការលុកលុយរបស់រុស្ស៊ីលើអ៊ុយក្រែន ដោយប្រទេសកូរ៉េខាងជើងត្រូវបានគេជឿថាបានបញ្ជូនកាំភ្លើងធំ និងអាវុធរាប់រយរាប់ពាន់គ្រាប់ទៅឱ្យសម្ព័ន្ធមិត្តរបស់ខ្លួន។

រដ្ឋមន្ត្រីការបរទេសកូរ៉េខាងជើង លោក Choe Son Hui នៅទីក្រុងមូស្គូ កាលពីសប្តាហ៍មុន ដើម្បីជួបជាមួយលោក ពូទីន និងសមភាគីរុស្ស៊ី លោក Sergei Lavrov។

លោក Choe បានប្រាប់លោក Putin ថា រដ្ឋាភិបាលកូរ៉េខាង ជើងស្វាគមន៍យ៉ាងកក់ក្តៅចំពោះលោកប្រធានាធិបតី ពូទីន មកកាន់ទីក្រុងព្យុងយ៉ាង ហើយត្រៀមខ្លួនជាស្រេចដើម្បីស្វាគមន៍មិត្តជិតស្និទ្ធបំផុតរបស់ប្រជាជនកូរ៉េដោយស្មោះស្ម័គ្របំផុត។ .

សេចក្តីថ្លែងការណ៍បាននិយាយថា លោកពូទីនបានសម្តែងនូវ “ឆន្ទៈរបស់គាត់ក្នុងដំណើរទស្សនកិច្ចទៅកាន់កូរ៉េខាងជើងនៅដើមដំបូង” សេចក្តីថ្លែងការណ៍បាននិយាយថា ដោយសំដៅទៅលើឈ្មោះផ្លូវការរបស់កូរ៉េខាងជើងគឺ សាធារណរដ្ឋប្រជាធិបតេយ្យប្រជាមានិតកូរ៉េ។

សេចក្តីថ្លែងការណ៍បានបន្ថែមថា រុស្ស៊ីបានសម្តែង “ការអរគុណយ៉ាងជ្រាលជ្រៅ … សម្រាប់ការគាំទ្រពេញលេញ និងសាមគ្គីភាពចំពោះជំហររបស់រដ្ឋាភិបាល និងប្រជាជនរុស្ស៊ី លើប្រតិបត្តិការយោធាពិសេសនៅអ៊ុយក្រែន”កន្លងមក៕

ប្រភព៖ AFP/zl