ប្រែសម្រួល៖សហការី
តូក្យូ៖ នៅថ្ងៃពុធ ទី១៧ មករា ក្រុមហ៊ុនអាកាសចរណ៍ជប៉ុន ANA បាននិយាយថា យន្តហោះរបស់ខ្លួនដែលកំពុងធ្វើដំណើរទៅកាន់អាមេរិកត្រូវត្រឡប់ទៅកាន់ទីក្រុងតូក្យូវិញ បន្ទាប់ពីអ្នកដំណើរស្រវឹងស្រាម្នាក់បានខាំអ្នកបម្រើក្នុងកាប៊ីនយន្តហោះ។
អ្នកនាំពាក្យរបស់ All Nippon Airways បានប្រាប់ AFP ថាអ្នកដំណើរម្នាក់ដែលត្រូវបានគេរាយការណ៍ថាជាបុរសមានអាយុ ៥៥ ឆ្នាំដែលគេជឿថាជាជនជាតិអាមេរិកបានខាំដៃអ្នកបម្រើកាប៊ីនម្នាក់ ខណៈពេលដែលគាត់ស្រវឹងខ្លាំងធ្វើឲ្យនាងរងរបួស ។
ក្រុមហ៊ុនអាកាសចរណ៍ជប៉ុន ANA បានឲ្យដឹងថាដោយសារតែឧបទ្ទវហេតុនេះបានបង្ខំឲ្យអ្នកបើកយន្តហោះដែលមានអ្នកដំណើរ ១៥៩ នាក់នៅលើនោះសម្រេចចិត្តវិលត្រឡប់មកកាន់អាកាសយានដ្ឋាន Haneda វិញហើយបុរសនោះត្រូវបានប៉ូលិសឃាត់ខ្លួន។
ទូរទស្សន៍ជប៉ុន TBS បានដកស្រង់សម្តីអ្នកដំណើរម្នាក់ដែលបានប្រាប់អ្នកស៊ើបអង្កេតថាគាត់ “មិនយល់ទាល់តែសោះ” ចំពោះអាកប្បកិរិយារបស់បុរសជនជាតិអាមេរិកម្នាក់នោះ។
ចំណែកអ្នកផ្សេងទៀតបានសម្តែងការសោកស្ដាយចំពោះបញ្ហាដែលកើតឡើងដ៏ច្រើនសន្ធឹកសន្ធាប់មកទល់ពេលនេះសម្រាប់អាកាសចរណ៍ជប៉ុនដែលមកទល់នឹងពេលនេះមានឧប្បត្តិហេតុកើតឡើងចំនួនបួនផ្សេងទៀតត្រឹមតែរយៈពេលជាងពីរសប្តាហ៍ប៉ុណ្ណោះ។
គ្រោះថ្នាក់ដ៏ធំបំផុតនោះគឺយន្តហោះបុកគ្នាកាលពីថ្ងៃទី ២ ខែមករារវាងយន្តហោះ Japan Airlines និងយន្តហោះឆ្មាំឆ្នេរសមុទ្របង្កើតនូវមហន្តរាយក្នុងព្រលានយន្តហោះ Haneda ។
ដែលក្នុងនោះមានអ្នកដំណើរ ៣៧៩ នាក់នៅលើយន្តហោះ JAL Airbus ចេញផុតនៅមុនពេលដែលយន្តហោះផ្ទុះឡើង។
តែជាអកុសលឆ្មាំឆ្នេរសមុទ្រប្រាំនាក់ក្នុងចំណោមប្រាំមួយនាក់នៅលើយន្តហោះធុនតូចដែលប្រើប្រាស់សម្រាប់ជួយសង្គ្រោះក្នុងគ្រោះការរញ្ជួយដីនៅកណ្តាលប្រទេសជប៉ុនត្រូវបានស្លាប់។
បន្ទាប់មកនៅថ្ងៃអង្គារនេះ ចុងស្លាបយន្តហោះរបស់ក្រុមហ៊ុនអាកាសចរណ៍ Korean Air បានបុកជាមួយនឹងយន្តហោះ Cathay Pacific ខណៈពេលកំពុងរៀបហោះហើរនៅឯអាកាសយានដ្ឋាននៃភាគខាងជើងកោះហុកកៃដូរបស់ប្រទេសជប៉ុន។
ក្រុមហ៊ុនអាកាសចរណ៍ Korean Air បានបញ្ជាក់ថា ឧបទ្ទវហេតុនេះមិនបណ្តាលឲ្យមានអ្នករងរបួសនោះទេគឺវាបានកើតឡើង “ដោយសារតែមានព្រិលធ្លាក់ខ្លាំងធ្វើឲ្យវារអិលទៅប៉ះចុងស្លាបគ្នាបន្តិច” ។
ក្រុមហ៊ុនអាកាសចរណ៍ជប៉ុនបានប្រាប់ AFPថាមានឧបទ្ទវហេតុកើតឡើងស្រដៀងគ្នានេះផងដែរកាលពីថ្ងៃអាទិត្យយន្តហោះ ANA មួយបាន “ប៉ះគ្នា” ជាមួយយន្តហោះ Delta Air Lines នៅអាកាសយាន
ដ្ឋានទីក្រុង Chicago តែមិនបណ្តាលឲ្យមានអ្នករងរបួសនោះទេ ។
ជើងហោះហើរ ANA មួយផ្សេងទៀតត្រូវបានគេរាយការណ៍ថាត្រូវត្រឡប់មកវិញកាលពីថ្ងៃសៅរ៍បន្ទាប់ពីបន្ទះគម្របទ្វារកាប៊ីនយន្ដហោះBoeing 737-800បានជ្រុះបាត់។
អ្នកជំនាញអាកាសចរណ៍នៅសាកលវិទ្យាល័យ Central Queensland លោក Doug Drury បានប្រាប់ AFP ថាឧប្បត្តិហេតុទាំងនេះ “កើតឡើងលើយន្តហោះ” ដោយសារតែអាកាសយានដ្ឋានដែលមានយន្តហោះច្រើនមួយនេះកំពុងស្ថិតនៅក្នុងដំណើរការសាងសង់។
លោកបានបន្ថែមថាឧបទ្ទវហេតុរបើកបន្ឋះគម្របទ្វារកាប៊ីនយន្ដហោះជ្រុះបាត់អាចបណ្តាលមកពីប្រព័ន្ធកម្តៅទ្វារយន្តហោះមានបញ្ហាដោយសារសម្ពាធសីតុណ្ហភាពមានកម្រិតខ្លាំងនៅក្នុងរយៈកម្ពស់ខ្ពស់។
“នេះមិនមែនជារឿងចម្លែកនោះទេគឺវាបានកើតឡើងចំពោះខ្ញុំនៅក្នុងអំឡុងពេលដែលខ្ញុំស្ថិតនៅក្នុងអាជីពជាអ្នកបើកយន្តហោះ “។
ប្រភព៖ AFP/lk