ប្រែសម្រួល៖ រតនា
![](https://cambodiaflashnews.com/wp-content/uploads/2021/06/top-banner.gif)
ក្រុងតូក្យូ៖នៅថ្ងៃពុធក្រុមហ៊ុនអាកាសចរណ៍ជប៉ុនបានប្រកាសថា នាយកគ្រប់គ្រងជាន់ខ្ពស់របស់ក្រុមហ៊ុនអាកាសចរណ៍ជប៉ុន លោកស្រី Mitsuko Tottori នឹងក្លាយជាប្រធានក្រុមហ៊ុនអាកាសចរណ៍ជប៉ុនចាប៉ពីថ្ងៃទី ១ ខែមេសា។
លោកស្រី Tottori ដែលបានចូលបំរើការក្នុងក្រុមហ៊ុនតាំងពីឆ្នាំ ១៩៨៥ ជាអ្នកបម្រើកាប៊ីន និងបានក្លាយជាស្ត្រីទី ២ ក្នុងនាមជានាយកគ្រប់គ្រងរបស់ក្រុមហ៊ុនអាកាសចរណ៍នេះ នឹងក្លាយជាប្រធានស្ត្រីដំបូងបង្អស់របស់ខ្លួន។
ការរុះរើតំណែងនេះកើតឡើងនៅពេលដែលក្រុមហ៊ុនអាកាសចរណ៍ជប៉ុនកំពុងខិតខំជំរុញឲ្យមានការងើបឡើងវិញក្រោយពីការធ្លាក់ចុះនៅសម័យជំងឺរាតត្បាតកូវីដ-19 ដែលអ្នកទេសចរកំពុងតែសម្រុកត្រឡប់មកកាន់ប្រទេសជប៉ុនវិញ។
ក្រុមហ៊ុនអាកាសចរណ៍ Japan Airlines បានប្រកាសនៅក្នុងសេចក្តីថ្លែងការណ៍ថា ប្រធានក្រុមហ៊ុនបច្ចុប្បន្នគឺលោក Yuji Akasaka នឹងក្លាយជាប្រធានគណៈកម្មាធិការនាយក ខណៈដែលលោកនៅបន្តកាន់តំណែងជាតំណាងអគ្គនាយកក្រុមហ៊ុនអាកាសចរណ៍។
ក្រុម JAL បានកំណត់គោលដៅសមាសភាពស្ត្រីចំនួន ៣០ ភាគរយក្នុងចំណោមអ្នកគ្រប់គ្រងរបស់ខ្លួននៅចុងឆ្នាំសារពើពន្ធរហូតដល់ខែមីនាឆ្នាំ ២០២៦ ៕
ប្រភព៖ Reuters