ប្រែសម្រួល៖សហការី
REYKJAVIK: នៅព្រឹកថ្ងៃអាទិត្យ ១៤ មករានេះភ្នំភ្លើងមួយបានផ្ទុះឡើងនៅភាគខាងជើងនៃភូមិអ្នកនេសាទក្នុងប្រទេសអ៊ីស្លង់ Grindavik នៅប៉ុន្មានម៉ោងក្រោយមកអ្នកស្រុកក៏ត្រូវបានជម្លៀសចេញពីភូមិរបស់ពួកគេ។
នេះគឺជាការផ្ទុះភ្នំភ្លើងលើកទីប្រាំនៅក្នុងប្រទេសអ៊ីស្លង់ក្នុងរយៈពេលជិតបីឆ្នាំកន្លងមកនេះ។ ហើយនៅក្នុងពេលថ្មីៗនេះភ្នំភ្លើងក៏បានផ្ទុះឡើងកាលពីថ្ងៃទី១៨ ខែធ្នូ នៅក្នុងតំបន់ដដែលនៅភាគនិរតីនៃរដ្ឋធានី Reykjavik។
ការិយាល័យឧតុនិយមអ៊ីស្លង់ (IMO) បាននិយាយថា ការផ្ទុះភ្នំភ្លើងបានចាប់ផ្តើមនៅតាំងពីម៉ោង ៨ ព្រឹក ។
ការផ្ទុះភ្នំភ្លើងនេះមិនធ្វើឲ្យប៉ះពាល់ដល់ការហោះហើររបស់ក្រុមហ៊ុនអាកាសចរណ៍នោះទេ។
រូបភាពផ្សាយដោយប្រព័ន្ធផ្សព្វផ្សាយអ៊ីស្លង់ បានបង្ហាញពីកម្អែលភ្នំភ្លើងពណ៌ទឹកក្រូចជះពន្លឺដូចថ្ងៃរះ។
ការិយាល័យ Met បានឲ្យដឹងថា “ឥទ្ធិពលភ្នំភ្លើងបានធ្វើឲ្យប្រេះទំនប់ដែលទើបនឹងចាប់ផ្តើមសាងសង់នៅភាគខាងជើងនៃតំបន់ Grindavik” ។
ពួកគេបាននិយាយថា “តាមការវាស់វែងពីឧទ្ធម្ភាគចក្រឆ្មាំឆ្នេរសមុទ្រអ៊ីស្លង់ បរិវេណ ភ្នំភ្លើងមានទំហំ ៤៥០ ម៉ែត្រនៃភាគខាងជើងទីក្រុង” ។
បន្ទាប់ពីការផ្ទុះភ្នំភ្លើងក៏មានគ្រោះរញ្ជួយដីកើតឡើងកាន់តែខ្លាំងអស់ពេញមួយយប់ ហើយអ្នកស្រុកដែលនៅសេសសល់តិចតួចក្នុងទីក្រុងត្រូវបានជម្លៀសចេញនៅវេលាម៉ោងប្រហែល ៣ ទៀបភ្លឺ ទូរទស្សន៍សាធារណៈ RUV បានរាយការណ៍អំពីហេតុការណ៏នេះ។
អ្នកស្រុកជាង ៤,០០០ នៃតំបន់ Grindavik ត្រូវបានជម្លៀសចេញដោយប្រុងប្រយ័ត្នកាលពីថ្ងៃទី ១១ ខែវិច្ឆិកា។
ការរញ្ជួយដីជាបន្តបន្ទាប់ ដែលជួនកាលរាប់រយដងនៅក្នុងមួយថ្ងៃបានបង្កើតឲ្យមានស្នាមប្រេះធំនៅតាមដងផ្លូវ ផ្ទះ និងអគារនាៗ។
ភ្លាមៗបន្ទាប់ពីការផ្ទុះភ្នំភ្លើងក៏នៅថ្ងៃទី ១៨ ខែធ្នូ អ្នកស្រុកត្រូវបានអនុញ្ញាតឲ្យត្រឡប់ទៅវិញក្នុងរយៈពេលដ៏ខ្លី។
ពួកគេត្រូវបានអនុញ្ញាតឲ្យត្រឡប់ទៅផ្ទះរបស់ពួកគេវិញនៅថ្ងៃទី ២៣ ខែធ្នូ ប៉ុន្តែនៅមានមនុស្សតែពីរបីនាក់ប៉ុណ្ណោះដែលបានតឡប់ទៅផ្ទះរបស់ពួកគេវិញ។
- ថាមពលភូគព្ភសាស្ត្រ
កាលពីល្ងាចថ្ងៃសៅរ៍ ការជម្លៀសពលរដ្ឋចេញជាបន្ទាន់ត្រូវបានបញ្ចប់នៅថ្ងៃចន្ទនេះ ដោយសារតែសកម្មភាពរញ្ជួយដីកើនឡើង និងផលប៉ះពាល់របស់វាបណ្តាលឲ្យមានស្នាមប្រេះធំលើស្នាមដែលមានស្រាប់នៅក្នុងទីក្រុង។
កាលពីថ្ងៃពុធ កម្មករជនជាតិអ៊ីស្លង់អាយុ ៥១ ឆ្នាំម្នាក់ដែលកំពុងជួសជុលស្នាមប្រេះនៅក្នុងសួនច្បារលំនៅឋានមួយបានបាត់ខ្លួននៅពេលដែលដីបាក់លើខ្លួនគាត់។
គាត់បានស្រុតចូលក្នុងដីមានជម្រៅជាង ៣០ ម៉ែត្រ។
មានការស្វែងរកគាត់យ៉ាងយកចិត្តទុកដាក់បំផុតកាលពីថ្ងៃសុក្រ ដោយសារតែតំបន់នេះធ្លាប់រងគ្រោះថ្នាក់ច្រើនពេក។
អាជ្ញាធរបានពន្លឿនការជម្លៀសពលរដ្ឋចេញអស់ពេញមួយយប់នៅពេលមានបគ្រោះរញ្ជួយដីកើតឡើងកាន់តែខ្លាំង។
លោក Kristin Jonsdottir អ្នកជំនាញភ្នំភ្លើង IMO បានប្រាប់ RUV ថា “អ្វីដែលសំខាន់គឺកន្លែងដែលកម្អែភ្នំភ្លើងហូរចេញ។ ឥឡូវនេះវាមានសារៈសំខាន់ខ្លាំងណាស់ក្នុងការត្រួតពិនិត្យវា” ។
ក្រុមមន្ត្រីកំពុងតាមដានយ៉ាងដិតដល់នូវរោងចក្រអគ្គិសនី Svartsengi នៅក្នុងតំបន់នេះ ដែលផ្តល់អគ្គិសនី និងទឹកដល់ប្រជាជន ៣០,០០០ នាក់នៅក្នុងឧបទ្វីប Reykjanes ។
កម្មករបាននិងកំពុងសាងសង់របាំងជញ្ជាំងដើម្បីការពារកន្លែងនេះតាំងពីខែវិច្ឆិកា។
តាំងពីខែមីនាឆ្នាំ ២០២១ ឧបទ្វីប Reykjanes មិនមានការផ្ទុះភ្នំភ្លើងអស់រយៈពេលប្រាំបីសតវត្សមកហើយ។
ការផ្ទុះភ្នំភ្លើងក្នុងពេលថ្មីៗនេះបានកើតឡើងនៅក្នុងខែសីហា ឆ្នាំ ២០២២ នៅខែកក្កដា និងនៅខែធ្នូ ឆ្នាំ ២០២៣ នាំឲ្យអ្នកតាមដានសកម្មភាពភ្នំភ្លើងបាននិយាយថាប្រហែលជាមានការចាប់ផ្តើមនៃយុគសម័យថ្មីសម្រាប់សកម្មភាពនៅក្នុងតំបន់។
បួនថ្ងៃបន្ទាប់ពីការផ្ទុះភ្នំភ្លើងនៅថ្ងៃទី ១៨ ខែធ្នូ អាជ្ញាធរបាននិយាយថា សកម្មភាពភ្នំភ្លើងបានឈប់ ប៉ុន្តែពួកគេមិនអាចប្រកាសពីការផ្ទុះនេះបានទេ ដោយសារតែនៅតែមានលំហូរកម្អែភ្នំភ្លើងក្រោមដី។
អ៊ីស្លង់គឺជាប្រភពនៃប្រព័ន្ធភ្នំភ្លើងដ៏សកម្មចំនួន ៣៣ លើកគឺជាចំនួនដ៏ខ្ពស់បំផុតក្នុងចំណោមប្រទេសស្ថិតនៅក្នុងតំបន់អឺរ៉ុប។
គឺស្ថិតនៅលើមហាសមុទ្រអាត្លង់ទិកខាងជើង លាតសន្ធឹងលើ Mid-Atlantic Ridge បង្កឲ្យមានស្នាមប្រេះនៅបាតសមុទ្រដែលបានបំបែកបន្ទះផែនដីអឺរ៉ាស៊ីនៅអាមេរិកខាងជើង។
ប្រភព៖ AFP/kg