ប្រែសម្រួល៖ ស.សម្បត្តិ
![](https://cambodiaflashnews.com/wp-content/uploads/2021/06/top-banner.gif)
វ៉ាស៊ីនតោន៖ យោធាអាមេរិកបាននិយាយកាលពីល្ងាចថ្ងៃសុក្រ ទី១២ មករា ថា ខ្លួនបាន វាយប្រហារមួយទៀតលើក្រុមឧទ្ទាម Houthi របស់យេម៉ែន។ លើកនេះគឺលើទីតាំងរ៉ាដា បន្ទាប់ពីពួកសកម្មប្រយុទ្ធគាំទ្រដោយអ៊ីរ៉ង់បានព្រមានពីការវាយប្រហារបន្ថែមទៀតលើនាវានៅសមុទ្រក្រហម។
សកម្មភាពវាយប្រហារចុងក្រោយនេះ គឺបានកើតឡើងមួយថ្ងៃបន្ទាប់ពីការវាយប្រហាររបស់អាមេរិក និងអង់គ្លេសរាប់សិបនាក់ទៅលើកន្លែងមួយរបស់ក្រុម Houthi ដែលគាំទ្រដោយអ៊ីរ៉ង់។
សេចក្តីថ្លែងការណ៍មួយពីទីបញ្ជាការកណ្តាលអាមេរិកបាននិយាយថា “កងកម្លាំងសហរដ្ឋអាមេរិកបានវាយប្រហារប្រឆាំងនឹងទីតាំងរ៉ាដារបស់ Huthi ក្នុងប្រទេសយេម៉ែន” នៅម៉ោងប្រហែល 3.45 នាទីព្រឹកម៉ោងក្នុងស្រុកកាលពីថ្ងៃសៅរ៍។
សេចក្តីថ្លែងការណ៍បាននិយាយថា ការវាយប្រហារនេះគឺជា “សកម្មភាពបន្តលើគោលដៅយោធាជាក់លាក់មួយ” ដែលទាក់ទងទៅនឹងការវាយប្រហារកាលពីថ្ងៃមុន។
ប៉ុស្តិ៍ទូរទស្សន៍ Al-Masirah របស់ចលនា Houthi បានរាយការណ៍ថា សហរដ្ឋអាមេរិក និងអង់គ្លេសកំពុងកំណត់គោលដៅលើរដ្ឋធានី Sanaa របស់យេម៉ែនជាមួយនឹងការវាយឆ្មក់។
ក្រុមឧទ្ទាមដែលគាំទ្រដោយអ៊ីរ៉ង់បាននិយាយនៅលើប្រព័ន្ធផ្សព្វផ្សាយផ្លូវការរបស់ពួកគេ។
ទូរទស្សន៍ Al-Masirah TV បានបង្ហោះនៅលើបណ្តាញ X ដែលជាអតីត Twitter ដោយដកស្រង់សម្តីអ្នកឆ្លើយឆ្លងព័ត៌មានរបស់ខ្លួននៅទីក្រុង Sanaa ថា “សត្រូវអាមេរិក-អង់គ្លេស កំពុងកំណត់គោលដៅលើរដ្ឋធានី Sanaa ជាមួយនឹងការវាយឆ្មក់ជាច្រើន” ៕
ប្រភព៖ Agencies/rj