ដោយ : បន្ទាយ
![](https://cambodiaflashnews.com/wp-content/uploads/2021/06/top-banner.gif)
បន្ទាយមានជ័យ៖ នៅថ្ងៃសៅរ៍ ទី១៣ ខែមករា ឆ្នាំ២០២៤ ជាថ្ងៃឈប់សម្រាកលោក បោន ប៊ិន សមាជិកអចិន្ត្រៃយ៍គណ:កម្មាធិការគណបក្សប្រជាជនកម្ពុជាខេត្តបន្ទាយមានជ័យ -អតីតប្រធានក្រុមការងារចុះមូលដ្ឋានស្រុកភ្នំស្រុក បានចុះជួបសំណេះសំណាលជាមួយសមាជិក-សមាជិកា គណបក្សប្រជាជនកម្ពុជាស្រុកភ្នំស្រុកនិងឃុំទាំង៦ សរុបចំនួន១៤០នាក់។
ពិធីនេះប្រារព្ធធ្វើឡើងនៅសាលប្រជុំគណបក្សប្រជាជនកម្ពុជា ស្រុកភ្នំស្រុក ដោយមានការអញ្ជើញចូលរួមពីសំណាក់លោក ឃ្លោក នួយ លោក ជឹម ប៊ុនអាន អនុប្រធានក្រុមការងារចុះជួយស្រុក លោក ជូ បុត្រ ប្រធានគណៈកម្មាធិការគណបក្សស្រុកភ្នំស្រុក ។
ក្នុងឱកាសនោះលោក បោន ប៊ិន ក៏បានពាំនាំប្រសាសន៍ផ្តាំផ្ញើសួរសុខទុក្ខរបស់សម្ដេចតេជោ ហ៊ុន សែន ប្រធានគណបក្ស សម្តេចមហាបវរធិបតី ហ៊ុន ម៉ាណែត អនុប្រធាននិងថ្នាក់ដឹកនាំកំពូលរបស់គណបក្សប្រជាជនកម្ពុជា ។
ជាពិសេសលោកនាយឧត្តមសេនីយ៍ កែ គឹមយ៉ាន សមាជិកគណៈអចិន្ត្រៃយ៍ គណៈកម្មាធិការកណ្តាល -ប្រធានក្រុមការងារគណបក្សចុះមូលដ្ឋានខេត្ត បន្ទាយមានជ័យ លោកឌិត ទីណា អនុប្រធានទី១ ក្រុមការងារគណបក្សចុះមូលដ្ឋានខេត្តបន្ទាយមានជ័យ ជូនចំពោះសមាជិក-សមាជិការគណបក្សដោយក្តីនឹករលឹកផងដែរ។
ជាមួយគ្នានោះលោក ក៏បានថ្លែងអំណរគុណដល់សមាជិក-សមាជិកានៃគណបក្សប្រជាជនកម្ពុជាស្រុកភ្នំស្រុក ដែលកន្លងមកបានខិតខំយ៉ាងសកម្មដើម្បីប្រជាជន និ ងគាំទ្រ បោះឆ្នោតជូនគណបក្សប្រជាជនកម្ពុជាទទួលបានជោគជ័យយ៉ាងធំធេង។
លោកបន្តថា បើទោះបីលោកត្រូវបានផ្លាស់ប្តូរទៅជាប្រធានក្រុមការងារចុះមូលដ្ឋានសង្កាត់អូរជ្រៅ ក្រុងប៉ោយប៉ែតក៏ដោយ ក្នុងនាមគណបក្សប្រជាជនកម្ពុជា នៅតែរួមសុខ រួមទុក្ខជាមួយគ្នាជារៀងរហូត ដោយមិនបោះបង់បងប្អូនប្រជាជនចោលឡើយ គឺយើងបន្តរួមគ្នាជាមួយគណបក្សប្រជាជន ដើម្បីប្រជាជន និងប្រទេសជាតិ បន្តទៀតដោយគ្មានងាករេឡើយ៕