ប្រែសម្រួល៖ ស.សម្បត្តិ
លោក Nguyen Phu Trong ដែលមានអាយុ ៧៩ ឆ្នាំបានកាន់តំណែងជាប្រធានបក្សកុម្មុយនិស្តតាំងពីឆ្នាំ ២០១១ ជាមេដឹកនាំដ៏មានឥទ្ធិពលនៅក្នុងប្រព័ន្ធនយោបាយបក្សកុម្មុយនិស្តរបស់វៀតណាម តែមួយគត់ហើយតែងតែចេញមុខទទួលភ្ញៀវឥស្សរជនបរទេសនៅក្នុងការជួបប្រជុំជាលក្ខណៈផ្លូវរដ្ឋនិងឯកជន។
ក៏ប៉ុន្តែនៅថ្ងៃសុក្រ ទី១២ មករានេះ ប្រមុខបក្សកុម្មុយនិស្តវៀតណាម លោក Nguyen Phu Trong ដែលគេជឿថាគាត់នឹងខកខានក្នុងការទទួលប្រធានាធិបតីឥណ្ឌូនេស៊ី Joko Widodo ក្នុងដំណើរទស្សនកិច្ចផ្លូវរដ្ឋជាលើកទីពីរទៅកាន់ទីក្រុងហាណូយនៅចំពេលដែល លោក Nguyen Phu Trong មានបញ្ហាសុខភាពនៅក្នុងរយៈពេលជាងមួយសប្តាហ៍កន្លងមកនេះ។
ប៉ុន្តែបើយោងតាមរបៀបវារៈព្រាងពីក្រសួងការបរទេសវៀតណាម និងការិយាល័យប្រធានាធិបតីឥណ្ឌូនេស៊ីគឺលោក Nguyen Phu Trong មិនមានគម្រោងជួបលោកប្រធានាធិបតីឥណ្ឌូនេស៊ី Joko Widodo នៅក្នុងអំឡុងពេលបំពេញទស្សនកិច្ចផ្លូវរដ្ឋនៅក្នុងថ្ងៃសុក្រនេះទេ។
រឿងដ៏គួរឲ្យភ្ញាក់ផ្អើលមួយផ្សេងទៀតនោះគឺលោក Trong ក៏មិនមានឈ្មោះក្នុងបញ្ជីរាយនាមមេដឹកនាំវៀតណាមដែលបានចេញមុខមកទទួលលោក Sonexay Siphandone នាយករដ្ឋមន្ត្រីឡាវកាលពីចុងសប្តាហ៍មុនផងដែរ។
លោកមិនត្រូវបានគេឃើញជាសាធារណៈចាប់តាំងពីថ្ងៃទី ២៦ ខែធ្នូ នៅពេលដែលលោកបានជួបជាមួយប្រធានគណបក្សកុម្មុយនិស្តជប៉ុន Kazuo Shii នៅទីក្រុងហាណូយ។
ក្រសួងការបរទេសវៀតណាមមិនបានឆ្លើយតបភ្លាមៗចំពោះសំណើសុំការធ្វើអត្ថាធិប្បាយអំពីសុខភាពរបស់លោក Nguyen Phu Trong Trong ប្រធានបក្សកុម្មុយនិស្តវៀតណាមនោះទេ៕
ប្រភព៖ Reuters/ec