ប្រែសម្រួល៖ស.សម្បត្តិ
កាលពីថ្ងៃព្រហស្បតិ៍ ១១ មករា ឆ្នាំ២០២៤ ព្រះអង្គម្ចាស់ Abdul Mateen របស់ប្រទេសប្រ៊ុយណេបានរៀបអភិសេកជាមួយគូដណ្តឹងដែលជារាស្ត្រមកពីត្រកូលអភិជនម្នាក់។
ពិធីរៀបអាពាហ៍ពិពាហ៍បែបឥស្លាមសម្រាប់ព្រះអង្គម្ចាស់ព្រះជន្ម ៣២ ព្រះវស្សា និងព្រះអង្គម្ចាស់ Yang Mulia Anisha Rosnah ព្រះជន្ម ២៩ ព្រះវស្សា បានប្រារព្ធឡើងនៅខាងក្នុងវិហារអ៊ិស្លាមនៃរដ្ឋធានី Bandar Seri Begawan ការប្រារព្ធពិធីរៀបអភិសេកត្រូវធ្វើឡើងក្នុងរយៈពេល ១០ ថ្ងៃ។
ព្រះអង្គម្ចាស់ Mateen គឺជាកូនទី ១០ របស់ស្តេចស៊ុលតង់ Hassanal Bolkiah ដែលជាស្តេចសោយរាជ្យយូរជាងគេបំផុតនៅលើពិភពលោក និងធ្លាប់ជាមហាសេដ្ឋីផុតលេខដែលត្រូវបានបន្តតាមលំដាបលំដោយនៃរាជវង្ស។
កូនក្រមុំគឺជាចៅស្រីរបស់ទីប្រឹក្សាដ៏សំខាន់របស់បីតាព្រះអង្គដែលជាម្ចាស់អាជីវកម្មទេសចរណ៍មួយ។
ការប្រារព្ធពិធីព្រះអភិសេករបស់ព្រះអង្គបានចាប់ផ្តើមកាលពីថ្ងៃអាទិត្យនៅក្នុងព្រះបរមរាជវាំងដែលមានបន្ទប់ចំនួន ១,៧៨៨ និងប្រកបទៅដោយក្បួនដង្ហែដ៏ឱឡារិក។
បញ្ជីរាយនាមភ្ញៀវត្រូវបានគេរំពឹងថានឹងរួមបញ្ចូលរាជវង្សអន្តរជាតិ និងមេដឹកនាំរបស់បណ្តាប្រទេសមួយចំនួន។
ប្រជាជនប្រ៊ុយណេជាច្រើនគ្រោងនឹងចេញមកស្វាគមន៏តាមដងផ្លូវនៅថ្ងៃអាទិត្យដើម្បីអបអរសាទរគូស្វាមីភរិយាថ្មី។
ភាពអស្ចារ្យនៃការប្រគំតន្ដ្រីបានបង្ហាញពីទ្រព្យសម្បត្តិដ៏កម្ររបស់ប្រទេសដ៏តូចនេះ ដែលបានមកពីទុនបម្រុងប្រេងដ៏ធំសម្បើមរបស់ខ្លួន។
ដីល្បាប់នៅតាមកោះ Borneo ក្នុងតំបន់អាស៊ីអាគ្នេយ៍ ប្រទេសប្រ៊ុយណេត្រូវបានទទួលឥទ្ធិពលពីព្រះពុទ្ធសាសនា និងសាសនាហិណ្ឌូ នៅមុនពេលមេដឹកនាំរបស់ខ្លួនបានប្តូរទៅសាសនាអ៊ិស្លាមនៅសតវត្សទី ១៤។
ប្រ៊ុយណេធ្លាប់នៅក្រោមការគ្រប់គ្រងរបស់អង់គ្លេសក្នុងសតវត្សរ៍ទី ១៩ និងទទួលបានឯករាជ្យនៅឆ្នាំ ១៩៨៤។
ប្រ៊ុយណេគឺជាប្រទេសមួយគ្រប់គ្រងដោយរបបរាជាធិបតេយ្យផ្តាច់ការយោងតាមច្បាប់អ៊ីស្លាមដ៏តឹងរ៉ឹងមានប្រជាជនប្រហែល ៤៥០,០០០ នាក់ ។
ប្រ៊ុយណេគឺជាប្រទេសមួយក្នុងចំណោមប្រទេសដែលមានជាងគេបំផុតនៅលើពិភពលោក។
GDP ប្រចាំឆ្នាំសម្រាប់ប្រជាជនម្នាក់គឺជិត ៣៦,០០០ ដុល្លារអាមេរិក នេះបើយោងតាមមូលនិធិរូបិយវត្ថុអន្តរជាតិ។ ទោះជាយ៉ាងណាក៏ដោយ អ្នកវិភាគបានព្រមានថា ប្រ៊ុយណេប្រឈមនឹងបញ្ហាយ៉ាងធ្ងន់ធ្ងរ ដើម្បីធ្វើពិពិធកម្មសេដ្ឋកិច្ចរបស់ខ្លួនប្រសិនបើមិនមានប្រេង ដោយសារតម្លៃប្រេងឆៅនៅតែប្រែប្រួល ហើយទុនបម្រុងរបស់ប្រទេសនេះបានធ្លាក់ចុះ។
ខណៈពេលដែលស្តេចស៊ុលតង់បានបាត់បង់តំណែងជាមហាសេដ្ឋីដែលមានជាងគេបំផុតលើពិភពលោកអស់រយៈពេលជាយូរមកហើយភាពល្បីល្បាញអំពីទ្រព្យសម្បត្តិរបស់គាត់ប្រៀបដូចរឿងនិទានតែប៉ុណ្ណោះនៅក្នុងពេលបច្ចុប្បន្ននេះ។
គាត់មានរថយន្តប្រណិតៗជាច្រើនចំណែកលំនៅឋានផ្លូវការរបស់គាត់នៅតាមមាត់ទន្លេគឺជាវិមានដ៏ធំបំផុតមួយក្នុងពិភពលោក។
“រាជវង្សក្តៅ”
ខណៈដែលរូបរាងព្រះអង្គម្ចាស់ Mateen ដូចជាតារាសម្តែងនោះធ្វើឲ្យមានការតាមដានយ៉ាងច្រើនពី មហាជននៅលើប្រព័ន្ធផ្សព្វផ្សាយសង្គមក្នុងឋានៈដែលព្រះអង្គម្ចាស់ជារាជវង្ស។
ព្រះអង្គម្ចាស់ក៏ជាអ្នកបើកបរឧទ្ធម្ភាគចក្រនៅក្នុងកងទ័ពអាកាសរបស់ប្រ៊ុយណេ ព្រះអង្គម្ចាស់ ត្រូវបានគេប្រៀបធៀបទៅនឹងព្រះអង្គម្ចាស់ Harry របស់ចក្រភពអង់គ្លេស ហើយពីមុនត្រូវបានគេដាក់ឈ្មោះថា “រាជវង្សក្តៅ” ។
ព្រះអង្គម្ចាស់ Mateen បានបញ្ចប់ការសិក្សាជាសិស្សនាយទាហាននៅ Royal Military Academy Sandhurst របស់ចក្រភពអង់គ្លេស ហើយបានធ្វើជាតំណាងប្រទេសនៅក្នុងកីឡាប៉ូឡូក្នុងព្រឹត្តិការណ៍កីឡាអាស៊ីអាគ្នេយ៍ឆ្នាំ ២០១៩ ។នៅក្នុងប៉ុន្មានឆ្នាំចុងក្រោយនេះ ព្រះអង្គម្ចាស់បានដើរតួកាន់តែខ្លាំងនៅក្នុងកិច្ចការអន្តរជាតិ។
ព្រះអង្គម្ចាស់បានអមដំណើរព្រះបិតារបស់ព្រះអង្គទៅចូលរួមក្នុងពិធីឡើងគ្រងរាជ្យរបស់ស្តេច Charles និងម្ចាស់ក្សត្រី Camilla កាលពីខែឧសភាឆ្នាំមុន និងពិធីបុណ្យសពរបស់ម្ចាស់ក្សត្រី Elizabeth នៅឆ្នាំ ២០២២៕
ប្រភព៖ AFP/lk