ប្រែសម្រួល៖ សហការី
![](https://cambodiaflashnews.com/wp-content/uploads/2021/06/top-banner.gif)
តូក្យូ៖ នៅថ្ងៃចន្ទ ទី៨ មករានេះនៅអាកាសយានដ្ឋាន Haneda នៃទីក្រុងតូក្យូត្រូវបានបើកឲ្យដំណើរការជើងហោះហើរឡើងវិញតាមធម្មតាបន្ទាប់ពីប្រាំមួយថ្ងៃក្រោយនៃការប៉ះទង្គិចគ្នាដ៏មហន្តរាយរវាងក្រុមហ៊ុនអាកាសចរណ៍ស៊ីវិល Japan Airlines និងយន្តហោះឆ្មាំសមុទ្រធុនតូចដោយបានសម្លាប់មនុស្សអស់ចំនួននួន ៥ នាក់កន្លងមក។
អ្នកដំណើរ និងនាវិកទាំងអស់ចំនួន ៣៧៩នាក់នៅលើយន្តហោះស៊ីវិល Japan Airlines ត្រូវបានជម្លៀសចេញពីយន្តហោះដែលកំពុងតែឆេះកាលពីថ្ងៃទី ២ ខែមករាប្រកបដោយសុវត្ថិភាព ក៏ប៉ុន្តែជាអកុសលមនុស្ស ៥ នាក់ក្នុងចំណោម ៦ នាក់ដែលនៅលើយន្តហោះឆ្មាំឆ្នេរសមុទ្រត្រូវបានស្លាប់។
ផ្លូវរត់នៅព្រលាន Haneda ដែលជាផ្លូវមួយក្នុងចំណោមផ្លូវរត់ទាំងបួនគឺជាកន្លែងដែលយន្តហោះបានបុកគ្នាត្រូវបានបិទចាប់តាំងពីពេលនោះមកព្រមទាំងមានការលុបចោលជើងហោះហើរក្នុងស្រុករាប់រយ។
អ្នកនាំពាក្យអាកាសយានដ្ឋានតូក្យូបានប្រាប់ AFP ថា “Runway C ផ្លូវរត់ត្រង់ចំណុច សេ ត្រូវបានបើកឲ្យដំណើរការឡើងវិញនៅថ្ងៃចន្ទនេះ” អាកាសយានដ្ឋានបានដំណើរការតាមធម្មតាវិញហើយ។
កម្មករបានយកកំទេចសាកសពយន្តហោះដែលឆេះទាំងពីរចេញពីព្រលានចំណែកក្រុមស៊ើបអង្កេតរបស់ប្រទេសជប៉ុនរួមជាមួយសមភាគីមកពីប្រទេសបារាំង អង់គ្លេស និងកាណាដា កំពុងធ្វើការស៊ើបអង្កេតលើគ្រោះថ្នាក់នេះជាបន្តទៅទៀត។
យោងតាមការចេញផ្សាយរបស់ក្រសួងដឹកជញ្ជូនកាលពីសប្តាហ៍មុនបានបង្ហាញថាយន្តហោះឆ្មាំឆ្នេរសមុទ្រត្រូវបានណែនាំឲ្យឈប់រង់ចាំនៅមុនពេលផ្លូវរត់ត្រូវបានសម្អាតរួចរាល់សម្រាប់ការចុះចតរបស់យន្តហោះ JAL ។
ប៉ុន្តែអ្នកបើកយន្តហោះឆ្មាំឆ្នេរសមុទ្រ ដែលជាអ្នកនៅរស់រានមានជីវិតតែម្នាក់គត់គិតថាផ្លូវរត់ត្រូវបានសម្អាតរួចរាល់សម្រាប់គាត់ដើម្បីផ្លាស់ទីទៅលើផ្លូវរត់ ដែលយន្តហោះរបស់គាត់បានឈប់រង់ចាំប្រហែល ៤០ វិនាទីមុនពេលបុកគ្នា នេះបើយោងតាមរបាយការណ៍របស់ប្រព័ន្ធផ្សព្វផ្សាយ៕
ប្រភព៖ AFP/rl