ប្រែសម្រួល៖ ស្រីស្រស់
កាលពីថ្ងៃអាទិត្យ ទី៧ មករា បុរសចំណាស់ម្នាក់ត្រូវបានតុលាការចោទប្រកាន់ ពីបទមនុស្សឃាតគិតទុកជាមុនលើស្រ្តីម្នាក់រស់នៅក្នុងតំបន់ Bukit Batok ។
លោក Quek Eng Hock អាយុ ៦៥ ឆ្នាំត្រូវបានតុលាការចោទប្រកាន់ពីបទធ្វើឃាតស្ត្រីម្នាក់អាយុ ៤៣ ឆ្នាំកាលពីថ្ងៃសៅរ៍។ ជនរងគ្រោះមិនត្រូវបានគេបញ្ចេញឈ្មោះឲ្យដឹងបានទេ ដោយសារមានដីការបស់តុលាការ ។
កាលពីថ្ងៃសៅរ៍វេលាម៉ោងប្រហែល ៨.២០ ព្រឹកប៉ូលិសត្រូវបានគេហៅទៅកាន់ផ្ទះល្វែងមួយនៅ Bukit Batok West Avenue 9 ។
សមត្ថកិច្ចបានចុះទៅដល់កន្លែងកើងហេតុក៏បានរកឃើញស្ត្រីម្នាក់ដេកនៅក្នុងផ្ទះស្តូកស្តឹងបន្ទាប់មកគ្រូពេទ្យបានប្រកាសថាគាត់បានស្លាប់ហើយ។
ក្មេងប្រុសអាយុ៥ឆ្នាំម្នាក់ដែលជាកូនប្រុសរបស់ស្ត្រីនោះ ត្រូវបានគេបញ្ជូនទៅកាន់មន្ទីរពេទ្យផងដែរ។
បុរសដែលជាឃាតកនោះត្រូវបានចាប់ខ្លួននៅនឹងកន្លែងកើតហេតុ។ កាលពីថ្ងៃសៅរ៍ប៉ូលិសបាននិយាយថា កាំបិតដែលគេសង្ស័យថាត្រូវបានប្រើក្នុងអំពើមនុស្សឃាតនោះត្រូវបានរឹបអូសដើម្បីរក្សាទុកជាវត្ថុតាង។
ជនល្មើស Quek នឹងត្រូវបញ្ជូនខ្លួនទៅតុលាការនៅថ្ងៃទី២៦ ខែមករាម្តងទៀត។
កាលពីល្ងាចថ្ងៃសៅរ៍ ភ្នាក់ងារសារព័ត៌មានCNA បានមកដល់ប្លុក 460B, Bukit Batok West Avenue 9 គេសង្កេតឃើញមានរថយន្តប៉ូលិសជាច្រើនគ្រឿង រួមទាំងរថយន្តស៊ើបអង្កេតនៅនឹងកន្លែងកើតហេតុផងដែរ។
មន្ត្រីប៉ូលិសក៏ត្រូវបានគេឃើញនៅជុំវិញបន្ទប់ជាន់ទីពីរនៃប្លុកផ្ទះល្វែងនេះផងដែរ។
ជនសង្ស័យពាក់ឈុតផ្ទាល់ខ្លួនពណ៌ស និងពាក់ម៉ាសរំមុខជិត ត្រូវបានប៉ូលិសនាំខ្លួនចូលក្នុងរថយន្តប៉ូលិសនៅវេលាម៉ោងប្រហែល១១និង២៥នាទីព្រឹក ។
អំពើឃាតកម្មគិតទុកជាមុននេះគឺជាទោសដែលត្រូវប្រហារជីវិត៕
ប្រភព៖ CNA/gr/mi