ដោយ៖ បន្ទាយ
![](https://cambodiaflashnews.com/wp-content/uploads/2021/06/top-banner.gif)
បន្ទាយមានជ័យ ៖សាខាកាកបាទក្រហម ខេត្តបន្ទាយមានជ័យ នៅរសៀលថ្ងៃសៅរ៍ ទី៦ ខែមករា ឆ្នាំ២០២៤ សាខាកក្រក ខេត្តដែលមានលោកអ៊ុំ រាត្រី ជាប្រធានគណៈកម្មាធិការសាខាបានចាត់អោយលោក ធូ ស៊ីភ័ណ្ឌ នាយកសាខាជាតំណាងនិងមានការចូលរួមពីលោករ័ត្ន ដាស៊ីណង់ អនុសាខាស្រុកមង្គលបូរី ព្រមទាំងក្រុមកក្រកឃុំចំណោម បាននាំយកអំណោយមនុស្សធម៌ទៅចូលរួមរំលែកទុក្ខនិងសួរសុខទុក្ខគ្រួសារសពក្មេងលង់ទឹកស្លាប់ចំនួន៣នាក់។
សូមរំលឹកថា ករណីនេះគឺក្មេងៗបានចុះលេងទឹកក្នុងរដូវប្រាំងដែលស្មានថារាក់ដែរ តែបានលង់ស្លាប់កាលពីរសៀលថ្ងៃសុក្រទី៥ ខែមករា ឆ្នាំ២០២៤ ។
ក្មេងដែលស្លាប់ទាំងនោះមាន ឈ្មោះ ឃួន ស៊ីវ៉ា ភេទប្រុស អាយុ ៣ ឆ្នាំ,ឈ្មោះ ឃួន ស៊ីវ៉ាយ ភេទ ប្រុស អាយុ ៣ឆ្នាំ និងឈ្មោះឈុំ ឆៃរ៉ាត់ ភេទប្រុស អាយុ ២ ឆ្នាំ។ ពួកគេរស់នៅក្នុងបន្ទុកជាមួយឪពុកម្តាយភូមិចំណោមលិច ឃុំចំណោម ស្រុកមង្គលបូរីខេត្តបន្ទាយមានជ័យ។
អំណោយដែលសាខាបាននាំទៅផ្តល់ជូននោះសម្រាប់សពនីមួយៗទទួលបាននូវអង្តរ៥០គីឡូតិ៍ក្រាម, មី១កេស, ត្រីខ ១យួរ, ទឹកត្រី១យួ ,ទឹកសុទ្ធ១កេស ថវិកា សាខា អនុសាខា ចំនួន៤១ម៉ឺនរៀល៕