ប្រែសម្រួល៖ ស.សម្បត្តិ
បុរសអាយុ ៦៥ឆ្នាំម្នាក់នឹងត្រូវចោទប្រកាន់ពីបទមនុស្សឃាត បន្ទាប់ពីអ្នកជិតខាងរបស់គាត់ត្រូវបានគេប្រទះឃើញស្លាប់នៅក្នុងផ្ទះល្វែង មួយ នៅថ្ងៃសៅរ៍ ទី៦ មករា ឆ្នាំ២០២៤។
ប៉ូលិសបាននិយាយថា ដំបូងពួកគេបានទទួលទូរសព្ទឱ្យជួយនៅម៉ោងប្រហែល ៨ និង២០នាទីព្រឹកពីអង្គភាពលំនៅឋានមួយ។ពេលទៅដល់ គេបានប្រទះឃើញស្ត្រីអាយុ៤៣ឆ្នាំម្នាក់ ស្លាប់នៅខាងក្នុងផ្ទះល្វែង ជាកន្លែងដែលនាងត្រូវបានគ្រូពេទ្យប្រកាសថាស្លាប់ជាបន្តបន្ទាប់។
ក្មេងប្រុសអាយុ៥ឆ្នាំម្នាក់ ដែលជាកូនប្រុសរបស់អ្នកស្លាប់ ត្រូវបានបញ្ជូនទៅមន្ទីរពេទ្យ។
បុរសនោះត្រូវបានចាប់ខ្លួននៅកន្លែងកើតហេតុ។ កាំបិតដែលគេជឿថាប្រើក្នុងហេតុការណ៍នោះត្រូវបានគេរឹបអូស។
ប៉ូលិសបាននិយាយថា ការស៊ើបអង្កេតកំពុងបន្ត។នៅពេលដែល អ្នកយកព័ត៌មានCNA បានមកដល់ប្លុក 460B, Bukit Batok West Avenue 9 កាលពីល្ងាចថ្ងៃសៅរ៍ មានរថយន្តប៉ូលិសជាច្រើនគ្រឿង រួមទាំងរថយន្តស៊ើបអង្កេតកន្លែងកើតហេតុផងដែរ។
ប៉ូលិសត្រូវបានគេឃើញនៅជុំវិញជាន់ទី 2 នៃប្លុក។ ជនសង្ស័យពាក់ឈុតការពារផ្ទាល់ខ្លួនពណ៌ស និងពាក់ម៉ាសមុខ ត្រូវបាននាំចូលក្នុងរថយន្តប៉ូលិសនៅម៉ោងប្រហែល១១និង២៥នាទីព្រឹក ។
អ្នកនៅជាន់ទី២ និងទី៣ ដែលបាននិយាយជាមួយអ្នកយកព័ត៌មាន CNA បាននិយាយថា ពួកគេមិនបានឮសំឡេងចលាចលអ្វីឡើយ។
ស្ត្រីវ័យ៦០ឆ្នាំម្នាក់ដែលសុំមិនបញ្ចេញឈ្មោះបាននិយាយថា៖ «ប៉ូលិសមិនបានប្រាប់យើងអ្វីទេ។ អ្នកស្រុកម្នាក់ទៀតក្នុងវ័យ ៣០ ឆ្នាំបាននិយាយថា ប្លុកនេះតែងតែស្ងប់ស្ងាត់ ហើយឧបទ្ទវហេតុនេះវាគួរឲ្យតក់ស្លុតខ្លាំងណាស់។
កងកម្លាំងការពារជនស៊ីវិលសិង្ហបុរី (SCDF) បាននិយាយថា ខ្លួនបានទទួលការហៅរកជំនួយនៅម៉ោងប្រហែល 8.25 ព្រឹក។
សេចក្តីរាយការណ៍បន្ថែមថា មនុស្សម្នាក់ត្រូវបានប្រកាសថាបានស្លាប់នៅកន្លែងកើតហេតុដោយគ្រូពេទ្យ SCDF ខណៈម្នាក់ទៀតត្រូវបានបញ្ជូនទៅមន្ទីរពេទ្យសាកលវិទ្យាល័យជាតិ។
ជនសង្ស័យនឹងត្រូវចោទប្រកាន់នៅតុលាការនៅថ្ងៃអាទិត្យពីបទមនុស្សឃាត។ អំពើឃាតកម្មគិតទុកជាទោសប្រហារជីវិត៕
ប្រភព៖ CNA/gs(gr)