ប្រែសម្រួល៖ កញ្ញាស្រីស្រស់
អតីតតារាចម្រៀង Britney Spears បានបកស្រាយពាក្យចចាមអារ៉ាមថានាងនឹងចេញអាល់ប៊ុមថ្មីថានាងមិនត្រឡប់មកកាន់អាជីពជាអ្នកចម្រៀងវិញនោះទេ។
ទន្ទឹមនឹងនេះដែរ Britney Spears បានធ្វើការកត់សម្គាល់ដោយបានបង្ហោះសារនៅលើ Instagram កាលពីថ្ងៃពុធថានាងនៅតែសរសេរបទភ្លេងសម្រាប់អ្នចម្រៀងដទៃទៀត។
“ខ្ញុំសរសេរបទភ្លេងគ្រាន់តែជាការកំដរអារម្មណ៍តែប៉ុណ្ណោះឬក៏មានពេលខ្លះខ្ញុំសរសេរសម្រាប់ឲ្យអ្នកចម្រៀងដទៃទៀតហើយខ្ញុំបានសរសេរអស់ជាង ២០ បទហើយសម្រាប់អ្នកចម្រៀងផ្សេងទៀតនៅក្នុងរយៈពេល ២ ឆ្នាំកន្លងមកនេះ ខ្ញុំប្រៀបដូចជាអ្នកនិពន្ធបទភ្លេងម្នាក់ដែលបានស្លាប់ទៅជាខ្មោចបាត់ទៅហើយក៏ប៉ុន្តែបើនិយាយដោយស្មោះត្រង់គឺខ្ញុំនៅតែរីករាយនឹងធ្វើវាជាបន្តទៅទៀត”។
នៅលើInstagram នាងបានសរសេរចំណងជើងបង្ហោះជាមួយនឹងពាក្យរិះគន់ដល់អ្នកដែលនៅតែ “បន្តនិយាយថាចៃដន្យអីខ្ញុំកំពុងងាកទៅរកអាជីពដូចមុនវិញដើម្បីផលិតអាល់ប៊ុមថ្មីមួយ”ថែមទាំងមានការផ្គូផ្គងរូបថតជាមួយនឹងរូបគំនូរ Guido Reni របស់ Salome ដោយបានកាន់ក្បាល John the Baptist ថែមទៀតផង។
នេះមិនមែនជាលើកទីមួយទេ ដែល Britney Spears បានបញ្ជាក់ប្រាប់ទៅមហាជនថានាងបានចូលនិវត្តន៍ពីការចេញអាល់ប៊ុមបទចម្រៀងផ្ទាល់ខ្លួន។ ចាប់តាំងពីខែកក្កដាឆ្នាំ ២០២១មកក្នុងខណៈពេលដែលជីវិតរបស់នាងបានរស់នៅក្រោមការគ្រប់គ្រងដ៏អាក្រក់របស់នាង Larry Rudolph ដែលជាអ្នកអ្នកគ្រប់គ្រងយូរអង្វែងលើរូបនាងនិងអាជីពរបស់នាងដែលនាងបានចំណាយទាំងប្រាក់ទាំងសំឡេងអស់រយៈពេលជិត ១៤ ឆ្នាំកន្លងមកហេតុនេះហើយនាងក៏បានលះបង់អាជីពជាអ្នកចម្រៀងដោយនិយាយថានាងមិនមានចេតនាបន្តអាជីពជាអ្នកចម្រៀងទៀតនោះទេ។ គ្រាន់តែត្រូវបានចាកចេញពីការគ្រប់គ្រងរបស់នាង Larry Rudolph នៅចុងឆ្នាំនោះ នាងបានបង្ហោះសារលើ Instagram ដោយនិយាយថានាងខ្លាចអាជីពជាអ្នកចម្រៀង ហើយថាការមិនផលិតបទចម្រៀងផ្ទាល់ខ្លួនបានធ្វើឲ្យក្រុមគ្រួសាររបស់នាងមានការខកចិត្តយ៉ាងខ្លាំង។ប៉ុន្តែក្រោយមក នាងក៏បានចេញបទចម្រៀងមានចំណងជើងថា Hold Me Closer (អោបអូនឲ្យស្និទ្ធ)ដែលជាកិច្ចសហការគ្នាជាមួយ Elton John ដោយបានចំណាយពេលអស់ជាង ២០ សប្តាហ៍ ហើយបានជាប់ចំណាត់ថ្នាក់លើតារាង Billboard Hot ១០០ ដែលប្រជាប្រិយភាពបទចម្រៀងក្តៅសាច់មួយនេះបានហក់ឡើងដល់ចំណុចកំពូលក្នុងកម្រឹតលេខ ៦ ។
ចំណែកបទ Mind Your Business (បងធ្វើឲ្យអូនខកចិត្ត) ដែលចេញកាលពីឆ្នាំមុន គឺជាបទចម្រៀងដែលនាងបានតាក់តែងឡើងជាមួយ will.i.am ហើយបើទោះបីជាមានការវាយតម្លៃមិនល្អថានៅមិនទាន់ដល់កំរឹតធ្វើឲ្យមានអារម្មណ៍ក្តៅសាច់១០០ភាគរយក៏ដោយ។ ក៏អាល់ប៊ុមដ៏ពេញនិយមចុងក្រោយរបស់ Britney Spears នៅតែល្បីល្បាញអស្ចារ្យនៅក្នុងឆ្នាំ ២០១៦។
នៅក្នុងការបង្ហោះសាររបស់នាងលើ Instagram កាលពីថ្ងៃពុធ Britney Spears បានសរសេរថាពាក្យចចាមអារ៉ាមទាំងនោះគឺ “ខុសឆ្ងាយពីការពិតទាំងស្រុង” ហើយបទចម្រៀងដែលលក់ដាច់បំផុតនៅក្នុងឆ្នាំ ២០២៣ របស់នាងមានចំណងជើងថា The Woman In Me (នារីក្នុងចិត្តខ្ញុំ) ដែលត្រូវបានគេចេញលក់ដោយគ្មានការយល់ព្រមពីនាងជាមុននោះទេ៕
ប្រភព៖ AP/sr