ប្រែសម្រួល៖បញ្ញា
![](https://cambodiaflashnews.com/wp-content/uploads/2021/06/top-banner.gif)
ខ្សែប្រយុទ្ធរបស់ក្លិប Paris St Germain កីឡាករ Kylian Mbappe បានបញ្ជាក់ថា គាត់នៅមិនទាន់បានគិតទុកជាមុនទេចំពោះកន្លែងដែលគាត់នឹងលេងនៅរដូវកាលក្រោយនេះ ខណៈដែលកិច្ចសន្យារបស់គាត់ឈានចូលដល់រយៈពេលប្រាំមួយខែចុងក្រោយហើយ។
Mbappe បាននិយាយកាលពីឆ្នាំមុនថាគាត់នឹងមិនបន្តកិច្ចសន្យាជាមួយ PSG នៅពេលផុតកំណត់នៃចុងបញ្ចប់រដូវកាលឆ្នាំ ២០២៣-២០២៤ ដែលអនុញ្ញាតឲ្យគាត់អាចចាកចេញពីក្លិបប៉ារីស។
ប្រធានក្រុមជម្រើសជាតិបារាំងដែលជាអតីតសមាជិកក្លិប Real Madrid ជាយូរមកហើយនោះ ឥឡូវនេះមានសេរីភាពក្នុងការចុះហត្ថលេខាលើកិច្ចព្រមព្រៀងជាមួយក្លិបថ្មី។
Mbappe បានប្រាប់អ្នកយកព័ត៌មានបន្ទាប់ពីក្រុម PSG បានបំបាក់ Toulouse ២-០ ក្នុងការប្រកួតវគ្គផ្តាច់ព្រ័ត្រ French Super Cup កាលពីថ្ងៃពុធថា “ជាបឋម ខ្ញុំសូមបញ្ជាក់ថាខ្ញុំមានកម្លាំងចិត្តលេងសម្រាប់ឆ្នាំនេះ ជ័យជំនះមួយនេះពិតជាមានសារៈសំខាន់ខ្លាំងណាស់សម្រាប់រូបខ្ញុំ” ។
“ដូចដែលខ្ញុំបាននិយាយហើយថាយើងមានភារកិច្ចលេងបន្តទៀត ឥឡូវនេះយើងបានឈ្នះមួយប្រកួតហើយ យើងបានធ្វើរួចហើយ។ បន្ទាប់ពីនេះគឺនៅទេ ខ្ញុំនៅមិនទាន់បានគិតថានឹងលេងឲ្យក្លិបណាមួយនៅឡើយទេ។
“ប៉ុន្តែក្នុងករណីណាក៏ដោយ ជាមួយនឹងកិច្ចព្រមព្រៀងដែលខ្ញុំបានធ្វើជាមួយប្រធាន (Nasser Al-Khelaifi) នៅរដូវក្តៅនេះ មិនមែនជាសម្ពាធសម្រាប់ខ្ញុំធ្វើការសម្រេចចិត្តនោះទេ។
“យើងការពារគ្រប់ភាគីទាំងអស់ហើយយើងរក្សាភាពស្ងប់ស្ងាត់ជៀសវាងបញ្ហាប្រឈមនៅពេលខាងមុខសម្រាប់ក្លិបបញ្ហានេះគឺនៅតែជារឿងសំខាន់បំផុត។ ដូច្នេះយើងចាត់ទុកថាវាជារឿងបន្ទាប់បន្សំមួយ”។
បើយោងតាមព័ត៍មានលេចចេញតាមប្រព័ន្ធផ្សព្វផ្សាយនៅក្នុងខែកញ្ញាបានឲ្យដឹងថា Mbappe បានយល់ព្រមបោះបង់ចោលប្រាក់រង្វាន់ដែលមានតម្លៃរហូតដល់ ១០០ លានអឺរ៉ូ ស្មើនិង១០៩.១៧ លានដុល្លារ ប្រសិនបើគាត់ចាកចេញពី PSG ដោយមិនគិតតម្លៃខ្លួនសម្រាប់ការផ្ទេរនេះ។
នៅឆ្នាំ ២០២២ Mbappe បានរង់ចាំរហូតដល់ខែឧសភា ដើម្បីប្រកាសពីការបន្តកុងត្រាជាមួយ PSG ប៉ុន្មានសប្តាហ៍មុននៅពេលដែលទីផ្សារដោះដូរកីឡាករបានបើកចំហ កីឡាករវ័យ២៥ឆ្នាំរូបនេះបាននិយាយថា គាត់ប្រហែលជាមិនទុកឲ្យយឺតពេលទៀតនោះទេ។
លោកបានបន្ថែមថា៖ “ខ្ញុំគិតថានឹងបញ្ចប់វានៅចុងខែឧសភាឆ្នាំ ២០២២ ដោយសារតែខ្ញុំសម្រេចចិត្តយឺតពេកទើបខ្ញុំនៅរហូតមកដល់ពេលនេះ”។ “ប្រសិនបើខ្ញុំដឹងថាខ្ញុំចង់ធ្វើអ្វីមួយហើយមិនដឹងថាយ៉ាងម៉េចមកពីហេតុអី?ខ្ញុំក៏ឈប់គិតវិញ វាទៅជាគ្មានន័យអ្វីទាំងអស់សម្រាប់ខ្ញុំព្រោះវាហួសពេលទៅហើយ”៕
(1 ដុល្លារ = 0.9160 អឺរ៉ូ)
ប្រភព៖ Reuters