ប្រែសម្រួល៖ ស.សម្បត្តិ
ប៉េកាំង៖ ក្រសួងការបរទេសចិនបាននិយាយនៅថ្ងៃពុធទី៣ មករា ថា ប្រទេសចិនមានឆន្ទៈក្នុងការផ្តល់ជំនួយចាំបាច់ដល់ប្រទេសជប៉ុនលើការរញ្ជួយដីដ៏ធំដែលបានវាយប្រហារប្រទេសនេះនៅថ្ងៃចូលឆ្នាំសកល។
អ្នកនាំពាក្យក្រសួងលោក Wang Wenbin បាននិយាយនៅក្នុងសន្និសីទសារព័ត៌មានជាទៀងទាត់ថា មិនមានអ្នកស្លាប់ និងរបួសជនជាតិចិនណាមួយដែលត្រូវបានរាយការណ៍ពីការរញ្ជួយដីនោះទេ។
អាជ្ញាធរជប៉ុនបានបញ្ជាក់ថាមានអ្នកស្លាប់៦២នាក់មកទល់ពេលនេះ ដែលធ្វើឱ្យគ្រោះរញ្ជួយដីមានមនុស្សស្លាប់ច្រើនបំផុតក្នុងប្រទេសជប៉ុនគិតចាប់តាំងពីឆ្នាំ២០១៦មក។
នៅពេលសួរអំពីការធ្លាក់យន្តហោះនៅអាកាសយានដ្ឋាន Haneda ទីក្រុងតូក្យូកាលពីថ្ងៃអង្គារ លោក Wang បាននិយាយថា មិនមានពលរដ្ឋចិនណាម្នាក់រងរបួសក្នុងឧបទ្ទវហេតុនេះទេ ដោយបន្ថែមថា ប្រទេសជប៉ុនមិនបានស្នើសុំជំនួយណាមួយឡើយ។
លោក Wang បាននិយាយថា មានអ្នកទេសចរហុងកុង ១៤នាក់នៅលើយន្តហោះរបស់ក្រុមហ៊ុន Japan Airlines ហើយស្ថានទូតចិនប្រចាំប្រទេសជប៉ុនបានទាក់ទងជាមួយពួកគេហើយ។
ការប៉ះទង្គិចគ្នាដែលបង្កឱ្យមានការព្រួយបារម្ភអំពីសុវត្ថិភាពផ្លូវរត់បានសម្លាប់នាវិក 5 នាក់ក្នុងចំណោម 6 នាក់នៅលើយន្តហោះ De Havilland Dash-8 Coast Guard turboprop តូចជាង ខណៈដែលមនុស្ស 379 នាក់នៅលើយន្តហោះ Airbus A350 របស់ Japan Airlines បានរួចជីវិតទាំងអស់៕
ប្រភព៖ Reuters/ec
