ដោយ៖ គង់ហេង
កំពង់ចាម៖ នៅក្នុងឱកាសថ្ងៃឆ្លងឆ្នាំសកល ២០២៣ ចូលឆ្នាំ ២០២៤ មានភ្ញៀវទេសចរប្រមាណជាង ១២ម៉ឺន នាក់បានមកទស្សនា លេងកម្សាន្តនៅតាមកន្លែងកម្សាន្ត និងរមណីយដ្ឋាននានា ក្នុងខេត្តកំពង់ចាម។នេះបើតាមការប្រកាសឱ្យដឹងនៅក្នុងផេកហ្វេសបុកផ្លូវការរបស់លោក អ៊ុន ចាន់ដា អភិបាលខេត្តកំពង់ចាម នៅព្រឹកថ្ងៃទី ១ ខែមករា ឆ្នាំ២០២៤នេះ។
![](https://cambodiaflashnews.com/wp-content/uploads/2021/06/top-banner.gif)
![](https://cambodiaflashnews.com/wp-content/uploads/2024/01/99-300x206.jpg)
លោកអភិបាលខេត្តកំពង់ចាមបានបញ្ជាក់ថា៖ ខេត្តកំពង់ចាមមានភ្ញៀវទេសចរ ក៏ដូចជាបងប្អូនប្រជាពលរដ្ឋ ដែលមកទស្សនានៅតាមកន្លែងកម្សាន្ត និងរមណីយដ្ឋាននានា និងស្នាក់នៅក្នុងខេត្ត សរុបមានចំនួន ១២២.៤៤៦ នាក់ ក្នុងនោះភ្ញៀវជាតិមានចំនួន ១២២.២៥៣ នាក់ និងភ្ញៀវបរទេសមានចំនួន ១៩៣ នាក់ ។
![](https://cambodiaflashnews.com/wp-content/uploads/2024/01/22-300x180.jpg)
ក្នុងនោះនៅតាមកន្លែងកម្សាន្ត និងរមណីយដ្ឋាននីមួយៗមានចំនួន ៖ រមណីយដ្ឋានទឹកឆាចំនួន ៧.៣៥០ នាក់,រមណីយដ្ឋានកសិទេសចរណ៍-ថ្មដាទឹកឆាមានចំនួន ២៥០ នាក់, រមណីយដ្ឋានប្រាសាទភ្នំហាន់ជ័យ មានចំនួន ៤៦៥ នាក់, រមណីយដ្ឋានបែមប៊ូរីសត ភ្ញៀវទេសចរសរុបមានចំនួន ២៨នាក់ ក្នុងនោះភ្ញៀវជាតិមានចំនួន ២៣នាក់ និងភ្ញៀវបរទេសចំនួន ៥ នាក់ ,រមណីយដ្ឋានភ្នំប្រុស-ភ្នំស្រី មានចំនួន ៦០២ នាក់, រមណីយដ្ឋាននគរបាជ័យ មានចំនួន ៧១៨នាក់ ក្នុងនោះភ្ញៀវជាតិមានចំនួន ៧០៥នាក់ និងភ្ញៀវបរទេសចំនួន ១៣នាក់ ,រមណីយដ្ឋានប្រាសាទភ្នំជើងព្រៃមានចំនួន 201នាក់។
![](https://cambodiaflashnews.com/wp-content/uploads/2024/01/33-300x176.jpg)
រមណីយដ្ឋានឆ្នេរខ្សាច់កោះប៉ែន ភ្ញៀវទេសចរសរុបមានចំនួន ៣៥.៩០២ នាក់ ក្នុងនោះភ្ញៀវជាតិមានចំនួន ៣៥.៨៣០នាក់ និងភ្ញៀវបរទេសមានចំនួន ៧២នាក់, រមណីយដ្ឋានស្មៅទន្លេ ភ្ញៀវទេសចរសរុបមានចំនួន៣១៥នាក់, ក្រុងកំពង់ចាម ភ្ញៀវទេសចរមានចំនួន ៧៣.៣៦០នាក់ ក្នុងនោះភ្ញៀវជាតិមានចំនួន ៧៣.២៨០នាក់ និងភ្ញៀវបរទេសចំនួន ៨០នាក់ ។
![](https://cambodiaflashnews.com/wp-content/uploads/2024/01/44-300x188.jpg)
ស្នាក់នៅតាមផ្ទះសំណាក់ និងសណ្ឋាគារ ភ្ញៀវសរុបចំនួន ៣.២៥០នាក់ ក្នុងនោះភ្ញៀវជាតិមានចំនួន ៣.២២៧នាក់ និងភ្ញៀវបរទេសចំនួន២៣នាក់៕