ប្រែសម្រួល៖ សហការី
ហ្សាការតា៖នៅថ្ងៃសៅរ៍ ទី៣០ ធ្នូ នេះ ក្រសួងហិរញ្ញវត្ថុរបស់ឥណ្ឌូណេស៊ីបានឲ្យដឹងថាប្រទេសឥណ្ឌូណេស៊ីនឹងកំណត់តម្លៃពន្ធសាជាថ្មីលើបារីអេឡិចត្រូនិកដែលមានសុពលភាពចាប់ពីថ្ងៃទី ១ ខែមករា ឆ្នាំ២០២៤នេះតទៅដែលជាពន្ធបន្ថែមលើពន្ធបារីអេឡិចត្រូនិកដើម្បីជួយកាត់បន្ថយការជក់បារីនៅក្នុងប្រទេស។
ក្រសួងហិរញ្ញវត្ថុបាននិយាយនៅក្នុងសេចក្តីថ្លែងការណ៍មួយថា ប្រទេសដែលមានសេដ្ឋកិច្ចធំជាងគេនៅក្នុងតំបន់អាស៊ីអាគ្នេយ៍បានកំណត់ពន្ធ១០ ភាគរយបន្ថែមលើចំនួនពន្ធអាករសម្រាប់បារីអេឡិចត្រូនិច។
ក្រសួងហិរញ្ញវត្ថុបាននិយាយថា “ការប្រើប្រាស់បារីអេឡិចត្រូនិចក្នុងរយៈពេលយូរបានធ្វើឲ្យប៉ះពាល់ដល់សុខភាពមនុស្ស” វិធានការបន្ថែមពន្ធលើតម្លៃពន្ធលើបារីអេឡិចត្រូនិចគឺជាការចាំបាច់ដើម្បីកម្រិតការប្រកួតប្រជែងបារីផលិតក្នុងស្រុកធម្មតាៗ។
ការកំណត់បន្ថែមពន្ធថ្មីនេះកើតឡើងបន្ទាប់ពីប្រទេសឥណ្ឌូនេស៊ីដែលមានអត្រាជក់បារីកើនឡើងកាន់តែខ្ពស់នៅលើពិភពលោកគិតចាប់ពីឆ្នាំ ២០១៨ មកបានបង្កើនពន្ធដល់ទៅ ៥៧ ភាគរយសម្រាប់បារីអេឡិចត្រូនិច។
ក្រុមអ្នកផលិត និងអតិថិជនដែលជក់បារីអេឡិចត្រូនិច (PAVENAS) បានរិះគន់លើកង្វះខាតក្នុងការការពិភាក្សា និងការកំណត់ពេលវេលានៃការអនុវត្តពន្ធប្រភេទនេះ ដោយគួរតែពិចារណាថា ពន្ធគយសម្រាប់ផលិតផលនឹងកើនឡើងកាន់តែច្រើនសម្រាប់ឆ្នាំក្រោយ។
ក្រុមអ្នកផលិត និងអតិថិជនបាននិយាយក្នុងសេចក្តីថ្លែងការណ៍មួយថា ខ្លួនអាចនឹងពិចារណាលើការដាក់ពាក្យបណ្តឹងទៅកាន់តុលាការដើម្បីជំទាស់នឹងការយកពន្ធបន្ថែម ប្រសិនបើរដ្ឋាភិបាលនៅតែបន្តអនុវត្តដូច្នេះមែននោះ៕
ប្រភព៖ Reuters/sn