ប្រែសម្រួល៖ ស.សម្បត្តិ
ហាណូយ៖ នាយករដ្ឋមន្ត្រីវៀតណាម លោក Pham Minh Chinh នៅថ្ងៃព្រហស្បតិ៍ ទី២៨ ខែធ្នូនេះ បានបញ្ជាឱ្យធនាគារកណ្តាល ដើម្បីដោះស្រាយការឡើងថ្លៃមាសក្នុងស្រុក ដែលលោកបាននិយាយថា មានផលប៉ះពាល់អវិជ្ជមានលើទីផ្សាររូបិយវត្ថុ និងទីផ្សារក្នុងប៉ុន្មានសប្តាហ៍កន្លងមកនេះ។
តម្លៃមាសនៅក្នុងប្រទេសវៀតណាមបានកើនឡើងយ៉ាងខ្លាំងក្នុងខែនេះ ដោយឈានដល់កម្រិតកំពូល 80 លានដុង (3,292.86 ដុល្លារ) ក្នុងមួយអោនកាលពីថ្ងៃអង្គារ ហើយបានកើនឡើងជិត 20 ភាគរយចាប់តាំងពីដើមឆ្នាំមក។ វាត្រូវបានជួញដូរនៅ US $ 2,085 គិតត្រឹមម៉ោង 0437 GMT នៅថ្ងៃព្រហស្បតិ៍។
នាយករដ្ឋមន្ត្រីបាននិយាយនៅក្នុងការណែនាំថា “ទីផ្សារមាសពិភពលោក និងក្នុងស្រុកបាននិងកំពុងផ្លាស់ប្តូរក្នុងលក្ខណៈស្មុគស្មាញ ដោយតម្លៃមាសក្នុងស្រុកកើនឡើងយ៉ាងឆាប់រហ័ស ដែលជះឥទ្ធិពលអវិជ្ជមានដល់ទីផ្សាររូបិយវត្ថុសង្គម”។
លោកបានបន្ថែមថា៖ «ធនាគាររដ្ឋត្រូវតែមានដំណោះស្រាយប្រកបដោយប្រសិទ្ធភាពដើម្បីរក្សាស្ថិរភាពទីផ្សារ»។
គម្លាតតម្លៃមាសរវាងវៀតណាម និងទីផ្សារពិភពលោកបានឡើងដល់ជិត ២០ លានក្នុងមួយតម្លឹង។ប្រជាជនវៀតណាមជាប្រពៃណីកាន់មាសជាអ្នកការពារអតិផរណា៕
ប្រភព៖ Reuters/ec