ប្រែសម្រួល៖សហការី
តូក្យូៈ យោងតាមទិន្នន័យលទ្ធកម្មរោងចក្ររបស់ប្រទេសជប៉ុនបានបង្ហាញកាលពីថ្ងៃព្រហស្បតិ៍ថាមានការធ្លាក់ចុះ ០,៩ ភាគរយនៅក្នុងខែវិច្ឆិកានេះបើធៀបទៅនឹងការព្យាករលើទីផ្សារជាមធ្យមបានបង្ហាញឲ្យឃើញថាមានការធ្លាក់ចុះដល់ទៅ ១,៦ ភាគរយ។
ក្រុមហ៊ុនផលិតដែលត្រូវបានត្រួតពិនិត្យដោយក្រសួងសេដ្ឋកិច្ច ពាណិជ្ជកម្ម និងឧស្សាហកម្មរំពឹងថាទិន្នន័យស្តីពីទិន្នផលមានការឡើងចុះទៅតាមរដូវកាលនឹងរំពឹងថាមានការកើនឡើង ៦.០ ភាគរយនៅក្នុងខែធ្នូហើយនិងធ្លាក់ចុះ ៧.២ ភាគរយនៅក្នុងខែមករាឆ្នាំក្រោយ។
ទិន្នន័យដែលទទួលបានពីប្រភពផ្សេងទៀតបានបង្ហាញថាការលក់រាយរបស់ជប៉ុនបានកើនឡើង ៥.៣ ភាគរយនៅក្នុងខែវិច្ឆិកាធៀបនឹងឆ្នាំមុន។ គឺស្រដៀងនឹងការព្យាករលើទីផ្សារជាកម្រឹតមធ្យមរំពឹងថាមានការកើនឡើង ៥.០ ភាគរយដោយកត់សម្គាល់ឃើញថាមានការរីកចម្រើននៅក្នុងរយៈពេល ២១ ខែជាបន្តបន្ទាប់គិតចាប់តាំងពីខែមីនា ឆ្នាំ ២០២២។
បើយោងតាមទិន្នន័យបានបង្ហាញថា បើប្រៀបធៀបនឹងខែមុន ការលក់រាយបានកើនឡើង ១.០ ភាគរយនៅក្នុងខែវិច្ឆិកា បន្ទាប់ពីមានការធ្លាក់ចុះ ១.៧ ភាគរយនៅក្នុងខែតុលាកន្លងមក៕
ប្រភព៖ Reuters