ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
កាលពីថ្ងៃសុក្រ ទី២៩ ធ្នូ កូនប្រុសរបស់ Pele លោក Edinho បានប្រាប់ AFP នៅក្នុងបទសម្ភាសន៍មួយកាលពីប៉ុន្មានថ្ងៃនៅមុនថ្ងៃគម្រប់ខួបលើកទីមួយនៃការស្លាប់របស់ឪពុកគាត់ថា Pele “នឹងមានការសោកស្តាយ” ប្រសិនបើគាត់បានឃើញស្ថានភាពក្រុមជម្រើសជាតិប្រេស៊ីលនាពេលបច្ចុប្បន្ននេះ ។
ប្រេស៊ីលបានជួបការលំបាកនៅក្នុងវគ្គជម្រុះសម្រាប់ការប្រកួតបាល់ទាត់ពិភពលោកឆ្នាំ ២០២៦ខាងមុខនេះ ហើយបច្ចុប្បន្នកំពុងឈរនៅលេខរៀងទី ៦ ក្នុងតារាងសម្រាប់អាមេរិកខាងត្បូង ដែលជាចំណាត់ថ្នាក់ចុងប៉ូចគេសម្រាប់លទ្ធនៅក្នុងវគ្គជម្រុះ។
Selecao បានជួបការលំបាកដោយសារបាត់បង់តារាឆ្នើមគឺ Neymar ដែលរងរបួសហើយត្រូវព្យាបាលក្នុងរយៈពេលវែងបន្ទាប់ពីដាច់សរសៃជង្គង់។
Edinho អាយុ ៥៣ ឆ្នាំជាកូនម្នាក់ក្នុងចំនោមកូន ៧ នាក់របស់លោក Pele បាននិយាយថា “គាត់មិនបានសម្រាកពេញមួយយប់ដោយសារតែមានបញ្ហាស្មុគស្មាញបែបបនេះ” ។
“យើងកំពុងធ្លាក់ចុះយើងមានកីឡាករល្អៗ ប៉ុន្តែកាលពីមុនយើងមានកីឡាករកម្រិតកំពូលដែលពូកែជាងពួកយើងសព្វថ្ងៃនេះ” ។
Edinho ដែលរស់នៅជាមួយនឹងម្តាយរបស់គាត់ខណៈដែល Pele និងម្តាយរបស់គាត់បានចែកផ្លូវគ្នាបន្ទាប់ពីពួកគេបានផ្លាស់ទៅរស់នៅក្នុងក្រុងញូវយ៉កក្នុងពេលដែលគាត់បានចុះកុងត្រាជាមួយ New York Cosmos ក្នុងឆ្នាំ ១៩៧៥ គាត់បានបន្ថែមថា “ប្រសិនបើ Pele បានឃើញស្ថានភាពក្រុមជម្រើសជាតិប្រេស៊ីលនាពេលបច្ចុប្បន្ននេះគាត់នឹងមានការសោកស្តាយយ៉ាងខ្លាំង “។
Santos ដែលជាសមាជិកក្លិបប្រេស៊ីលដែល Pele ចំណាយពេលភាគច្រើនក្នុងអាជីពរបស់គាត់ជួយដល់ក្លិបប្រេស៊ីលមួយនេះក៏កំពុងឆ្លងកាត់រដូវកាលដ៏លំបាកផងដែរ បន្ទាប់ពីពួកគេត្រូវបានដកចេញជាលើកទីពីរហើយនេះជាលើកដំបូងក្នុងប្រវត្តិសាស្ត្រជាង ១១១ ឆ្នាំ។
ក្លិបដួលរលំដោយសារបញ្ហាហិរញ្ញវត្ថុ និងមានការបែកបាក់គ្នា។
Edinho ដែលជាអ្នកចាំទីរបស់ក្រុម Santos ជាច្រើនរដូវកាលបាននិយាយថា “រឿងដ៏អកុសលនេះយើងមិនគួរមានការភ្ញាក់ផ្អើលនោះទេ។ អ្នកដែលបានតាមដានជីវិតប្រចាំថ្ងៃរបស់ក្លិបនិងមើលឃើញពីសេណារីយ៉ូបែបនេះហើយរឿងនេះនិងមានទីបញ្ចប់របស់វា”។
នៅក្នុងពិធីប្រារព្ធខួបលើកទីមួយនៃការស្លាប់ដោយសារជំងឺមហារីកក្នុងអាយុ ៨២ ឆ្នាំរបស់លោក Pele នៅថ្ងៃសុក្រកន្លងមកត្រូវបានគេមើលឃើញថាមិនសូវរៀបចំបានធំដុំនោះទេ។
កូនទាំងប្រាំមួយនាក់ដែលនៅរស់រានមានជីវិតរបស់លោក Pele នោះក៏ជាកីឡាករបាល់ទាត់ដ៏អស្ចារ្យបំផុតក្នុងប្រវត្តិសាស្ត្រនឹងរៀបចំការប្រជុំនិម្មិតដើម្បីផ្តល់ពេលវេលាសម្រាប់ការផ្សាយបន្តផ្ទាល់នៅក្នុងសហរដ្ឋអាមេរិក ខណៈដែលពិធីមួយផ្សេងទៀតត្រូវបានគេគ្រោងនឹងធ្វើឡើងនៅទីបញ្ចុះសពក្នុងទីក្រុង Santos ដែលនឹងត្រូវបើកជាសាធារណៈនៅក្នុងខែឧសភា។
Edinho ក្នុងមួយជីវិតរបស់គាត់បានស្ថិតនៅឆ្ងាយពីការលាងលុយកខ្វក់និងការជួញដូរថ្នាំញៀនបាននិយាយថាការបាត់បង់បុរសដ៏ឆ្នើមដែលរកបានគ្រាប់បាល់៧៧គ្រាប់ក្នុងការបង្ហាញខ្លួន៩២លើកឲ្យក្រុមជម្រើសជាតិប្រេស៊ីលបានបន្សល់ទុកនូវចំណុចខ្ខះខាតដ៏ធំមួយសម្រាប់ក្រុមគ្រួសាររបស់គាត់។
Edinho បាននិយាយថា “គាត់ពិតជាឪពុកដ៏វិសេសវិសាល យើងនឹកគាត់ខ្លាំងណាស់។ “គាត់បានធ្វើឈ្មោះប្រទេសរបស់យើងល្បីល្បាញតាមរយៈកីឡាបាល់ទាត់ ដែលយើងពិតជាមានមោទនភាពខ្លាំងណាស់”៕
ប្រភព៖ AFP/ga