ប្រែសម្រួល៖ ស.សម្បត្តិ
![](https://cambodiaflashnews.com/wp-content/uploads/2021/06/top-banner.gif)
បាងកក៖កាលពីថ្ងៃចន្ទ ទី២៥ ធ្នូ អ្នកនាំពាក្យរដ្ឋាភិបាលថៃបាននិយាយថាក្រុមហ៊ុនផលិតរថយន្តជប៉ុនធំៗនឹងដាក់ទុនវិនិយោគក្នុងទឺកប្រាក់ជាង ១៥០ ពាន់លានបាតស្មើនឹង ៤,៣៤ ពាន់លានដុល្លារ នៅក្នុងប្រទេសថៃសម្រាប់រយៈពេល ៥ ឆ្នាំខាងមុខ។
លោក ឆៃ វ៉ាត់ឆារ៉ាកែវ អ្នកនាំពាក្យរដ្ឋាភិបាលថៃបាននិយាយថា ក្រុមហ៊ុន Toyota Motor និង Honda Motor នឹងដាក់ទុនវិនិយោគក្នុងទំហំទឹកប្រាក់ ៥០ ពាន់លានបាតសម្រាប់ហ៊ុននីមួយៗ ខណៈដែល Isuzu Motors នឹងបណ្តាក់ទុនចំនួន ៣០ ពាន់លានបាត និង Mitsubishi Motors ២០ ពាន់លានបាត។ លោក ឆៃ វ៉ាត់ឆារ៉ាកែវ អ្នកនាំពាក្យរដ្ឋាភិបាលថៃបាននិយាយថា នេះមានរួមបញ្ចូលទាំងការផលិតរថយន្តភីកអាប់អគ្គិសនីផងដែរ។
លោក ស្រីថា ថាវីស៊ីន នាយករដ្ឋមន្ត្រីថៃបានបញ្ចប់ដំណើរទៅប្រទេសជប៉ុនកាលពីសប្តាហ៍មុន។
ប្រទេសសេដ្ឋកិច្ចធំទីពីររបស់អាស៊ីអាគ្នេយ៍ គឺជាអ្នកផលិត និងនាំចេញរថយន្តដ៏ធំជាងគេនៅក្នុងតំបន់។ ក្រុមហ៊ុនផលិតរថយន្តជប៉ុនបានគ្រប់គ្រងលើវិស័យរថយន្តថៃអស់ជាច្រើនទសវត្សរ៍មកហើយ ប៉ុន្តែថ្មីៗនេះក្រុមហ៊ុនផលិតរថយន្តអគ្គិសនីរបស់ចិនបាននិងកំពុងធ្វើការបណ្តាក់ទុនយ៉ាងច្រើនផងដែរ។
លោក ឆៃ បាននិយាយថា ការវិនិយោគដោយក្រុមហ៊ុនផលិតរថយន្តជប៉ុននឹងគាំទ្រដល់គោលនយោបាយរបស់រដ្ឋាភិបាលក្នុងការផ្លាស់ប្តូរពីរថយន្តម៉ាស៊ីនចំហេះប្រេងសាំងនិងម៉ាស៊ូតទៅជារថយន្ត រថយន្តអគ្គិសនី ។
ក្រុមហ៊ុន Toyota, Honda, Isuzu និង Mitsubishi មិនបានឆ្លើយតបភ្លាមៗចំពោះសំណើសុំការធ្វើអត្ថាធិប្បាយនេះទេ។
ប្រទេសថៃមានបំណងបំប្លែងមួយភាគបីនៃរថយន្តម៉ាស៊ីនចំហេះប្រេងសាំងនិងម៉ាស៊ូតក្នុងផលិតកម្មប្រចាំឆ្នាំរបស់ខ្លួនដែលមានចំនួន ២.៥ លានគ្រឿងឲ្យទៅជារថយន្តអគ្គិសនី នៅឆ្នាំ ២០៣០ ហើយកំពុងលើកទឹកចិត្តដល់ការវិនិយោគ និងការបំប្លែងរថយន្តម៉ាស៊ីនចំហេះប្រេងសាំងនិងម៉ាស៊ូតឲ្យទៅជាការផលិតរថយន្តអគ្គិសនី។
គោលនយោបាយកាត់បន្ថយពន្ធ និងការឧបត្ថម្ភធនធានដែលចេញដោយរដ្ឋាភិបាលថៃបានទាក់ទាញក្រុមហ៊ុនផលិតរថយន្តចិនរួចទៅហើយ រួមទាំងក្រុមហ៊ុន BYD និង Great Wall Motor ដែលបាន ប្តេជ្ញាចិត្តក្នុងការវិនិយោគចំនួន ១.៤៤ ពាន់លានដុល្លារអាមេរិកនៅក្នុងរោងចក្រផលិតថ្មីនៅក្នុងប្រទេស។
លោក ស្រីសេដ្ឋា ក្នុងខែនេះបានបង្ហាញគោលនយោបាយកាត់បន្ថយពន្ធ និងការឧបត្ថម្ភធនធានរបស់ខ្លួននាយកប្រតិបត្តិមកពីរោងចក្រផលិត អគ្គិសនី របស់អាមេរិក Tesla ក្នុងប្រទេសថៃសម្រាប់ការវិនិយោគប្រកបដោយសក្តានុពល៕
ប្រភព៖ Reuters/mi