ប្រែសម្រួល៖ សហការី
ក្រុមគ្រួសារជនជាតិអ៊ីស្លង់មកពីក្រុង Grindavik នៃប្រទេសអ៊ីស្លង់នឹងមិនអាចត្រឡប់ទៅផ្ទះវិញសម្រាប់បុណ្យណូអែលឆ្នាំនេះបានទេបើទោះបីជាឥទ្ធិពលនៃកម្អែលភ្នំភ្លើងនៅក្នុងសប្តាហ៍នេះបានឈប់បក់បោកនៅពីមុខផ្ទះរបស់ពួកគេក៏ដោយ។
ពួកគេត្រូវបានអនុញ្ញាតឲ្យត្រឡប់មកផ្ទះវិញនៅក្នុងរយៈពេលខ្លីកាលពីថ្ងៃព្រហស្បតិ៍ ទី ២១ ខែធ្នូ ដើម្បីទទួលអំណោយ របស់របរផ្សេងៗ និងថែទាំទ្រព្យសម្បត្តិរបស់ពួកគេ។ ប៉ុន្តែអាជ្ញាធរនិយាយថាក្នុងស្ថានភាពបច្ចប្បន្ននេះគឺនៅតែមានហានិភ័យខ្លាំងសម្រាប់អ្នកស្រុកជាង ៤,០០០ នាក់រស់នៅក្នុងទីប្រជុំជនប្រជានេសាទវិលត្រឡប់មកប្រកបអាជីវកម្មតាមធម្មតាវិញនោះ។
Kristin Maria Birgisdottir អាយុ ៤៣ ឆ្នាំបានប្រាប់រ៉យទ័រថា “អ្វីដែលខ្ញុំចង់បានសម្រាប់បុណ្យណូអែលគឺត្រឡប់មកផ្ទះវិញតែរឿងនេះចប់ហើយសម្រាប់ពួកយើង” ។
វានឹងក្លាយជាពិធីបុណ្យណូអែលដំបូងបង្អស់ដែលស្ថិតនៅឆ្ងាយពីស្រុកកំណើតរបស់នាង។
នាងបាននិយាយថា “ខ្ញុំចង់អង្គុយយំដើម្បីបញ្ចេញអារម្នណ៏នឹកស្រុកកំណើតនៅក្នុងបន្ទប់ក្រោមដីខ្ញុំចង់សំម្តែងការដឹងគុណដល់បុព្វការីជនក្នុងរដូវបុណ្យណូអែលនៅស្រុកកំណើតរបស់ខ្ញុំពេលនេះយើងនៅក្នុងផ្ទះដែលមានសុវត្ថិភាពនិងមានសេចក្តីសុខ”។
នាងនឹងប្រារព្ធពិធីបុណ្យណូអែលជាមួយកូនៗ ឪពុកម្តាយ និងប្អូនប្រុសរបស់នាង នៅក្នុងផ្ទះល្វែងជួលមួយកន្លែងក្នុងរដ្ឋធានី Reykjavik ។
នាងបាននិយាយថា “ឪពុកម្តាយរបស់ខ្ញុំមានអារម្មណ៍ថាពិបាកក្នុងចិត្តច្រើន ជាពិសេសម្តាយរបស់ខ្ញុំ ដោយសារតែផ្ទះរបស់ពួកគាត់ត្រូវបានបំផ្លាញ។ ពួកគាត់មិនដែលបានត្រឡប់ទៅស្រុកកំណើត Grindavik ម្តងទៀតនោះទេ” ។ គ្រោះរញ្ជួយដីបានបំផ្លាញផ្លូវខូចអស់ និងខូចខាតអគារជាច្រើននៅក្នុងក្រុងថែមទៀតផង។
“ពួកគាត់មានផ្ទះផ្ទាល់ខ្លួនដែលមិនជាប់បំណុលធានាគារនោះទេ តែឥឡូវនេះពួកគាត់នៅមិនទាន់ទទួលបានដំណឹងច្បាស់លាស់អំពីបញ្ហាធានារ៉ាប់រងនោះទេថាតើពួកគាត់នឹងទទួលបានផ្ទះថ្មីរវិញដែរឬទេ? តើពួកគាត់អាចនឹងទិញផ្ទះមួយផ្សេងទៀតបានដែរឬទេ? តើពួកគាត់នឹងត្រូវរង់ចាំអស់ពេលយូរប៉ុណ្ណា?”
កាលពីល្ងាចថ្ងៃចន្ទភ្នំភ្លើង Svartsengi បានជះកម្អែជាមួយនឹងផ្សែងបោកបក់ទៅលើអាកាសកម្ពស់ ១០០ ម៉ែត្រ បន្ទាប់ពីការរញ្ជួយដីបានកើតឡើងយ៉ាងខ្លាំងជាច្រើនសប្តាហ៍បន្តគ្នានៅលើឧបទ្វីប Reykjanes នៅភាគនិរតីរបស់ប្រទេសអ៊ីស្លង់។
ក្នុងការតាមដានត្រួតពិនិត្យស្ថានភាពភ្នំភ្លើង អាជ្ញាធរបានជម្លៀសលោក Grindavik ដែលស្ថិតនៅចម្ងាយប្រហែល ៣ គីឡូម៉ែត្រភាគខាងត្បូងនៃចំណុចភ្នំភ្លើងផ្ទុះកម្អែលភ្នំភ្លើងបានថយចុះជាបណ្តើៗហើយ។ ប៉ុន្តែអ្នកភូគព្ភវិទូបាននិយាយថា ផ្លូវរូងក្រោមដីនៃ magmaនឹងត្រូវបានបំផ្លាញ ឬថ្មនិងត្រូវផ្ទុះហើយនិងរលាយដែលជាហានិភ័យខ្ពស់ក្នុងការបង្កឲ្យផ្ទុះជាបន្តបន្ទាប់នឹងបន្តឲ្យមានការរញ្ជួយដីបន្ថែមទៀតផងដែរ។
“អ្វីដែលខ្ញុំប្រាកដក្នុងចិត្តនោះគឺថា ពួកយើងនឹងមិនមានសហគមន៍ Grindavik បែបនេះទៀតនោះទេ ប៉ុន្តែយើងនៅតែតាំងចិត្តរឹងមាំដ៏ដែលពួកគាត់និយាយថា នៅពេលដែលអ្នកជួបប្រទះព្រឹត្តិការណ៍លំបាកជាមួយគ្នា អ្នកនឹងរួមសុខទុក្ខជាមួយគ្នាហើយ ខ្ញុំគិតថានេះជាអ្វីដែលនឹងកើតឡើង” នៅក្នុងស្រុកកំណើតរបស់ខ្ញុំ Birgisdottir គាត់បានបាននិយាយដូច្នេះ។
“ប៉ុន្តែបើយើងមិនត្រូវបានអាជ្ញាធរអនុញ្ញាតឲ្យត្រឡប់ទៅស្រុកកំណើតវិញទេ ខ្ញុំពិតជាពិបាកក្នុងចិត្តនៅពេលនឹកគិតដល់ជីវិតរបស់ខ្ញុំដែលរស់នៅគ្មានស្រុកកំណើតនឹងគេទៀតនៅថ្ងៃខាងមុខ”៕
ប្រភព៖ Reuters/fs