ប្រែសម្រួល៖សហការី
តូក្យូៈ នៅក្នុងខែវិច្ឆិកន្លងមកការនាំចេញរបស់ប្រទេសជប៉ុនឃើញថាមានការធ្លាក់ចុះជាលើកដំបូងបើធៀបនឹងរយ:ពេល ៣ ខែមុន។ ការនាំចេញបន្ទះឈីបទៅកាន់ប្រទេសចិនត្រូវបានអូសបន្លាយពេលក្រោយមានការព្រួយបារម្ភចំពោះការធ្លាក់ចុះសេដ្ឋកិច្ចខាងក្រៅប្រទេសជាកត្តានាំមកនូវផលប៉ះពាល់មួយទៀតដល់សេដ្ឋកិច្ចដែលពឹងផ្អែកលើទីផ្សារជួញដូរខណៈដែលតម្រូវការក្នុងស្រុកក៏មានការធ្លាក់ចុះគួឲ្យកត់សម្គាល់ផងដែ។
បើយោងតាមទិន្នន័យដែលចេញផ្សាយកាលពីថ្ងៃពុធដោយក្រសួងហិរញ្ញវត្ថុបានបង្ហាញថាការនាំចេញនៅក្នុងខែវិច្ឆិកាមានការធ្លាក់ចុះ ០.២ ភាគរយធៀបនឹងខែដូចគ្នាកាលពីឆ្នាំមុន។ នេះជាការធ្លាក់ចុះដំបូងគេចាប់ពីមួយឆ្នាំទៅមួយឆ្នាំក្នុងគម្លាតបីខែម្តង។
ធៀបនឹងកំណើនដែលមានត្រឹមតែ ១.៥ ភាគរយនេះតែបើយោងតាមការស្ទង់មតិរបស់ Reuters ក្នុងចំណោមអ្នកសេដ្ឋកិចបានបង្ហាញថាមានកំណើនដល់ទៅ ១.៦ ភាគរយនៅក្នុងខែតុលា។
ការនាំចេញមានការចុះខ្សោយបង្កឲ្យមានការព្រួយបារម្ភចំពោះអ្នកបង្កើតគោលនយោបាយរបស់ជប៉ុនដែលសង្ឃឹមថាតម្រូវការខាងក្រៅអាចជួយទប់ទល់នឹងការកាត់បន្ថយការប្រើប្រាស់ក្នុងស្រុក។
សេដ្ឋកិច្ចប្រចាំឆ្នាំរបស់ជប៉ុនបានធ្លាក់ចុះលឿនជាងការរំពឹងទុកដល់ទៅ ២.៩ ភាគរយនៅក្នុងត្រីមាសទី ៣ ដោយសារការចំណាយមូលធន និងការប្រើប្រាស់ ដែលជាកត្តាជំរុញសំខាន់នៃតម្រូវការក្នុងស្រុកដែលបានធ្លាក់ចុះ។
ការនាំចេញទៅកាន់ប្រទេសចិនរួមទាំងទំនិញដូចជាបន្ទះសៀគ្វីនិងម្ហូបអាហារបានធ្លាក់ចុះដល់ទៅ ៦០ ភាគរយដោយសារតែមានការហាមឃាត់នាំចូលរបស់ជប៉ុនដោយក្រុងប៉េកាំងលើអាហារសមុទ្រជប៉ុន និងផលិតផលមួយចំនួនផ្សេងទៀត។ ការនាំចេញអាហារសមុទ្រជប៉ុនទៅកាន់ប្រទេសចិនបានធ្លាក់ចុះមកនៅត្រឹម ៨.៦ ពាន់លានយ៉េន ស្មើនឹង ៥៩.៨ លានដុល្លារ នៅក្នុងខែវិច្ឆិកា ដែលជាចំនួនទាបបំផុតចាប់តាំងពីខែមករា។
ការនាំចូលបានធ្លាក់ចុះ ១១,៩ ភាគរយមកទល់និងខែវិច្ឆិកា ធៀបនឹងការព្យាករជាមធ្យមដែលមានការធ្លាក់ចុះ ៨,៦ ភាគរយ។
សមតុល្យពាណិជ្ជកម្មមានឱនភាពចំនួន ៧៧៨.៩ ពាន់លានយ៉េនស្មើនឹង ៥.៤០ ពាន់លានដុល្លារ ធៀបនឹងការប៉ាន់ប្រមាណជាមធ្យមសម្រាប់កង្វះខាត ៩៦២.៤ ពាន់លានយ៉េន៕
(1 ដុល្លារ = 143.8700 យ៉េន)
ប្រភព៖ Reuters