ប្រែសម្រួល៖សហការី
កាលពីថ្ងៃសុក្រ ទី ១៥ ខែធ្នូ ក្រសួងមហាផ្ទៃរបស់អ៊ុយក្រែនបានសម្រេចដាក់ប្រធានវិហារព្រះគ្រិស្តសាសនាអូស្សូដក់របស់ខ្លួនដែលគាំទ្រសង្គ្រាមរុស្សីនៅអ៊ុយក្រែនទៅក្នុងបញ្ជីតាមស្វែងរកចាប់ខ្លួន។
វិធានការនេះត្រូវបានគេសន្និដ្ឋានថាគ្រាន់តែជានិមិត្តរូបតែប៉ុណ្ណោះ ខណៈដែលអយ្យការបស់រុស្ស៊ីអះអាងថាបព្វជិត Kirill ដែលជាប្រធានវិហារព្រះគ្រិស្តអូស្សូដក់មិនគួរងការគម្រាមចាប់ខ្លួននោះទេ។ នេះជាយុទ្ធសាស្ត្រចុងក្រោយបំផុតនៅក្នុងយុទ្ធនាការរបស់អ៊ុយក្រែនដើម្បីរិះរកវិធីបន្សាបឥទ្ធិពលបូជាចារ្យគ្រិស្តសាសនាអូស្សូដក់ក្រោមការចោទប្រកាន់ថារលោកមានទំនាក់ទំនងយ៉ាងជិតស្និទ្ធជាមួយរដ្ឋាភិបាលរុស្ស៊ីដែលបង្កសង្គ្រាមប្រឆាំងនឹងអ៊ុយក្រែនធ្វើឲ្យប្រជាជនអ៊ុយក្រែនរងទុក្ខវេទនា។
ការប្រកាសឈ្មោះបូជាចារ្យគ្រិស្តសាសនាអូស្សូដក់នៅក្នុងបញ្ជីតាមចាប់ខ្លួនរបស់ក្រសួងយុត្តិធម៌អ៊ុយក្រែនត្រូវបានកំណត់អត្តសញ្ញាណថាបព្វជិត Kirill ដែលជាបូជាចារ្យគ្រិស្តសាសនាអូស្សូដក់ហើយចាប់ពីពេលនោះមកបព្វជិត Kirill បានលាក់ខ្លួនដើម្បីគេចពីការស៊ើបអង្កេតនៅមុនពេលកាត់ក្តី”។ គេនិយាយថាគាត់បាន “បាត់ខ្លួន” ចាប់តាំងពីថ្ងៃទី ១១ ខែវិច្ឆិកា។
គ្រិស្តសាសនាអូស្សូដក់ គឺជាសាសនាដ៏លេចធ្លោមួយនៅក្នុងប្រទេសអ៊ុយក្រែន ហើយអាជ្ញាធរក្នុងទីក្រុងគៀវ បានបើកសំណុំរឿងប្រឆាំងនឹងបព្វជិត Kirill រូបនេះដោយចោទថាលោកមានទំនាក់ទំនងជាមួយសាខានៃព្រះវិហារគ្រិស្តសាសនាអូស្សូដក់ដែលជាព្រះវិហារគ្រិស្តសាសនារបស់រុស្ស៊ី ។
សភានៅទីក្រុង Kyiv កំពុងពិចារណាលើច្បាប់ហាមប្រាមការបើកសាខាព្រះវិហារគ្រិស្តសាសនាដោយសារមានការបាត់ខ្លួនអ្នកកាន់សាសនាគ្រឹស្តរបស់ខ្លួនជាច្រើននាក់គិតចាប់តាំងពីសង្រ្គាមបានផ្ទុះឡើងនៅក្នុងប្រទេសអ៊ុយក្រែនកាលពីខែកុម្ភៈ ឆ្នាំ ២០២២។ ព្រះវិហារគ្រិស្តបាននិយាយថាពួកគេបានកាត់ផ្តាច់ទំនាក់ទំនងទាំងអស់ជាមួយក្រុងមូស្គូតាំងពីខែឧសភា ឆ្នាំ ២០២២។
ភ្នាក់ងារសន្តិសុខ SBU របស់អ៊ុយក្រែនកាលពីខែមុនបានចេញឯកសារមួយដែលនិយាយថាបព្វជិត Kirill “បានរំលោភលើអធិបតេយ្យភាពអ៊ុយក្រែន” ដោយសាតែគុណតម្លៃនៃមុខតំណែងរបស់គាត់ជា បូជាចារ្យ”ធ្វើឲ្យគាត់មានទំនាក់ទំនងយ៉ាងជិតស្និទ្ធបំផុតជាមួយមេដឹកនាំយោធា និងនយោបាយរបស់ប្រទេសរុស្ស៊ី” ។
ភ្នាក់ងារសន្តិសុខបានបើកសំណុំរឿងព្រហ្មទណ្ឌរាប់សិបករណី រួមទាំងការចោទប្រកាន់ពីបទក្បត់ជាតិប្រឆាំងនឹងបូជាចារ្យ និងមន្ត្រីមួយចំនួនដែលមានទំនាក់ទំនងជាមួយសាខាព្រះវិហារគ្រឹស្តសាសនាដែលជាប់ពាក់ព័ន្ធនឹងក្រុងម៉ូស្គូ។
បព្វជិតKirill បានបរិហារអំពីសកម្មភាពទាំងនោះ ហើយបានអំពាវនាវដល់ថ្នាក់ដឹកនាំនៅទូទាំងពិភពលោកឲ្យបញ្ឈប់ទង្វើរបស់អ៊ុយក្រែនប្រឆាំងនឹងបព្វជិតគ្រឹស្តសាសនា។
បព្វជិតជាន់ខ្ពស់ប្រចាំព្រះវិហារគ្រឹស្តសាសនារុស្ស៊ីបានប្រាប់ទីភ្នាក់ងារសារព័ត៌មាន RIA របស់រុស្ស៊ីថា ការដាក់បព្វជិត Kirill ទៅក្នុងបញ្ជីតាមចាប់ខ្លួនគឺជា “ទង្វើកំសាកដ៏គួរឲ្យអស់សំណើច” ។
វ្ល៉ាឌីមៀ ឡេហ្គូដា ដែលជាអ្នកទទួលខុសត្រូវកិច្ចការទំនាក់ទំនងជាមួយព្រះវិហារគ្រឹស្តសាសនាផ្សេងៗទៀត បានប្រាប់ RIA ថា អាជ្ញាធរអ៊ុយក្រែនមានទោសពីបទ “រំលោភច្បាប់ និងប៉ុនប៉ងបំភិតបំភ័យអ្នកកាន់សាសនាគ្រឹស្ត”៕
ប្រភព៖ Reuters/ac