ដោយ៖ Napon Jatusripitak
![](https://cambodiaflashnews.com/wp-content/uploads/2021/06/top-banner.gif)
លោកសេដ្ឋា ថៈវីស៊ីន នាយករដ្ឋមន្ត្រីថៃនៅតែធ្វើឲ្យគេមានការមន្ទិលសង្ស័យលើការកាន់អំណាចក្នុងនាមជានាយករដ្ឋមន្ត្រី បើទោះបីជាមានការគាំទ្រពីសភាយ៉ាងច្រើនក៏ដោយចុះ។
ដោយសារការតែងតាំងរបស់គាត់ត្រូវបានធានាតាមរយៈសម្ព័ន្ធភាពដ៏ចម្រូងចម្រាសរវាងគណបក្សភឿថៃជាមួយនឹងការគាំទ្រដោយយោធាដែលបង្កើតឲ្យមានជាចម្ងល់និងត្រូវបានចោទជាសំណួរផងដែរថាតើគាត់កាន់អំណាចពេញលេញនៅក្នុងដៃឬមួយយ៉ាងណា? នេះមិនរាប់បញ្ចូលគណបក្ស Move Forward ដែលឈ្នះការបោះឆ្នោតសកលកាលពីខែឧសភា ហើយត្រូវបានសាធារណជនរិះគន់ថាផ្ទុយពីអាណត្តិបោះឆ្នោត។
សាធារណជនមានការងឿងឆ្ងល់ចំពោះអំណាចស្វ័យភាពរបស់លោកសេដ្ឋា ថៈវីស៊ីន ដែលជាក់ស្តែងទំនងជាមិនមានអំណាចពេញលេញនៅក្នុងដៃនោះទេ ដោយសារតែវត្តមានរបស់លោកថាក់ស៊ីន ស៊ីណាវ៉ាត្រាជាមួយនឹងកូនស្រីពៅរបស់គាត់ Paetongtarn ហាក់ដូចជានៅពីក្រោយរូបភាពនៃការកាន់អំណាចដ៏សំខាន់មួយនេះ។
កត្តាអស់ទាំងនេះហើយដែលធ្វើឲ្យគេយល់ឃើញថា លោកសេដ្ឋា ថៈវីស៊ីន មិនមានអំណាចពិតប្រាកក្នុងនាមជានាយករដ្ឋមន្ត្រី បន្ទាប់ពីការចាក់បញ្ចាំងរឿង “Sap Pa Rer (The Undertaker)” ដែលមានការចូលរួមពីគណៈរដ្ឋមន្ត្រី និង Paetongtarn។
អ្នកយកព័ត៌មានបានហៅលោកសេដ្ឋា ថៈវីស៊ីន ជានាយករដ្ឋមន្ត្រី លោកឆ្លើយបែបលេងសើចថា នាយករដ្ឋមន្ត្រីមួយណាទៅប្រទេសថៃមាននាយករដ្ឋមន្ត្រីដល់ទៅពីរនាក់ឯណោះ។
គាត់ត្រូវបានគេចោទសួរបន្ថែមទៀតបន្ទាប់ពីកិច្ចប្រជុំគណបក្សភឿថៃពីរថ្ងៃក្រោយមក នៅពេលដែល ស្រ្ថាថា អបអរសាទរ Paetongtarn ដែលបានក្លាយជាមេដឹកនាំគណបក្ស។ ទោះបីជាមានការប៉ុនប៉ងជាបន្តបន្ទាប់របស់លោកសេដ្ឋា ថៈវីស៊ីន ក្នុងការលុបការធ្វើអត្ថាធិប្បាយឡើងវិញក្រោយពីត្រូវបានសាកសួរដោយអ្នកព័ត៌មានជើងចាស់ Suthichai Yoon ក៏ដោយ សុន្ទរកថាដំបូងរបស់គាត់បាននិយាយឆ្លុះបញ្ចាំងដោយអចេតនាអំពីភាពមិនច្បាស់លាស់នៅជុំវិញការកាន់អំណាចក្នុងរដ្ឋាភិបាល។
- តើអ្នកណាជាអ្នកមានអំណាចពិតប្រាកដ?
ភាពស្រពិចស្រពិលនេះនាំឲ្យមានការបកស្រាយកាន់តែវែងឆ្ងាយ ដែលអាចសន្និដ្ឋានបានថាលោកសេដ្ឋា ថៈវីស៊ីន អាចដើរតួជាតួរងជំនួសឲ្យលោក ថាក់ស៊ីន ដែលលាក់មុខកាន់កាប់អំណាចដោយសម្ងាត់ពីការិយាល័យឯកជនមួយនៅជាន់ទី ១៤ នៃមន្ទីរពេទ្យរបស់អគ្គស្នងការដ្ឋាននគរបាលជាតិ និងតាមរយៈកូនស្រីពៅរបស់គាត់លោកស្រី Paetongtarn ។
លោកស្រី Paetongtarn មិនត្រឹមតែដឹកនាំបក្សភឿថៃជាផ្លូវការប៉ុណ្ណោះទេ ថែមទាំងនៅតែឈរជាបេក្ខភាពនាយករដ្ឋមន្ត្រីមួយរូបរបស់គណបក្សផងដែរ។ លោកស្រី Paetongtarn បានអះអាងថា “គ្រួសារ Shinawatra មិនមែនជាកម្មសិទ្ធិរបស់ភឿថៃទេ។ ភឿថៃជារបស់ប្រជាជនថៃគ្រប់គ្នា”ក៏ប៉ុន្តែមានតែ លោកស្រី Paetongtarn ដែលជាអ្នកមានសិទ្ធិឈរជាបេក្ខភាពដើម្បីអាចក្លាយជានាយករដ្ឋមន្ត្រីបន្ទាប់របស់ប្រទេសថៃ។
បើតាមសម្តីរបស់លោកស្រី Paetongtarn បានបង្ហាញថាគាត់អាចជំនួសលោកសេដ្ឋា ថៈវីស៊ីន ជានាយករដ្ឋមន្ត្រីនៅពេលណាក៏បានដែរ។ គឺវាអាចកើតឡើងបន្ទាប់ពីអាណត្តិរបស់ព្រឹទ្ធសភាដែលត្រូវបានតែងតាំងដោយយោធាបានបញ្ចប់ក្នុងខែឧសភា ឆ្នាំ ២០២៤ ហើយនាយករដ្ឋមន្ត្រីថ្មីត្រូវបានជ្រើសរើសដោយសមាជិកសភាដោយមានបក្ខភាពតែម្នាក់ប៉ុណ្ណោះ។
នៅក្នុងស្រុកលោកសេដ្ឋា ថៈវីស៊ីន នឹងជួយត្រួសត្រាយផ្លូវសម្រាប់លោកស្រី Paetongtarn ដូចជាជួយនាង “ដោយប្រយោល” ក្នុងអំឡុងពេលធ្វើដំណើរទៅតាមខេត្ត និងតែងតាំងនាងជាអនុប្រធានគណៈកម្មាធិការយុទ្ធសាស្រ្តថាមពលទន់ជាតិដែលជាតួនាទីមួយមានភ្ជាប់មកជាមួយនូវអំណាចថវិកាពិតប្រាកដ ប៉ុន្តែការទទួលខុសត្រូវនៅមានកម្រិត។
ជាមួយគ្នានេះលោកសេដ្ឋា ថៈវីស៊ីន ក៏នឹងបិទភ្នែកម្ខាងតាមដែលអាចធ្វើទៅបាន ដើម្បីធានាជីវិតដ៏សុខស្រួលរបស់លោក ថាក់ស៊ីន នៅក្រៅពន្ធនាគារ។
- ស្រមោលរបស់ថាក់ស៊ីន
ការបកស្រាយនេះធ្វើឲ្យមានការចាប់អារម្មណ៍មិនតិចតួចនោះទេ ដោយសារតែមានភស្តុតាងជាក់ស្តែងបង្ហាញថាមានការជ្រៀតជ្រែករបស់ លោក ថាក់ស៊ីន នៅក្នុងកិច្ចការរដ្ឋាភិបាល ប៉ុន្តែដោយសារការយល់ឃើញរបស់ ស្រេថា ខ្វះឥទ្ធិពលនយោបាយជាមួយ ថាក់ស៊ីន ដែលកំពុងលាក់ខ្លួននៅពីក្រោយឆាកដែលលោកស្រេថាហាក់ដូចជាស្រមោលរបស់លោក ថាក់ស៊ីន ។
ការសង្ស័យស្រដៀងគ្នានេះក៏ដូចជានាយករដ្ឋមន្ត្រីមុនៗដែលធ្លាប់នៅក្នុងស្ថានភាពស្រដៀងគ្នានិងលោកសេដ្ឋា ថៈវីស៊ីន ដែរ។ ដោយរាប់បញ្ចូលទាំងលោក Samak Sundaravej ហើយនិងសមាជិកគ្រួសាររបស់ Thaksin ដូចជា Somchai Wongsawat ដែលបានរៀបការជាមួយប្អូនស្រីរបស់ Thaksin Yaowapha និង Yingluck Shinawatra ដែលកាន់អំណាចដោយមិនខ្មាស់អៀនក្នុងយុទ្ធនាការក្រោមពាក្យស្លោកថាត្រកូល Thaksin Thinks, Pheu Thai Acts “ក្នុងឆ្នាំ ២០១១ ។
ស្ថានភាពរបស់លោកសេដ្ឋា ថៈវីស៊ីន មានលក្ខណៈស្រដៀងគ្នានឹងលោក សាម៉ាក់ ដោយសារតែគាត់ជាអ្នកនៅក្រៅរង្វង់គ្រួសាររបស់លោកស៊ីណាវ៉ាត្រា។ទោះជាយ៉ាងនេះក្តីលោកសេដ្ឋា ថៈវីស៊ីន មិនកាន់តំណែងជាអ្នកដឹកនាំផ្លូវការណាមួយនៅក្នុងបក្សភឿថៃនោះទេហើយក៏មិនមានឥទ្ធិពលផ្ទាល់ខ្លួនលើសមាជិកសភាបក្សភឿថៃណាមួយឡើយ។ អាក្រក់ជាងនេះទៅទៀតនោះ គឺរាល់អាថ៌កំបាំងដែលត្រូវបានលាតត្រដាងឡើងចំពោះតំណែងនាយករដ្ឋមន្ត្រីដែលបានជំពាក់ប្រាក់លោក ថាក់ស៊ីន យ៉ាងច្រើនដែលធ្វើឲ្យសេដ្ឋា មានប្រជាប្រិយភាពផ្ទាល់ខ្លួនតិចតួចបំផុត។
សម្រាប់ការបង្កើតរដ្ឋាភិបាលនៅដើមឆ្នាំនេះលោកថាក់ស៊ីន ដែលជាមេដឹកនាំគណបក្សភឿថៃ នឹងធ្វើឲ្យមេដឹកនាំគណបក្សផ្សេងទៀតងាកទៅមើលការវិលត្រឡប់របស់លោក ថាក់ស៊ីន កាលពីថ្ងៃទី ២២ ខែសីហា មកកាន់ប្រទេសថៃ នៅប៉ុន្មានម៉ោងមុនការបោះឆ្នោតជ្រើសរើសលោកសេដ្ឋា ថៈវីស៊ីន ជានាយករដ្ឋមន្ត្រីបានធ្វើឲ្យមានការយល់ឃើញថាលោកដើរតួយ៉ាងសំខាន់ក្នុងការជ្រើសរើសលោកស្រី ស្រេត ថា។ ដូច្នេះហើយ វាមិនមានអ្វីដែលគួរឲ្យភ្ញាក់ផ្អើលនោះទេ ទាំងគណៈរដ្ឋមន្ត្រី និងសូម្បីតែក្រុមទីប្រឹក្សាផ្លូវការផ្ទាល់របស់គាត់ ពោរពេញទៅដោយបុគ្គលដែលមានទំនាក់ទំនងយ៉ាងជិតស្និទ្ធជាមួយថាក់ស៊ីន។ បន្ទាប់ពីក្តោបអំណាចបានទាំងអស់លោកសេដ្ឋា ថៈវីស៊ីន ថាមិនត្រូវបានគេជ្រើសរើសទៀតនោះទេ។
ប្រសិនបើករណីនេះធ្វើឲ្យលោកស្រីថាប្រតិបត្តិការក្នុងអំណាចដ៏តូចចង្អៀតមែននោះនឹងធ្វើឲ្យមានការព្រួយបារម្ភយ៉ាងខ្លាំងអំពីអភិបាលកិច្ចនៅក្នុងប្រទេសថៃ។ ស្ថានភាពនេះមានបង្កប់ន័យថាការសម្រេចចិត្តគោលនយោបាយសំខាន់ៗ និងសកម្មភាពរបស់រដ្ឋាភិបាលអាចឆ្លុះបញ្ចាំងពីផលប្រយោជន៍ និងគោលបំណងរបស់លោកថាក់ស៊ីន ជាជាងតម្រូវការរបស់ប្រជាជនថៃ។
បញ្ហាទំនួលខុសត្រូវតាមបែបប្រជាធិបតេយ្យ ក៏ដូចជាបញ្ហាសំខាន់ៗដូចជាកំណែទម្រង់រដ្ឋធម្មនុញ្ញ និងជោគវាសនានៃអ្នកដែលកំពុងរង់ចាំការលើកលែងទោសលើបទចោទប្រកាន់ពីបទប្រមាថព្រះមហាក្សត្រ។ នៅតែជាសំណួរថាតើ ស្រេថា នឹងមានឆន្ទៈក្នុងការដោះស្រាយបញ្ហាទាំងនេះជាបឋមឬយ៉ាងណា? ដោយសារសក្តានុពលហានិភ័យនៃការប្រឆាំងនឹងការបង្កើតក្រុមអភិរក្សនិយម ដែលមានអ្នកធានាតែម្នាក់គត់ចំពោះសន្តិសុខ និងអភ័យឯកសិទ្ធិផ្លូវច្បាប់របស់លោកថាក់ស៊ីននោះគឺរូបគាត់ ។
ការខកខានក្នុងការសម្រេចបាននូវសមិទ្ធផលសំខាន់ៗ ដូចជាការអនុវត្តគម្រោងកាបូបឌីជីថលអាចជាការគម្រាមកំហែងដល់តំណែងនាយករដ្ឋមន្ត្រីរបស់គាត់។ ប៉ុន្តែ ប្រសិនបើគាត់ធ្វើបានលើសពីការរំពឹងទុក ជាពិសេសនៅក្នុងស្រុក គាត់ក៏អាចប្រឈមមុខនឹងហានិភ័យក្នុងការដែលត្រូវបានគេដកចេញពីតំណែងផងដែរដោយសារតែការសម្តែងប្រកបដោយជោគជ័យរបស់គាត់អាចគ្របដណ្ដប់លើឥទ្ធិពលរបស់លោកស្រី Paetongtarn ដែលកំពុងតែពន្យារពេលក្នុងការឡើងកាន់តំណែងជានាយករដ្ឋមន្ត្រីបន្ទាប់។
ប្រសិនបើលោកសេដ្ឋា ថៈវីស៊ីន ចងសម្ព័ន្ធភាពជិតស្និទ្ធជាមួយលោក ថាក់ស៊ីន ខ្លាំងពេក លោកអាចប្រឈមមុខនឹងការរិះគន់ជាសាធារណៈដូចជាលោកស្រី យីងឡាក់ផងដែរ។ ការអនុម័តច្បាប់លើកលែងទោសដ៏ចម្រូងចម្រាស ដែលនឹងអនុញ្ញាតឲ្យលោកថាក់ស៊ីនត្រឡប់ទៅផ្ទះវិញដោយមិនប្រឈមមុខនឹងការចោទប្រកាន់បណ្តាលឲ្យមានការតវ៉ាយ៉ាងទូលំទូលាយដែលនៅទីបំផុតនឹងនាំមកនូវរដ្ឋប្រហារមួយដូចកាលពីឆ្នាំ ២០១៤ ។
ប្រសិនបើលោកសេដ្ឋា ថៈវីស៊ីន ដើរនយោបាយដោយប្រុងប្រយ័ត្នពេក នឹងធ្វើការតិចតួចពេកដើម្បីផ្គាប់ចិត្ត ស៊ីណាវ៉ាត្រា គាត់ប្រហែលជាត្រូវចាកចេញដោយស្ងៀមស្ងាត់បំផុត គឺស្រដៀងទៅនឹងលោក សាម៉ាក់ ដែលត្រូវបានតែងតាំងឲ្យឡើងកាន់អំណាចនៅក្នុងឆ្នាំ ២០០៨ បន្ទាប់ពីត្រូវបក្សត្រូវបានរំលាយដោយតុលាការធម្មនុញ្ញ ហើយរូបគាត់ត្រូវបានរារាំងដោយគណបក្សរបស់ខ្លួនផ្ទាល់ដោយសម្រេចតែងតាំងលោក Somchai Wongsawat ជាអ្នកជំនួសវិញនោះ។
ទីបំផុតនៃខ្សែជីវិតរបស់លោកសេដ្ឋា ថៈវីស៊ីន ដែលកំណត់ឲ្យគាត់ដើរខុសពីនាយករដ្ឋមន្ត្រីរបស់គណបក្សថាក់ស៊ីនមុនៗទាំងអស់ អាចជាឋានៈនយោបាយស្រទាប់ក្រៅមិនខុសពីបុព្វបុរសបុរាណថៃ ដែលដាក់គាត់នៅក្បែរអ្នកមានអំណាចប្រពៃណីនៅក្នុងសង្គមថៃដែលលោកថាក់ស៊ីនចង់បាន។ អ្វីដែលនៅសេសសល់សម្រាប់លោកសេដ្ឋា ថៈវីស៊ីន គឺអាស្រ័យលើភាពប៉ិនប្រសប់ខាងនយោបាយរបស់គាត់ដែលដើរតួក្នុងឆាកនយោបាយថៃដោយប្រយោល៕
ប្រភព៖ Others/aj