ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
នៅថ្ងៃចន្ទ ទី១១ ធ្នូ អ្នកលក់អនឡាញ Kurt Tay ដែលប្រឈមនឹងការចោទប្រកាន់ពីបទចែកចាយរូបភាពផ្លូវភេទលើ Telegram បានមកតុលាការវិញហើយជាមួយនឹងមេធាវីដែលទើបនឹងជួលក្នុងពេលថ្មីៗនេះ។
តុលាការបានបើកសវនាការលើករណី ជនជាតិសិង្ហបុរីអាយុ ៤១ ឆ្នាំដែលមានឈ្មោះក្នុងសំណុំរឿងរបស់តុលាការ Tay Foo Wei ត្រូវប្រឈមនឹងការចោទប្រកាន់ថ្មីបន្ថែមទៀត។
Tay ត្រូវបានចោទជាលើកដំបូងនៅថ្ងៃទី ១ ខែវិច្ឆិកាពីបទចែកចាយរូបភាព និងវីដេអូរបស់ស្ត្រីម្នាក់ធ្វើសកម្មភាពផ្លូវភេទតាមអនឡាញជាក្រុមនៅលើ Telegram កាលពីថ្ងៃទី ២៧ ខែតុលា ឆ្នាំនេះ។
អង្គហេតុសំណុំរឿងបានបង្ហាញថាការចែកចាយរូបភាពនិងវីដេអូរបស់ស្ត្រីធ្វើសកម្មភាពផ្លូវភេទតាមអនឡាញជាក្រុមគឺគាត់ធ្វើឡើងដោយមិនមានការយល់ព្រមពីស្ត្រីរងគ្រោះ ហើយ Tay ក៏បានដឹងដែរថាគាត់បានធ្វើឲ្យនាងមានការអាម៉ាស់យ៉ាងខ្លាំង។
លោក Rohit Kumar Singh មេធាវីថ្មីរបស់ Tay មកពី Regal Law បានប្រាប់ចៅក្រមថា គាត់ទើបតែទទួលបានសំណុំរឿងនេះ ហើយគាត់បានស្នើសុំឲ្យមានការពន្យារពេលដើម្បីឲ្យកូនក្តីរបស់គាត់អាចចូលរួមក្នុងសវនាការ។
ចុងចោទបានដាក់សំណើសុំឲ្យមេធាវីរបស់គាត់ចូលរួមក្នុងសវនាការជំនួសឲ្យរូបគាត់ដោយមិនចាំបាច់មានវត្តមានរបស់គាត់ដែលជាជនជាប់ចោទនៅក្នុងសវនាការសួរដេញដោលរបស់តុលាការនៅក្នុងសវនាការនាពេលខាងមុខនោះទៀតទេ។
ចៅក្រមបានអនុញ្ញាតតាមសំណើរបស់ជនជាប់ចោទក៏ប៉ុន្តែបានរំលឹកថាជនជាប់ចោទនិងមេធាវីរបស់គាត់ត្រូវតែមានវត្តមានប្រសិនបើមានបទចោទថ្មីបន្ថែមទៀតដែលចាំបាច់ត្រូវតែមានការសួរដេញដោល។
អយ្យការអមសាលាក្តីបានលើកឡើងថាគាត់នៅមិនទាន់បានចាត់ការតាមនីតិវិធីស្របតាមអង្កហេតុនៅក្នុងសំណុំរឿងនេះនៅឡើយទេហើយក៏បានស្នើសុំពន្យារពេលចំនួនបួនសប្តាហ៍សម្រាប់ការដេញដោលលើអង្គហេតុនៃបទចោទថ្មីៗលើរូបជនជាប់ចោទ។
កាលពីថ្ងៃចន្ទ មានក្រុមយុវជនមួយចំនួនតូចបានប្រមូលផ្តុំគ្នានៅសាលសាធារណៈរបស់សាលក្តីដើម្បីរង់ចាំវត្តមានរបស់ Tay។ មានមនុស្សប្រហែល១៥ទៅ១៦នាក់បានមកចូលរួមសវនាការលើកមុនដែលបានធ្វើឡើងកាលពីថ្ងៃទី ១៦ ខែវិច្ឆិកាដោយពួកគេមួយចំនួនបានជេរប្រមាថលើរូបគាត់នៅពេលគាត់បានដើរចេញពីទ្វារខាងមុខសាលាក្តី។
កាលពីថ្ងៃចន្ទមានអ្នកទៅចូលរួមប្រហែល ៥ នាក់កំពុងរង់ចាំជនជាប់ចោទនៅខាងក្រៅអគារសលាក្តី ខណៈដែលរូបគាត់នៅខាងក្នុងអគារសាលាក្តីជាមួយមេធាវី។
ករណីសំណុំរឿងរបស់ជនជាប់ចោទនឹងត្រូវបើកសវនាការលើអង្គហេតុម្ដងទៀតនៅក្នុងខែមករា។ គាត់បានបង្ហាញខ្លួនជាសាធារណៈជាលើកដំបូងនៅពេលដែលគាត់បានចូលរួមសវនការរបស់ Singapore Idol នៅក្នុងឆ្នាំ ២០០៨ ហើយក្រោយមកត្រូវបានគេស្គាល់ថាជាជើងឯកខ្សែក្រវាត់កីឡាចំបាប់ពិភពលោក។
គាត់បានអះអាងអំពីរូបគាត់តាមអ៊ិនធើណិតថាគាត់ជាកំពូលតារាល្បីឈ្មោះ Kurt Tay គាត់កំពុងអាប់ដេតចំនួនអ្នកតាមដានខ្សែជីវិតរបស់គាត់នៅលើប្រព័ន្ធផ្សព្វផ្សាយសង្គម និងនៅក្នុងក្រុមពិគ្រោះយោបល់ឯកជន។
ប្រសិនបើរូបគាត់ត្រូវជាប់ទោសពីបទចែកចាយរូបភាពអាសអាភាសដោយគ្មានការយល់ព្រមពីស្ត្រីរងគ្រោះ នោះគាត់អាចជាប់គុករហូតដល់ប្រាំឆ្នាំនិងត្រូវពិន័យជាប្រាក់ទៅតាមស្ថានទម្ងន់ទោសទាំងនេះ។
ប្រភព៖ CNA