ប្រែសម្រួល៖ បញ្ញា

West Ham Unitedបានផ្តល់ការឈឺចាប់ឲ្យក្រុមមាន់ខ្នាយមាស Tottenham Hotspur ដល់ទឹកផ្ទះរបស់ខ្លួនដោយបានយកឈ្នះក្នុងលទ្ធផល២-១ក្នុងការប្រកួតកាលពីថ្ងៃទី៧ធ្នូ ២០២៣។

ក្រុម West Ham លេងមិនបានល្អទាំងស្រុងក្នុងតង់ទីមួយ ដែលការស៊ុតបញ្ចូលទីរបស់ Cristian Romero ត្រឡប់មកវិញ គឺជារង្វាន់ដ៏កម្រសម្រាប់ការត្រួតត្រារបស់ Tottenham ។

ប៉ុន្តែ West Ham មានភាពប្រសើរឡើងច្រើនបន្ទាប់ពីការសម្រាក ហើយការតាមស្មើរបស់ Jarrod Bowen នៅនាទីទី 52 បានផ្លាស់ប្តូរមុខមាត់នៃការប្រកួត Derby ខណៈដែលទំនុកចិត្តដំបូងរបស់ Tottenham បានធ្លាក់ចុះ។

បន្ទាប់មក Tottenham ដែលពីដើមរដូវកាល Premier Leagueមើលទៅហាក់ដូចជាខ្លាំងនោះ បានបំផ្លាញដោយខ្លួនឯងនៅនាទីទី 74 នៅពេលដែលការបញ្ជូនបាល់ពីក្រោមរបស់ Destiny Udogie បង្កឱ្យមានភាពច្របូកច្របល់ ហើយ James Ward-Prowse បានស្ទុះងើបឡើងវិញបន្ទាប់ពីការស៊ុតដំបូងរបស់គាត់បានស្ទុះមកទាត់បញ្ជូលទី។

ក្រុម West Ham បានបន្ធូរបន្ថយសម្ពាធខ្លះៗរបស់ Tottenham ហើយរក្សាបាននូវជ័យជម្នះដែលជំរុញឱ្យពួកគេស្ថិតក្នុងរង្វង់បីពិន្ទុនៃគូប្រជែងនៅទីក្រុងឡុងដ៍របស់ពួកគេ។

Tottenham នៅតែស្ថិតក្នុងចំណាត់ថ្នាក់លេខ ៥ ដោយមាន ២៧ ពិន្ទុ ប៉ុន្តែទទួលបានតែ ១ ពិន្ទុប៉ុណ្ណោះពីការប្រកួត ៥ លើកចុងក្រោយរបស់ពួកគេ ដែលនាំមុខ ១-០ ទាំងអស់។ West Ham នៅពេលនេះឈរ​លេខ​៩ មាន​២៤​ពិន្ទុ៕

ប្រភព៖ Reuters/ac