ប្រែសម្រួល៖ កញ្ញាស្រីស្រស់
ក្រុមអ្នកជួយសង្គ្រោះផ្ទុះភ្នំភ្លើងម៉ារ៉ាពីនៅឥណ្ឌូណេស៊ីកំពុងតែបន្តស្វែងរកអ្នកនៅបាត់ខ្លួនចំនួន១២នាក់ទៀតដែលមិនដឹងពីជោគវាសនារបស់ពួកគេទៅជាយ៉ាងណានោះទេ។
ក្រុមអ្នកជួយសង្គ្រោះឥណ្ឌូនេស៊ីរាប់រយនាក់កំពុងតែដុតដៃដុតជើងនៅថ្ងៃអង្គារ ទី 5 ខែធ្នូ នេះដើម្បីស្វែងរកអ្នកឡើងភ្នំរាប់សិបនាក់ដែលបានបាត់ខ្លួនបន្ទាប់ពីការផ្ទុះភ្នំភ្លើងបានសម្លាប់មនុស្ស 11 នាក់។
អ្នកឡើងភ្នំដែលស្លាប់ត្រូវបានរកឃើញកាលពីថ្ងៃចន្ទ នៅជិតរណ្ដៅភ្នំភ្លើង Marapi លើកោះស៊ូម៉ាត្រា ខណៈអ្នកផ្សេងទៀតត្រូវបានរកឃើញនៅរស់ និងដឹកចុះពីលើភ្នំក្នុងកិច្ចខិតខំប្រឹងប្រែងជួយសង្គ្រោះដ៏លំបាកដែលរារាំងដោយការផ្ទុះបន្ថែមទៀត និងអាកាសធាតុអាក្រក់។
ភ្នំភ្លើងនេះបានបញ្ចេញផ្សែងផេះមួយកម្ពស់ 3,000 ម៉ែត្រ ដែលខ្ពស់ជាងភ្នំភ្លើងខ្លួនឯងទៅលើមេឃកាលពីថ្ងៃអាទិត្យ។
“ព្រឹកនេះ យើងនឹងដាក់ពង្រាយកម្លាំងបុគ្គលិកប្រហែល 200 នាក់ ពីលើបុគ្គលិកដែលកំពុងស្នាក់នៅទីនោះរួចហើយ។ រហូតមកដល់ពេលនេះ សាកសព 5 នាក់ត្រូវបាននាំយកមក” Hendri ប្រធានប្រតិបត្តិការនៅទីភ្នាក់ងារស្វែងរក និងជួយសង្គ្រោះ Padang បានប្រាប់ AFP កាលពីថ្ងៃអង្គារ។ .
មន្ត្រីនិងប្រជាជនឥណ្ឌូនេស៊ីជាច្រើននាក់បាននិយាយថា៖ «ភ្នំភ្លើងនៅតែបន្តផ្ទុះឡើង»៕
ប្រភព៖ AFP/at
