ប្រែសម្រួល៖ រតនា
សេអ៊ូល៖ ប្រទេសកូរ៉េខាងត្បូង បានបញ្ជាក់នៅថ្ងៃសៅរ៍ ទី០២ ខែធ្នូនេះថា ផ្កាយរណបចារកម្មយោធាដំបូងរបស់ខ្លួន បានទៅដល់គន្លងតារាវិថី បន្ទាប់ពីការបាញ់បង្ហោះគ្រាប់រ៉ុក្កែត SpaceX ដោយជោគជ័យ ហើយការទំនាក់ទំនងត្រូវបានបង្កើតឡើង ជាមួយនឹងការគ្រប់គ្រងដី។
ផ្កាយរណបឈ្លបយកការណ៍របស់ទីក្រុងសេអ៊ូល ដែលដឹកដោយគ្រាប់រ៉ុក្កែត SpaceX Falcon 9 របស់ Elon Musk បានបង្កើនការប្រណាំងអវកាសនៅលើឧបទ្វីបកូរ៉េ បន្ទាប់ពីកូរ៉េខាងជើងបានបាញ់បង្ហោះកែវភ្នែកយោធាលើកដំបូងរបស់ខ្លួននៅលើមេឃកាលពីសប្តាហ៍មុន។
ក្រសួងការពារជាតិកូរ៉េខាងត្បូងបាននិយាយនៅថ្ងៃសៅរ៍ថា ផ្កាយរណបរបស់ខ្លួនបានទៅដល់គន្លងតារាវិថីភ្លាមៗ បន្ទាប់ពីគ្រាប់រ៉ុក្កែត SpaceX ដែលបង្កប់ដោយ “កូរ៉េ” បានបាញ់ចេញពីមូលដ្ឋានទ័ពអវកាសអាមេរិក Vandenberg ក្នុងរដ្ឋកាលីហ្វ័រញ៉ា នៅម៉ោង 10.19 នាទីព្រឹក ម៉ោងក្នុងស្រុក (1819 GMT) កាលពីថ្ងៃសុក្រ។
ក្រសួងបាននិយាយនៅក្នុងសេចក្តីថ្លែងការណ៍មួយថា “ផ្កាយរណបនេះត្រូវបានបាញ់បង្ហោះនៅម៉ោង 0319 ម៉ោងនៅទីក្រុងសេអ៊ូល ហើយត្រូវបានបំបែកដោយជោគជ័យពីគ្រាប់ផ្លោង 11 នាទីក្រោយមក ហើយបានដាក់ចូលទៅក្នុងគន្លងគោលដៅ” ៕
ប្រភព៖ AFP/rc